Share on Social Media


ஹைலைட்ஸ்:

  • சீனியர் நடிகர் மோகனுடன் செல்ஃபி எடுத்த மாஸ்டர் பட தயாரிப்பாளர்
  • மாஸ்டர் தயாரிப்பாளர் சேவியர் பிரிட்டோ மோகன் ரசிகராம்
  • மோகனுடன் ஆசைப்பட்டு செல்ஃபி எடுத்துக் கொண்ட மாஸ்டர் தயாரிப்பாளர்

திரையுலகினர், ஐபிஎஸ் அதிகாரிகள், ஐஏஎஸ் அதிகாரிகள் உறுப்பினர்களாக இருக்கும் நண்பேன்டா வாட்ஸ்அப் குழுவின் நண்பர்கள் சந்திப்பு அண்மையில் நடந்தது. அந்த சந்திப்பில் வடிவேலு, மோகன், மாஸ்டர் படத்தின் தயாரிப்பாளர் சேவியர் பிரிட்டோ, கங்கை அமரன், சந்தான பாரதி, மனோபாலா, நடிகை ஆர்த்தி, கணேஷ்கர், ஆனந்த்ராஜ், உதயா, தயாரிப்பாளர் ஐசரி கணேஷ், ராஜேஷ், வெங்கட் பிரபு உள்ளிட்டோர் கலந்து கொண்டனர்.

நிகழ்ச்சியில் மோகனை பார்த்த சேவியர் பிரிட்டோ ஒரேயடியாக சந்தோஷப்பட்டு அவருடன் ரொம்ப நேரம் பேசியிருக்கிறார். நான் கல்லூரியில் படித்தபோது உங்களின் தீவிர ரசிகன். விஜய்யுடன் சேர்ந்து போட்டோ எடுக்க ஆசைப்பட்டது இல்லை. ஆனால் உங்களுடன் சேர்ந்து ஒரு போட்டோ எடுக்க ஆசையாக இருக்கிறது என்று கூறி செல்ஃபி எடுத்துள்ளார் சேவியர் பிரிட்டோ.

சேவியர் பிரிட்டோ மோகனிடம் கூறியது குறித்து சமூக வலைதளங்களில் பேசப்பட்டது. அந்த நண்பர்கள் சந்திப்பின் ஹைலைட்டே வடிவேலு பாட்டு பாடியதும், கண் கலங்கியதும், அப்பொழுதும் கூட ஜோக் அடித்து அங்கிருந்த அனைவரையும் சிரிக்க வைத்ததும் தான்.

படங்களில் நடிக்காமல் இருக்கும் வடிவேலுவை எந்த நிகழ்ச்சியிலும் பார்க்க முடிவது இல்லை. இந்நிலையில் தான் அவர் நண்பர்கள் சந்திப்பில் கலந்து கொண்டது ஆச்சரியமாக பார்க்கப்படுகிறது. கர்ணன் படத்தில் வந்த உள்ளத்தில் நல்ல உள்ளம் பாடலை பாடிய வடிவேலு வஞ்சத்தில் வீழ்ந்தேனடா என்று பாடி கண் கலங்கிவிட்டாராம். அவர் கலங்கியதை பார்த்து அங்கிருந்தவர்களுக்கும் கண்ணீர் வந்திருக்கிறது.
தெம்பு இருக்கு, ஆசை இருக்கு ஆனால்…: கண் கலங்கிய வடிவேலுஅந்த இடம் சீரியஸாக ஆனதை பார்த்த வடிவேலு உடனே சுதாரித்துக் கொண்டு, நீங்கள்லாம் ஒரு வருஷம் தான் லாக்டவுனில் இருந்தீங்க, ஆனால் நான் 10 வருஷமாவே இருக்கேன் என்று ஜோக் அடித்து அனைவரையும் சிரிக்க வைத்திருக்கிறார். படங்களில் நடிக்க முடியாத வேதனையில் கலங்கியபோதும் கூட அவர் மற்றவர்களை சிரிக்க வைத்தது தான் ரசிகர்களை ஃபீல் செய்ய வைத்திருக்கிறது.



Source link

Share on Social Media

Leave a Reply

Your email address will not be published. Required fields are marked *