Share on Social Media


யோகா என்பது ஒரு ஆரோக்கியமான விஷயமாகும். தினசரி யோகா செய்பவர்கள் உடல் ரீதியாகவும், மன ரீதியாகவும் ஆரோக்கியமாக இருக்கின்றனர். மன அமைதி மற்றும் புத்துணர்ச்சியை பெறுவதற்கு யோகா உதவுகிறது. சில சமயங்களில் நாம் அதிகமாக யோகா பயிற்சிகளை மேற்கொள்கிறோம். இதனால் நீங்கள் அதிகமாக சோர்வடைய வாய்ப்புள்ளது.

யோகாவைக் கவனமுடன் வழிகாட்டுதலுடன் செய்ய வேண்டியது முக்கியமாகும். எதாவது ஒரு யோகா முறையை தவறாக செய்யும்போது அதனால் உங்கள் உடலில் பாதிப்புகள் ஏற்படலாம். சிலருக்கு யோகா செய்யும்போது அதிக வலி ஏற்படலாம். இப்படி யோகா செய்யும்போது நாம் கவனிக்கவேண்டிய விஷயங்களை இப்போது பார்க்கலாம்.

​தவறாக செய்தல்

யோகாவை பொறுத்தவரை ஒவ்வொரு யோகா ஆசனத்திற்கும் ஒரு உடல் வடிவம் உண்டு. அதை சரியாக செய்யும்போது நமது உடல் ஆரோக்கியத்தில் அவை பல நன்மைகளை செய்யும். ஆனால் அவற்றை சரியான ஆசிரியர் இல்லாமலோ அல்லது அனுபவம் இல்லாமலோ தவறாக செய்யும்போது அதனால் உடலில் எதிர்மறையான தாக்கம் ஏற்படுகிறது, இதனால் நீங்கள் சோர்வாக உணரலாம்.

ஒரு பயிற்சியை தவறாக செய்யும்போது அது செய்வதற்கு மிக கடினமாக இருக்கும். அப்படி இருக்கும் சமயத்தில் அந்த பயிற்சிகளை மேற்கொள்ள வேண்டாம். உடலின் சுவாசம் மற்றும் இயக்கத்தை பாதிக்கும் எந்த பயிற்சியையும் மேற்கொள்ள வேண்டாம். முடிந்த வரை யோகா ஆசிரியரை கொண்டு பயிற்சிகளை மேற்கொள்ளவும்.

​உடல் வலுவை இழந்தால் பயிற்சியை நிறுத்தவும்

samayam tamil Tamil News Spot

யோகா பயிற்சி செய்யும்போது சில விஷயங்கள் மீது நாம் கவனமாக இருப்பது முக்கியமாகும். சாதாரணமாக யோகா செய்யும்போது உடல் சோர்வடைவது என்பது சகஜமான விஷயம்தான். ஆனால் உடல் சோர்வடைந்த பின்னரும் கூட சிலர் விடாமல் யோகா முறைகளை செய்வதுண்டு.

இப்படி செய்யும்போது நமது உடலானது யோகா செய்வதற்கு ஒத்துழைக்காது. ஆனால் கடினமாக இருந்தாலும் நாம் அதை செய்வோம். இந்த அளவிற்கு சிரமப்பட்டு யோகாவை செய்ய தேவையில்லை. உடல் ஒத்துழைக்காத பட்சத்தில் யோகா செய்வதை நிறுத்தலாம்.

​உடல் வலி

samayam tamil Tamil News Spot

உண்மையில் மற்ற பயிற்சிகளை போல யோகா உடலில் வலியை ஏற்படுத்தக்கூடிய பயிற்சி அல்ல. அது உடலுக்கும் மனதிற்கும் அமைதியை அளிக்கக்கூடியது.

சரியான வழிகாட்டுதலின் கீழ் நீங்கள் யோகா முறைகளை செய்கிறீர்கள் எனில் அது உங்கள் உடலில் வலி இல்லாமலே பயிற்சி செய்வதற்கு அது உதவும்.

ஒருவேளை நீங்கள் யோகா செய்யும்போது உங்களது உடலில் வலியை உணர்கிறீர்கள் எனில் அதை கண்காணித்து, உங்கள் உடல் மற்றும் திறனுக்கு ஏற்றவாறு எளிய ஆசனங்களைச் செய்வது நல்லது.

​யோகாவிற்குப் பிறகு மூச்சுத் திணறல்

samayam tamil Tamil News Spot

யோகா பயிற்சியை உங்கள் சுவாசத்துடன் இணைப்பது என்பது முக்கியமான விஷயமாகும். சாதாரணமாக யோகா பயிற்சிகளை செய்யும்போது அது உங்களுக்கு எந்த வித மூச்சு பிரச்சனைகளையும் ஏற்படுத்தாது.

ஆனால் சில கடுமையான யோகா முறைகளை நீங்கள் செய்யும்போது அதனால் சில நேரங்களில் உங்களுக்கு மூச்சு திணறல் ஏற்படுவதற்கு வாய்ப்புள்ளது.

இந்த சமயங்களில் யோகா செய்வதை நிறுத்துவது நல்லது. மேலும் மூச்சு திணறல் தொடர்பான பிரச்சனைகள் உள்ளவர்கள் கடுமையான யோகா முறைகளை தவிர்ப்பது நல்லது.



Source link

Share on Social Media

Leave a Reply

Your email address will not be published.