Share on Social Media


ஹைலைட்ஸ்:

  • தடுப்பூசி திறனை கணிசமான அளவில் ஒமைக்ரான் குறைப்பதாக சில தடுப்பூசி நிறுவனங்கள் கண்டறிந்துள்ளது
  • டெல்டா உள்பட எந்த ஒரு திரிபும் ஒமைக்ரான் போன்று இப்படி ஒரு வேகத்தில் பரவியதில்லை

கொரோனாவுக்கு தடுப்பூசி மட்டுமே தீர்வு என்ற நிலையில், உலகம் முழுவதும் தடுப்பூசி போடும் பணிகள் தீவிரப்படுத்தப்பட்டுள்ளன. பெரும்பாலான உலக நாடுகள் அனைத்து மக்களுக்கும் இரண்டு தவணை தடுப்பூசியை போடும் பணியை நிறைவு செய்வதற்கு அருகில் உள்ளன. சில நாடுகளில் பூஸ்டர் டோஸ் போடப்பட்டு வருகிறது.

இதனிடையே, தென் ஆப்பிரிக்காவில் தோன்றியுள்ள கொரோனா வேரியண்ட் ஒமைக்ரான் உலகம் முழுவதும் வேகமாக பரவி வருகிறது. ஒமைக்ரான் திரிபு தற்போது வரை அமெரிக்கா, பிரிட்டன், இந்தியா உள்ளிட்ட 70 நாடுகளுக்கும் மேலாக பரவியுள்ளது. பிரிட்டனில் ஒருவர் ஒமைக்ரான் பாதிப்பால் உயிரிழந்துள்ளதாக அந்நாட்டு அரசு தெரிவித்துள்ளது.

மேலும், டெல்டாவை விட வேகமாக பரவும் கொரோனாவின் இந்த ஒமைக்ரான் திரிபுக்கு எதிராக தற்போது பயன்படுத்தப்பட்டு வரும் தடுப்பூசிகள் குறைவான செயல் திறனைத் தான் கொண்டிருக்கும் எனவும் விஞ்ஞானிகள் சிலர் தெரிவித்துள்ளதால் அச்சம் ஏற்பட்டுள்ளது.
குழந்தைகளுக்கு நாளை முதல் தடுப்பூசி!
இந்த நிலையில், தடுப்பூசியால் மட்டுமே ஒமைக்ரானை தடுக்க முடியாது என்று உலக சுகாதார அமைப்பு எச்சரிக்கை விடுத்துள்ளது. இதுகுறித்து ஜெனீவாவில் செய்தியாளார்களை சந்தித்த அந்த அமைப்பின் தலைவர் டெட்ராஸ் அதேநாம், “ஒமைக்ரான் தற்போது வரை 77 நாடுகளில் பரவியுள்ளது உறுதி செய்யப்பட்டுள்ளது. ஆனால் இன்னும் சில நாடுகளிலும் கண்டுபிடிக்கப்படாமல் ஒமைக்ரான் பரவியிருக்கலாம். இதற்கு முன்னர் கண்டறியப்பட்ட டெல்டா உள்பட எந்த ஒரு திரிபும் ஒமைக்ரான் போன்று இப்படி ஒரு வேகத்தில் பரவியதில்லை. நினைத்து பார்த்திராத வேகத்தில் பரவும் ஒமைக்ரானை சில நாடுகள் குறைத்து மதிப்பிடுகின்றன” என்று வேதனை தெரிவித்தார்.

அதிமுகவை எந்த கொம்பனாலும் அசைக்க முடியாது – எடப்பாடி பழனிசாமி!

தடுப்பூசியால் மட்டுமே ஒமைக்ரானை தடுக்க முடியாது என்று தெரிவித்த அவர், முகக்கவசம் அணிதல், சமூக இடைவெளி, கைகளை அவ்வப்போது சுத்தம் செய்தல் போன்றவற்றை கடுமையாக பின்பற்ற வேண்டும் என்றும் வலியுறுத்தினார். தடுப்பூசி திறனை கணிசமான அளவில் ஒமைக்ரான் குறைப்பதாக சில தடுப்பூசி நிறுவனங்கள் கண்டறிந்துள்ளது, அதற்கான சான்றுகளும் கிடைத்துள்ளன என்றும் அவர் அப்போது சுட்டிக்காட்டினார்.



Source link

Share on Social Media

Leave a Reply

Your email address will not be published.