Share on Social Media

ஹைலைட்ஸ்:

  • உலக கொசு தினத்தன்று நீங்கள் டெங்கு மற்றும் மலேரியா குறித்து கட்டாயம் அறிந்துக் கொள்ள வேண்டும்.
  • அனோஃபெல்ஸ் வகை பெண் கொசுக்களிடம் இருந்து பரவும் பிளாஸ்மோடியம் பாரசைட் மூலம் மலேரியா தொற்று ஏற்படுகிறது.
  • ஏடிஸ் கொசுக்கள் மூலம் மிக தீவிரமாக பரவும் தொற்றாக உள்ளது டெங்கு.

உங்களுக்கு தெரியுமா? இந்த பருவ காலத்தில் ஒரே ஒரு கொசு கடிப்பதன் மூலம் கூட மலேரியா அல்லது டெங்கு பரவக் கூடும். ஒவ்வொரு வருடமும் இந்த டெங்கு, மலேரியா காய்ச்சல் காரணமாக பல லட்சக்கணக்கோர் உயிரிழக்கின்றனர். எவ்வளவு சிறிய உயிரினம் மூலம் பரவுவதாக இருந்தாலும், இது உலகின் மிகப்பெரிய நோய் தொற்று என்பதை இந்த உலக கொசு தினத்தன்று நாம் மறந்து விடக் கூடாது.

மலேரியா: அந்தி மாலை முதல் விடியற்காலை வரை அதிகம் பரவும் மலேரியா!

அனோஃபெல்ஸ் வகை பெண் கொசுக்களிடம் இருந்து பரவும் பிளாஸ்மோடியம் பாரசைட் மூலம் மலேரியா தொற்று ஏற்படுகிறது. இது, ஒரு கொசுவின் உடலில் 18 நாள் வரை நீடித்திருக்கலாம் என்று கூறப்படுகிறது. மேலும், இந்த கொசு ஒரு நபரை கடிக்கும் போது, அதன் எச்சில் மூலம் பரவுவதாக அறியப்படுகிறது. நமது உடல் இரத்த ஓட்டத்தில் இந்த மலேரியா ஒட்டுண்ணி ஒருமுறை கலக்கும் போது, அந்நபரிடம் காய்ச்சல், குளிர் நடுக்கம், அதீத வியர்வை வெளிப்படுதல், மற்றும் தலைவலி போன்ற அறிகுறிகள் தென்பட துவங்குகின்றன. ஒருசிலருக்கு இந்த மலேரியா ஒட்டுண்ணி தொற்று ஏற்படும் போது சிறுநீரிக செயலிழப்பு போன்ற பெரும் அறிகுறி வெளிப்படும் வாய்ப்பும் இருப்பதாய் மருத்துவ அறிஞர்கள் குறிப்பிடுகின்றனர். ஒருவேளை, உரிய நேரத்தில் சிகிச்சை எடுக்க தவறினால், உயிரிழப்பு கூட நேரிடலாம்.

பெரும்பாலும் அந்தி மாலை முதல் விடியற்காலை நேரங்களில் தான் இந்த வகை கொசுக்கள் கடிக்கின்றன. மேலும், திறந்தவெளி பகுதிகள், நீர் தேங்கி இருக்கும் இடங்கள், மோசமான நிலப்பரப்புகள், கசிவு நீர் பகுதிகள் போன்ற இடங்களில் தான் இந்த கொசுக்கள் அதிகம் இருக்கின்றன. உலக சுகாதார நிறுவனமான WHO, ஒரு ஆண்டுக்கு 2 கோடி பேர் வரையிலும் இந்த மலேரியா தொற்று மூலம் பாதிக்கப்படுகின்றனர் என கூறுகிறது. மேலும், ஆண்டுக்கு 4 லட்சம் நபர் இதன் காரணத்தால் உயிரிழக்கின்றனர்.

டெங்கு: அதிகாலை மற்றும் அந்தி மாலைக்கு முன் வரை அதிகம் பரவுகிறது டெங்கு.

ஏடிஸ் கொசுக்கள் மூலம் மிக தீவிரமாக பரவும் தொற்றாக உள்ளது டெங்கு. இந்த ஏடிஸ் கொசுக்கள் அதிகாலை மற்றும் அந்தி மாலைக்கு முந்தைய நேரங்களிலும் அதிகமாக மனிதர்களை கடிப்பதாக கூறப்படுகிறது. டெங்கு, சிறு சிறு நீர் தேக்கங்களில் இருந்தும் பரவும் அபாயம் இருக்கிறது. உதாரணமாக கூற வேண்டும் என்றால், வீட்டிற்கு வெளிய நீண்ட நாளாக கிடைக்கும் ஒரு சிறிய பிளாஸ்டிக் டப்பாவில் தேங்கி இருக்கும் நீரில் இருந்து கூட டெங்கு பரவும் அபாயம் உள்ளது. மேலும், திடுக்கிடும் தகவல் என்னவெனில், டெங்குவின் முட்டைகள், நீர் அற்ற பகுதியில் கூட ஓராண்டு காலம் வரை உயிருடன் இருக்கும் என்பதாகும்.

அதிகப்படியான காய்ச்சல், கண்களுக்கு பின் பகுதியில் வலி ஏற்படுதல் மூட்டு மற்றும் தசை வலி போன்றவை டெங்குவிற்கான அறிகுறிகள் என கூறப்படுகிறது. மேலும், சில சமயங்களில் குமட்டல், வாந்தி மற்றும் தடிப்புகள் (Rashes) கூட டெங்குவின் அறிகுறிகளாக தென்படுவதுண்டு. இதனால் உடல் உறுப்பு செயலிழப்பு கூட ஏற்படலாம். தரவுகள் மூலம் அறியப்படுவது என்னவெனில், உலகளவில் 10 முதல் 40 கோடி வரையிலான மக்கள் டெங்கு மூலம் பாதிக்கப்படுள்ளனர். டெங்கு அல்லது தீவிரமான டெங்கு காய்ச்சலுக்கென தனி சிறப்பு சிகிச்சைகள் எதுவும் கிடையாது. இருப்பினும், முறையாக மருத்துவ சிகிச்சை எடுத்துக் கொள்வதன் மூலம் டெங்கு மூலம் ஏற்படும் இறப்பு விகிதத்தை குறைக்க முடியும்.

மேலும், டெங்கு குறித்து நீங்கள் அறிந்துக் கொள்ள வேண்டிய முக்கியமான விஷயம் என்னவெனில், ஒரு நபர் அவரது வாழ்நாளில் இரண்டு முறை டெங்குவால் பாதிக்கப்படலாம் என்பதே. அதிலும், இரண்டாம் முறை டெங்கு வருவது உயிருக்கே ஆபத்தாக அமையலாம் என்றும் குறிப்பிடப்படுகிறது. உலக சுகாதார மையத்தின் தரவுகள் படி காண்கையில் ஆண்டுக்கு 9 கோடி பேர் வரையிலும் பாதிக்கப்படுகின்றனர், 40 ஆயிரம் பேர் டெங்கு தொற்று மூலம் உயிரிழக்கின்றனர்.

கொசுக்கள் மூலம் பரவும் நோய்களில் இருந்து பாதுகாப்பாக இருக்க குறிப்புகள்

முக்கியமாக பருவமழை காலத்தில் தான் கொசுக்கள் மூலம் பரவும் நோய் அபாயம் அதிகரிக்கிறது. இச்சமயத்தில் எப்படி இதில் இருந்து தற்காத்துக் கொண்டு பாதுகாப்பாக இருப்பது? அதற்கான சில வருமுன் காக்க சில குறிப்புகள் இனி காணலாம். முக்கியமாக இவ்வகை கொசுக்கள் எந்தெந்த இடங்களில் பரவுகின்றன என்பதை ஆராய்ந்து அறிதல் அவசியம்…

1. நீர் தேக்கங்கள்

முதலில், உங்கள் வீடு மற்றும் வீட்டை சுற்றி இருக்கும் இடங்களில் நீர் தேங்காமல் பார்த்து கொள்ளுதல் அவசியம். ஏசி அவுட் பகுதிகளில் இருந்து, ப்ரிட்ஜ் ட்ரே, பக்கெட், பாத்திரங்கள் போன்றவற்றில் நீண்ட நாள் நீர் தேங்காமல் பார்த்துக் கொள்ள வேண்டியது மிக மிக அவசியம். முக்கியமாக பருவமழை காலத்தில் இதை முறையாக பின்பற்ற வேண்டும்.

2. சுத்தமும், சுகாதாரமும்

சுத்தம் சோறு போடும் என்பது பழமொழி. அதுமட்டுமின்றி, சுத்தம் மற்றும் சுகாதாரமாக நமது இருப்பிடத்தை பேணிக் காத்தல் மூலமாக கொசுக்கள் மூலம் பரவும் நோய்களில் இருந்தும் நாம் பாதுகாப்பாக இருக்க முடியும். முக்கியமாக, கழிவறை, சமையலறை போன்ற இடங்களை சுத்தமாக வைத்துக் கொள்ள வேண்டும். குப்பைக் கொட்டும் இடங்களை கூட சுகாதாரமாக வைத்துக் கொள்ளுதல் அவசியம். வீட்டை சுற்றிக் குப்பை தேங்காமல், அசுத்தமாக இல்லாமல் பாதுகாக்க வேண்டியது அவசியம். நம்மை சுற்றி இருக்கும் மக்களும் இவற்றை பின்பற்ற நாம் விழிப்புணர்வு ஏற்படுத்த வேண்டும்.

3. முழுமையான உடை!

குழந்தைகள், கர்ப்பிணி பெண்கள் மற்றும் முதியவர்கள் வீட்டில் இருக்கும் பட்சத்தில் அவர்களுக்கு கொசுக்கள் மூலம் பரவும் மலேரியா, டெங்கு தொற்று எளிதாக பரவ வாய்ப்புள்ளது. ஆகையால், வெளியே செல்லும் போது, உடலை முழுவதும் கவர் செய்வது போன்ற முழுமையான உடை இணைந்து செல்ல மறக்க கூடாது. முடிந்த வரை, முழுக்கை சட்டை, மற்றும் முழுக்கால் பேண்ட் அல்லது பைஜாமா போன்ற உடைகள் அணிதல் உகந்ததாகும்.

4. மாலை நேரங்களில் ஜன்னல், கதவுகள் பூட்ட வேண்டும்.

மலேரியா மற்றும் டெங்கு போன்ற கொசுக்கள் அதிகாலை நேரங்களிலும், அந்தி மாலை நேரங்களிலும் தான் அதிகம் பரவுகின்றன. எனவே, மாலை முதல் காலை வரை வீட்டின் ஜன்னல் மற்றும் கதவினை பூட்டி வைத்தல் அவசியம். அதையும் மீறி உங்கள் வீட்டுக்குள் கொசு உலவுவதை அறிந்தால், கொசு கொல்லி மருந்துகள் பயன்படுத்தி அவற்றை உடனே வீட்டில் இருந்து அகற்ற வேண்டும். வீடுகளில் கொசு வலைகள் பயன்படுத்துவது, கொசு கடியில் இருந்து தற்காத்துக் கொள்ள உதவும்.

உலக கொசு தினம் 2021
‘Reaching the zero malaria target’

இந்த உலக கொசு தினத்தன்று “Reaching the zero malaria target” என்ற கருப்பொருள் கடைப்பிடிக்கப்படுகிறது. நாம் மற்றும் நமது அன்பிற்குரியவர்கள் அனைவரும் ஒரு பாதுகாப்பான சூழலை நோக்கி நகர வேண்டும் என்பதற்கான ஒரு நினைவூட்டல் இது. மேற்கூறப்பட்டுள்ள குறிப்புகள் அனைவரும் பின்பற்ற கூடியவை ஆகும். மேலும் பின்பற்ற வேண்டிய பாதுகாப்பு மற்றும் தற்காப்பு குறிப்புக்கள் அறிய HIT துவங்கியிருக்கும் Mom’s awareness காணொளியைகாணுங்கள். இங்கே உயிக்கொல்லி நோயான டெங்கு, மலேரியாவை பரப்பும் கொசுக்களிடம் இருந்து தற்காத்துக் கொள்ள மருத்துவர்கள் நேரடியாக கூறும் சிறந்த அறிவுரைகள் கூறப்பட்டுள்ளன…

மனிதகுலத்தை அச்சுறுத்தும் இந்த கொடிய தொற்றுகளிடம் இருந்து பாதுகாப்புடனும், விழிப்புணர்வுடனும் இருப்போம். நாம் செழித்தோங்கி வாழும் இவ்விடத்தில்… இந்த கொடிய தொற்றிடம் இருந்து நம்மையும், நமது அன்பிற்குரியவர்களையும் பாதுகாக்க வேண்டிய கடமை நமக்கு இருக்கிறது. நினைவுக்கொள்ளுங்கள், பாதுகாப்பு என்பது எப்போதும் நமது கைகளில் தான் இருக்கிறது. உயிர் கொல்லும் இத்தொற்றை அழிப்போம்!

Disclaimer: The article has been produced on behalf of HIT by the Times Internet’s Spotlight team.

Thanks for the Source

Share on Social Media

Leave a Reply

Your email address will not be published. Required fields are marked *