Share on Social Media

​கர்ப்பிணி பெண்களுக்கு எக்ஸ்ரேக்கள் பாதுகாப்பானதா?

எக்ஸ்ரேவின் பாதுகாப்பானதா என்பது உடலில் எந்த பகுதியில் கதிர்வீச்சின் வெளிப்படுத்தும் திறன் அளவை பொறுத்தது. இனப்பெருக்க உறுப்புக்களைத்தவிர மற்ற பகுதிகளுக்கு எக்ஸ்ரே இருந்தால் கர்ப்பத்தில் ஆபத்தானது இல்லை.

கால்கள், கைகள், மார்பு பகுதி, பற்கள் அல்லது தலை உள்ளிட்ட பாகங்களின் எக்ஸ்ரே தேவை என்று மருத்துவர் பரிந்துரைக்கலாம். ஆனால் கீழ் முதுகு, இடுப்பு, அடி வயிறு, சிறுநீரகம் அல்லது வயிறு உள்ளிட கீழ் உடற்பகுதியின் எக்ஸ்ரே தேவைப்பட்டால் அது பிறக்காத குழந்தைக்கு கதிர்வீச்சு ஆபத்தை உண்டாக்க வாய்ப்புண்டு.

கர்ப்பிணிக்கு கொரோனா தடுப்பூசி : எப்போது? ஆபத்தானதா ? யாரெல்லாம் தவிர்க்கணும்? முழுமையான கைடு!

விஸ்கான்சின் மருத்துவக்கல்லூரியின் சுகாதார இயற்பியல் சங்கத்தின் கூற்றுப்படி கர்ப்பகாலத்தில் கதிர்வீச்சு வெளிப்பாட்டின் இந்த விளைவுகள் கருவின் வளர்ச்சி நிலை மற்றும் கதிர்வீச்சு அளவின் அளவு போன்றவற்றையும் பொருத்தும் அமையலாம்.

சிறப்பு எக்ஸ்ரே உங்களை அதிக கதிர்வீச்சுக்கு உட்படுத்தலாம். அதே நேரத்தில் வழக்கமான பரிசோதனை இப்படி இருக்காது. அதனால் உங்களுக்கு தேவையான எக்ஸ்ரே வகையை பற்றியும் அதன் ஆபத்தை குறித்தும் உங்கள் மருத்துவர் மற்றும் கதிரியக்கவியல் துறை நிபுணரிடம் கலந்தாலோசிப்பது எப்போதும் பாதுகாப்பானது.

கர்ப்பிணி எக்ஸ்ரே எடுப்பதால் உண்டாகும் அபாயங்கள் குறித்து பார்க்கலாம்.

​கதிர்வீச்சு வெளிப்பாடு அளவு

samayam tamil Tamil News Spot

உடலால் உறிஞ்சப்படும் எக்ஸ்ரே கதிர்வீச்சின் அளவு ராட் அடிப்படையில் அளவிடப்படுகிறது. பிறக்காத குழந்தை 10க்கும் மேற்பட்ட ராட்களுக்கு ஆளாக நேரிடலாம். கண் பிரச்சனைகள், கற்றல் குறைபாடு, குழந்தை பருவ புற்றுநோய் மற்றும் பிறப்பு குறைபாடுகள் உருவாகும் அபாயம் இருக்கலாம்.

பெரும்பாலான சந்தர்ப்பங்களில் பிறக்காத குழந்தை ராட்டின் ஒரு பகுதியை பெறுகிறது. இது குறைந்தபட்ச ஆபத்து கொண்டிருக்கலாம். ஒரு எக்ஸ்ரே 5 ராட் விட மிக அரிதாகவே நிகழ்கிறது. துல்லியமாக இந்த 5 ராட்களை வெளிப்படுத்துவதற்கு காலில் 5000 எக்ஸ் – கதிர்கள் அல்லது ஒரு கையை எடுக்க தேவைப்படலாம்.

இதே போன்று 5 ராட்களின் வெளிப்பாட்டை அடைய மார்பின் 50 அல்லது அதற்கு மேற்பட்ட எக்ஸ்ரே எடுக்க வேண்டியிருக்கும்.

​கருவின் வயது பொறுத்து ஆபத்து இருக்கலாம்

samayam tamil Tamil News Spot

கருவின் வயதை அடிப்படையாக வைத்தே இது ஆபத்தா இல்லையா என்பதை கணிக்க முடியும். மும்பையின் கிங் எட்வர் மருத்துவமனையை சேர்ந்த டாக்டர் விஜய் ஹான்சேட் கருத்துப்பாடு கரு வளர்ச்சியின் வெவ்வேறு கட்டங்களில் எக்ஸ்ரே கதிர்வீச்சு உணர்திறன் அளவு வேறுபடுகிறது.

கரு உள்வைப்பு நிலை – இந்த காலம் கருவுறுதல் தொடக்க காலம். முதல் 14 நாட்கள் வரை. இதில் கதிர்வீச்சு உணர்திறன் குறைவாக உள்ளது. பொதுவாக எந்த விளைவும் இல்ல்லை. ஆனால் அளவு அதிகமாக இருந்தால் உள்வைப்பு ஏற்படுவதில் சிக்கல் இருக்கலாம்.

ஆர்கனோஜெனெஸிஸ் நிலை: இது 15 முதல் 50 வது நாள் வரை. இது முதல் மூன்று மாதங்கள் வரையான காலம். இந்த கட்டத்தில் உணர்திறன் அதிகமாக உள்ளது. அதனால் பிறக்காத குழந்தைக்கு ஆபத்து அதிகமாக இருக்கலாம். இந்த கட்டத்தில் கதிர்வீச்சு வெளிப்பாடு குறைவாக பிறவி குறைபாடு உண்டாகும் அபாயம் இருக்கலாம்.

கரு நிலை: இது இறுதி நிலை அல்லது வளர்ச்சி நிலை. மற்றும் உணர்திறன் குறைவாக உள்ளது. இது குழந்தைக்கு ஆபத்து குறைவாக இருக்கும் காலம் ஆகும். எக்ஸ்ரே எடுக்க வேண்டிய கட்டாயம் இருப்பின் சில வழிகாட்டுதலை பின்பற்றுவது அவசியமாக இருக்கும்.

​கர்ப்பிணி எக்ஸ்ரே அபாயத்தை குறைக்க என்ன செய்யலாம்?

samayam tamil Tamil News Spot

கர்ப்பகாலத்தில் எக்ஸ்ரே அவசியமாகும் நிலையில் அபாயங்களை தவிர்க்க அல்லது குறைக்க சில விஷயங்களை நீங்கள் கடைப்பிடிக்க வேண்டும்.

எக்ஸ்ரே அறைக்கு செல்லும் போது எக்ஸ்ரே இயந்திரங்களிலிருந்து விலகி இருங்கள். இனப்பெருக்க உறுப்புகளை பாதுகாக்கவும் பாதுகாப்பாக இருக்கவும் முன்னணி கவசத்தை அணியலாம்.

கர்ப்பமாக இருக்கும் போதும், கருத்தரிக்க முயற்சிக்கும் போதும் நீங்கள் காயம் ஏற்பட்டு அதை அறிந்துகொள்ள எக்ஸ்ரே எடுக்க மருத்துவர் பரிந்துரைக்கலாம். அப்போது கர்ப்ப பரிசோதனை செய்த பிறகு எக்ஸ்ரேவுக்கு செல்லுங்கள். ஏனெனில் கருவுற்றது உறுதியானால் உங்களுக்கு எக்ஸ்ரே தேவையா என்பதை மருத்துவர் தீர்மானிப்பார்.

​கருவுறுதலை அறியாமல் எக்ஸ்ரே எடுத்தால் என்ன செய்வது

samayam tamil Tamil News Spot

கர்ப்பத்தின் ஆரம்ப அறிகுறிகளை குழந்தைபேறை எதிர்நோக்கும் பெண்கள் தவிர வேறு யாரும் கவனமாக எடுத்துகொள்வதில்லை. இந்த நேரத்தில் ஏதேனும் காரணங்களுக்காக எக்ஸ்ரே எடுத்துவிட்டு பிறகு கருவுற்றதை அரிந்தால் கவலை கொள்ள வேண்டாம். ஏனெனில் அபாயங்கள் குறைவாகவே இருக்கும்.

ஆபத்தான கர்ப்பத்தை கொண்டிருக்கும் பெண்கள், பிரசவம் சுகமாக என்ன செய்ய வேண்டும்?

நீங்கள் கருத்தரிக்க முயற்சிக்கிறீர்கள் அப்போது மருத்துவர் உங்களுக்கு எக்ஸ்ரே எடுக்க பரிந்துரை செய்தால் உங்களது கருவுறுதல் திட்டம் குறித்து மருத்துவரிடம் முன்கூட்டியே ஆலோசனை செய்யுங்கள்.

கர்ப்பகாலத்தில் எக்ஸ்ரே அபாயங்கள் பெரிதும் இல்லை என்றாலும் முடிந்த வரை பாதுகாப்பான மாற்றை தேர்ந்தெடுங்கள். அவசியம் எனில் மட்டுமே எக்ஸ்ரேவுக்கு செல்லுங்கள். மருத்துவரிடம் ஆலோசனை செய்யாமல் சுயமாக எந்த முடிவையும் எடுக்க கூடாது.

Thanks for the Source

Share on Social Media

Leave a Reply

Your email address will not be published. Required fields are marked *