Share on Social Media


ஹைலைட்ஸ்:

  • டிவி நிகழ்ச்சிகளில் ‘பீட்சா’ சாப்பிட பெண்களுக்கு தடை
  • ஆண்கள் பெண்களுக்கு தேநீர் கொடுப்பது போன்ற காட்சிகளில் நடிக்கக்கூடாது
  • ஈரான் அரசு அதிரடி!

ஈரான் நாட்டில், தொலைக்காட்சி நிகழ்ச்சிகளில் பங்கேற்கும் பெண்கள், பீட்சா சாப்பிடும் போன்ற காட்சிகளில் பங்கேற்க கூடாது என அந்நாட்டு அரசு அதிரடியாக அறிவித்து உள்ளது.

மத்திய கிழக்கு நாடான ஈரான் நாட்டின், ஐ.ஆர்.ஐ.பி., எனப்படும், இஸ்லாமிய ஈரான் குடியரசு ஒளிபரப்பு துறை, தொலைக்காட்சியில் தோன்றும் பெண்களுக்கான விதிமுறைகளையும், கட்டுப்பாடுகளையும் வெளியிட்டு உள்ளது.

அந்த உத்தரவில் தெரிவிக்கப்பட்டு உள்ளதாவது:
தொலைக்காட்சிகளில் தோன்றும் பெண்கள், சிவப்பு நிறத்திலான எந்தவொரு உணவையும் சாப்பிடவோ, குடிக்கவோ கூடாது. பெண்கள் கைகளில் கையுறைகளை அணிய வேண்டும். பீட்சா, சாண்ட்விச் போன்ற துரித உணவுகளை சாப்பிடுவது போன்று தங்களை காட்டிக் கொள்ளக் கூடாது. பெண்களுக்கு தேநீர் கொடுப்பது போன்ற காட்சிகளில் ஆண்கள் நடிக்கக் கூடாது.

அமைதிக்கான நோபல் பரிசு இருவருக்கு கூட்டாக அறிவிப்பு!

அவ்வாறு ஒளிபரப்பு செய்ய வேண்டிய கட்டாயம் ஏற்பட்டால், ஈரான் இஸ்லாமிய குடியரசு ஒளிபரப்பு அனுமதி பெற வேண்டும். பாலின உறவுகளை தூண்டும் வகையிலான விளம்பரங்களுக்கு தடை விதிக்கப்படும். இந்த வழிமுறைகளை யாராவது மீறினால், அவருக்கு எதிராக பொருளாதாரத் தடைகள் விதிக்கப்படும்.
இவ்வாறு அதில் குறிப்பிடப்பட்டு உள்ளது.

டிக்கெட் மட்டுமா ? பயணிகளுக்கு இலவசமாக “மாஸ்க்”கும் வழங்கும் நடத்துனர்!

இது தொடர்பாக, தொலைக்காட்சி சீரியல் தயாரிப்பாளர் ஒருவர் கூறியதாவது:
ஈரான் நாட்டில் தொலைக்காட்சி நிகழ்ச்சிகள் தயாரித்து வெளியிடுவது என்பது பெரும் சிக்கல்களை ஏற்படுத்தி வருகிறது. கடுமையான கட்டுப்பாடுகள் காரணமாக தங்கள் விருந்தினர்களின் முகத்தைக் கூட காட்ட முடியாமல் நிகழ்ச்சி தயாரிப்பாளர்கள் தவித்து வருகின்றனர். இது போன்ற கட்டுப்பாடுகள் பெண்களை ஒடுக்குவது போன்று உள்ளது.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published. Required fields are marked *