Share on Social Media


பருவ மாற்றத்துக்கேற்ப சருமத்தை பராமரிப்பது அவசியம். சருமம் எந்த வகையாக இருந்தாலும் பருவகாலத்துக்கேற்ப பராமரிப்பு முறைகளும் மாறும். அந்த வகையில் குளிர்காலத்தில் உங்கள் சருமத்துக்கேற்ற ஃபேஸ் பேக் வகைகள் குறித்து அறிந்துகொள்வோம்.

​பால் க்ரீம் மற்றும் தேன்

பால் க்ரீம் அல்லது மலாய் உங்கள் சருமத்தை மிருதுவாகவும், மென்மையாகவும் மாற்றுவதற்கு உதவும். இது நீங்கள் பயன்படுத்துவதற்கு ஏற்ற சிறந்த மாய்சுரைசர் என்றும் சொல்லலாம். முகத்தில் பருக்கள் மற்றும் முகப்பருக்களின் வளர்ச்சிக்கு காரணமான பாக்டீரியாக்களை அழிக்க சருமத்துக்கு தேன் உதவும்.

White hair food : இளவயது நரைக்கு ஏற்ற உணவுகள் என்னென்ன? கண்டிப்பா ஃபாலோ பண்ணுங்க!

என்ன செய்வது

ஒரு கிண்ணத்தில் பால் க்ரீம் மற்றும் தேன் இரண்டையும் சேர்த்து கலக்கவும். இந்த கலவையை முகம் மற்றும் தோலில் தடவி சுமார் 15 நிமிடங்கள் கழித்து வெதுவெதுப்பான நீரில் கழுவி எடுக்கவும். பிறகு சருமம் உலர்ந்ததும் மந்தமான நீரில் கழுவினால் சருமம் ஈரப்பதமாக இருக்கும்.

​கோகோ வெண்ணெய் மற்றும் ஆலிவ் எண்ணெய்

samayam tamil Tamil News Spot

கோகோ மற்றும் ஆலிவ் இரண்டுமே சருமத்துக்கு அற்புதமான நன்மைகளை தரக்கூடியது. சருமத்தை மிருதுவாக மென்மையாக வைத்திருக்கும் இதனுடன் சில துளி இஞ்சி சாறு சேர்ப்பதன் மூலம் அழுக்குகள் வெளியேறும்.

என்ன செய்வது

கோகோ பட்டர் – அரை டீஸ்பூன்

ஆலிவ் எண்ணெய் – அரை டீஸ்ஊன்

இஞ்சி சாறு அல்லது பேஸ்ட்- ஒரு துளி

அனைத்தையும் கலந்து முகம் மற்றும் கழுத்தில் தடவி 15 முதல் 20 நிமிடங்கள் வரை வெதுவெதுப்பான நீரில் கழுவி விடவும். பிறகு சருமத்துக்கேற்ற மாய்சுரைசர் பயன்படுத்தவும்

​வாழைப்பழம் மற்றும் பால்

samayam tamil Tamil News Spot

சருமம் குளிர்காலத்தில் வறண்டு திட்டு திட்டாக இருந்தால் பால் மற்றும் வாழைப்பழம் கலந்த ஃபேஸ் பேக் உதவும். அதே நேரம் உங்கள் சருமம் எண்ணெய் பசையாக இருந்தால் பாலுடன் ரோஸ் வாட்டரை கலக்கலாம். வாழைப்பழம் இறந்த சருமத்தை உரிக்க உதவுகிறது. பால் முகத்துக்கு இயற்கை க்ளென்சராக உள்ளது. சருமம் பளபளப்பை இழந்தால் இவை உதவக்கூடும்.

என்ன செய்வது

வாழைப்பழம் பாதி எடுத்து பால் சேர்த்து நன்றாக கலக்கவும். இதை முகம் மற்றும் கழுத்தில் தடவி 20 நிமிடங்கள் விட்டு வெதுவெதுப்பான நீரில் கழுவவும்.

கற்றாழை மற்றும் பாதாம் எண்ணெய்

samayam tamil Tamil News Spot

சருமத்தில் இறந்த சருமம் நீங்காமல் இருந்தால் கற்றாழை மற்றும் பாதாம் எண்ணெய் ( நல்லெண்ணெயும் பயன்படுத்தலாம்) கலந்து பயன்படுத்தலாம். இது சருமத்தை நீரேற்றம் செய்ய உதவுகிறது.

என்ன செய்வது

பாதாம் எண்ணெய் – 8 – 10 துளிகள்

கற்றாழை ஜெல் – தேவைக்கு

இரண்டையும் எடுத்து உள்ளங்கையில் கழுவி விடவும். இதை 15 நிமிடங்கள் வட்டவடிவில் தடவி விடவும். பிறகு வெதுவெதுப்பான நீரில் கழுவி விடவும். குறிப்பாக இரவு மசாஜ் செய்து இரவு முழுவதும் அப்படியே விடவும். மறுநாள் காலை முகத்தை சுத்தம் செய்தால் முகம் மென்மையாக இருக்கும்.

​பப்பாளி மற்றும் பால்

samayam tamil Tamil News Spot

பப்பாளி உங்கள் சருமத்தை மிருதுவாகவும் மென்மையாகவும் மாற்றும். இது அத்தியாவசிய ஊட்டச்சத்துக்கள் மற்றும் தாதுக்களால் நிரம்பியுள்ளது. பாலில் வைட்டமின் ஈ நிறைந்துள்ளது. இது உலர்ந்த மற்றும் மந்தமான சருமத்துக்கு ஈரப்பதத்தை அளிக்கிறது.

என்ன செய்வது

பப்பாளிப்பழம் சிறு துண்டுகள் – 4 டீஸ்பூன் ( மசித்து எடுக்கவும்)

பால் – காய்ச்சாத பால் தேவைக்கு

இரண்டையும் நன்றாக குழைத்து பேஸ்ட் போல் ஆக்கவும். இதை முகம் மற்றும் கழுத்தில் தடவி விடவும். பிறகு அவை நன்றாக உலர்ந்ததும் மந்தமான நீரில் கழுவி எடுத்தால் போதும்.

​கேரட் மற்றும் தேன்

samayam tamil Tamil News Spot

கேரட்டில் இருக்கும் பீட்டா கரோட்டின் காரணமாக மந்தமான மற்றும் திட்டுக்கள் நிறைந்த சருமத்தை சரி செய்து சருமத்தை ஒளிர செய்கிறது. தேன் சருமத்துக்கு மாய்சுரைசராக செயல்படுகிறது. இந்த பேக் இறந்த சரும செல்களை அகற்றவும் உதவும்.

என்ன செய்வது

கேரட் தோல் சீவி துருவியது – 1 டீஸ்பூன்

தேன் – 1 டீஸ்பூன்

முகத்தில் அம்மை வடு, தழும்பு, காயங்கள் போகணுமா ? உடனே இதை செய்யுங்க, நாள்பட்ட தழும்பு மறையும்!

இரண்டையும் நன்றாக கலந்து மசித்து கொள்ளவும். இதை முகத்தில் தடவி 15 நிமிடங்கள் கழித்து முகத்தை மந்தமான நீரில் கழுவி எடுக்கவும்.

குளிர்காலத்துக்கு ஏற்ற சிறந்த ஃபேஸ் பேக் ஆன இவை உங்கள் சருமத்தை வறட்சியிலிருந்து பாதுகாக்கும்.



Source link

Share on Social Media

Leave a Reply

Your email address will not be published. Required fields are marked *