Share on Social Media


ஹைலைட்ஸ்:

  • ஆகாஷ் முரளியை ஹீரோவாக்கும் சேவியர் ப்ரிட்டோ
  • ஆகாஷ் முரளி படத்தை இயக்கும் விஷ்ணுவர்தன்
  • ஆகாஷ் முரளி படத்திற்கு ஜிப்ரான் இசை?

மறைந்த நடிகர் முரளியின் இளைய மகன் ஆகாஷும், விஜய்யின் மாமா சேவியர் ப்ரிட்டோவின் மகள் சினேகாவும் கல்லூரியில் படித்தபோது காதலித்து பெற்றோர் சம்மதத்துடன் திருமணம் செய்து கொண்டார்கள். வெவ்வேறு மதம் என்பதால் முதலில் எதிர்ப்பு கிளம்பினாலும், அவர்கள் தங்கள் காதலில் உறுதியாக இருந்ததை பார்த்து இரு வீட்டாரும் மனம் மாறி திருமணம் செய்து வைத்தார்கள்.

தந்தை முரளியை போன்று நடிகராக ஆசைப்பட்டார் ஆகாஷ். அவரை ஹீரோவாக்கும் முயற்சியில் இறங்கினார் அண்ணன் அதர்வா. இந்நிலையில் என் வீட்டு மாப்பிள்ளையை நான் தான் ஹீரோவாக அறிமுகம் செய்து வைப்பேன் என்று அந்த பொறுப்பை ஏற்றுக் கொண்டுள்ளார் சேவியர் ப்ரிட்டோ.

ஆகாஷ் முரளி ஹீரோவாக அறிமுகமாகும் படத்தை அஜித்தின் பில்லா, ஆரம்பம் உள்ளிட்ட படங்களை கொடுத்த விஷ்ணுவர்தன் இயக்குகிறாராம். இந்நிலையில் இசையமைப்பாளரை முடிவு செய்துவிட்டார்களாம்.

கமலின் செல்லப் பிள்ளையான ஜிப்ரான் தான் ஆகாஷ் முரளியின் படத்திற்கு இசையமைக்கிறாராம். இது குறித்த அதிகாரப்பூர்வ அறிவிப்பு விரைவில் வெளியாகும் என்று கூறப்படுகிறது.

ப்ரீ ப்ரொடக்ஷன் பணிகள் தீவிரமாக நடந்து வருகிறதாம். கொரோனாவின் தாக்கம் சற்று குறைந்த பிறகு படப்பிடிப்பை துவங்க முடிவு செய்திருக்கிறார்களாம்.

மருமகனை பெரிய திரையில் ஹீரோவாக பார்க்கும் ஆசையில் சேவியர் ப்ரிட்டோ தீயாக வேலை செய்வதை பார்ப்பவர்களோ, யாருக்கு கிடைக்கும் இப்படி ஒரு மாமனார். ஆகாஷ் முரளி ரொம்ப கொடுத்து வைத்தவர் என்கிறார்கள்.

லோகேஷ் கனகராஜ் இயக்கத்தில் விஜய், விஜய் சேதுபதி மோதிக் கொண்ட மாஸ்டர் படத்தை தயாரித்தவர் சேவியர் ப்ரிட்டோ தான். அந்த மருமகனை அடுத்து தன் சொந்த மருமகனை வைத்து படம் தயாரிக்கிறார்.

இதற்கிடையே மாஸ்டரை அடுத்து நெல்சன் திலீப்குமார் இயக்கத்தில் தளபதி 65 படத்தில் நடித்து வருகிறார் விஜய். முதல்கட்ட படப்பிடிப்பு முடிந்த நிலையில் கொரோனா வைரஸ் பிரச்சனை மீண்டும் விஸ்வரூபம் எடுத்தது. இதையடுத்து அடுத்தக்கட்ட படப்பிடிப்பை துவங்க முடியவில்லை.



Source link

Share on Social Media

Leave a Reply

Your email address will not be published. Required fields are marked *