1607611678 pic Tamil News Spot
Share on Social Media

பாரம்பரிய உணவுகளுக்கு சற்றூம் பொருந்தாத உணவு என்றால் அது பேக்கரி உணவுகள் தான். பதப்படுத்தப்பட்ட உணவுகள் என்பது எப்போதுமே தவிர்க்க வேண்டிய ஒன்று என்று மருத்துவர்கள் அறிவுறுத்தி வரும் நிலையில் இந்த பேக்கரி உணவுகள் குறித்த விழிப்புணர்வும் அவசியம்.

பேக்கரி உணவில் உள்ள மைதா கோதுமையிலிருந்து தயாரிக்கப்படுகிறது. இதன் இயற்கை நிறத்தை போக்கி பளீர் வெள்ளை நிறம் கொடுக்க ரசாயனங்கள் பயன்படுத்தப்படுகிறது. மேலும் இது சுவை கொடுக்கவும் மைதாவை மிருதுவாக்கவும் அலெக்ஸான் என்னும் வேதிப்பொருள் கலக்கப்படுகிறது. மேலும் இவை நாள்பட கெடாமல் இருக்கு மற்றுமொரு ரசாயனமும் சேர்க்கப்படுகிறது. இதன் தயாரிப்பே இத்தனை சுத்திகரிப்பு இருக்கும் போது இதிலிருந்து தயாரிக்கப்படும் பொருள்கள் தொடர்ந்து எடுத்துகொள்வது ஆபத்தையே உண்டாக்கும்.

இன்று கண்களை கவரும் வகையில் இருக்கும் உணவு பொருள்களின் மீதான மோகம் அதிகரித்துவிட்டது. வேக வைத்து தயாரிக்கும் உணவுகள் எல்லாமே ஆரோக்கியமானது என்னும் போது பேக்கரி உணவுகள் எல்லாமே வேகவைத்து தான் எடுக்கப்படுகின்றன. ஆனால் பேக்கரி உணவான ரொட்டி, விதவிதமான கேக் வகைகள், குக்கீஸ், பன், பப்ஸ், ரோல்ஸ் என்று அடுக்கி கொண்டே போக கூடிய இந்த உணவுகள் இனிப்பு மற்றும் கார்போஹைட்ரேட்டுகள் அதிகம் கொண்டவை.மைதா சேர்த்த ரொட்டிகளில் இனிப்பு மட்டுமே நிறைவாக உள்ளது.

பதப்படுத்தப்பட்ட உணவு இதயத்தை மெல்ல கொல்லும்… ஆய்வு தரும் எச்சரிக்கை.

பேக்கரி உணவுகளில் அதிகமாக நாம் பயன்படுத்துவது பன் மற்றும் பிஸ்கட் வகைகள். உடல் காய்ச்சல் வந்தால், சாதாரண சளி இருந்தாலும் உணவை தவிர்த்து ( அரிசி கஞ்சியை காட்டிலும் மற்றது மேல் போல்) ரொட்டி, பன், பிஸ்கட் போன்றவற்றை சாப்பிடுகிறார்கள். ஆனால் மிக மெதுவாக உடலுக்குல் சென்று உடல் ஆரோக்கியத்தை பதம் பார்க்கிறது. இதில் பதப்படுத்தப்பட்ட எண்ணெயை மீண்டும் உயர் கொதிநிலையில் வைக்கும் போது ஹைட்ரஜனேற்றத்தால் உண்டாகும் நச்சுத்தன்மை டிரான்ஸ் கொழுப்பு என்றழைக்கப்படுகிறது. மேலும் பலரும் பேக்கரி தயாரிப்பில் டால்டாவை பயன்படுத்துகிறார்கள். இதன் மூலம் உடலுக்கு டிரான்ஸ் கொழுப்பு உள்ளே செல்கிறது.

டிரான்ஸ் கொழுப்புகள்

இந்த டிரான்ஸ் கொழுப்புகள் அதிகமாகும் போது உடலில் ரத்த நாளங்களின் உள் புறத்தில் படிந்து இதயத்துக்கு ரத்தம் சீராக செல்வதை தடுக்க செய்கிறது. இதனால் இதய நோய் அபாயம் அதிகரிக்கிறது. இதை சாப்பிட்ட உடன் இந்த பாதிப்பு உண்டாகிறது என்று சொல்லிவிட முடியாது. தினமும் அல்லது அடிக்கடி இந்த உணவை எடுத்துகொள்ளும் போது சில வருடங்கள் வரை தொடர்ந்து எடுக்கும் போது இந்த அபாயம் உருவாக வாய்ப்புகள் உண்டு. ஏனெனில் உடலில் டிரான்ஸ் கொழுப்புகள் குறிப்பிட்ட அளவு வரை இருக்கலாம். அளவுக்கு அதிகமாக இருந்தால் அது பாதிப்பை உண்டாக்க செய்யும். மேலும்
அதிக வெப்பநிலையில் வைத்து சமைக்கும் போது இதில் பல ரசாயன சேர்மங்களும் உருவாகிறது.

அடுத்தது பேக்கரி பண்டங்களில் கலக்கப்படு ஈஸ்ட், இதை மாவு புளிக்க பயன்படுத்துவார்கள். 20 வருடங்களுக்கு முன்பு வரை ரொட்டி, பன் தயாரிக்கும் போது மாவு புளிக்க சூரிய வெளிச்சத்தில் வைத்து எடுப்பார்கள். இட்லி மாவு போல் புளிக்கும் வரை வைத்து பன். ரொட்டி செய்வார்கள். இந்த பன் மூன்று நாட்கள் வரை மட்டுமே இருக்கும். இப்போது மாவை புளிக்க ஈஸ்ட் பயன்படுத்துகிறார்கள். குறிப்பிட்ட அளவு ஈஸ்ட் கலந்து தயாரித்தால் அது பிரச்சனையில்லை. ஏனெனில் ஈஸ்ட் என்பது ஒரு வகை பாக்டீரியா. இது அதிகமாக சேர்த்தால் உடல் பருமனை உண்டாக்க வாய்ப்புண்டு. இது மந்த நிலையை உண்டாக்குவதோடு பசி உணர்வையும் அதிகரிக்க செய்யும்.

சுத்திகரிக்கப்பட்ட மைதா

மேலும் இதில் இனிப்புக்காக சர்க்கரை சேர்க்கப்படுகிறது. அதிக சுவையை கொடுக்கும் பதப்படுத்தப்பட்ட உணவுகளே கெடுதி தான். எனினும் இதை எப்போதாவது சாப்பிடுவதில் தவறில்லை. உணவுக்கு மாற்றாக இதை சாப்பிடும் போது நீரிழிவும் வரக்கூடும். செயற்கை முறையில் பதப்படுத்திய இனிப்பு வகைகளை எல்லோருமே தொடர்ந்து சாப்பிடும் போது அது ஆபத்துதான்.

டீன் ஏஜ் : என்ன சாப்பிட்டாலும் ஒல்லியாவே இருக்கீங்களா, உடல் எடை அதிகரிக்க இதை செய்யுங்க!

மேலும் இது சுத்திகரிக்கப்பட்ட மைதாவிலிருந்து தயாரிக்கப்படுவதால் இதில் குறைவான ஊட்டச்சத்தும் நார்ச்சத்தும் உள்ளது. இது ரத்த சர்க்கரையின் அளவை அதிகரிக்க செய்யும். இது குடலில் சென்று ஒட்டிக்கொள்வதால் மலச்சிக்கலையும் உண்டு செய்யும்.
பீட்ஸா பர்கர் போன்ற உணவுகளை வீட்டில் தயாரித்து சாப்பிடலாம். அதுவும் தினசரி சாப்பிட கூடாது.
அப்படியெனில் பேக்கரி உணவுகளை தவிர்க்க வேண்டுமா என்று கேட்கலாம்.

தற்போது பேக்கரி உணவு பொருள்கள் சத்து தரும் தானியங்களை கொண்டு குக்கீஸ்கள் தயாரிக்கிறார்கள். மைதா குறித்த விழிப்புணர்வு பலரிடம் ஏற்பட்டிருக்கும் நிலையில் கோதுமை ரொட்டிகள், கோதுமை பிஸ்கட்கள், கோதுமை ரஸ்க், இப்படி கம்பு, வரகு, கேழ்வரகு என சிறுதானிய பொருள்களும் கிடைக்கிறது. இதை வாங்கி சாப்பிடலாம்.

தினமும் காலை இட்லிக்கு மாற்றாக பிரெட், பன் தான் உணவு என்பவர்கள் அதை தவிர்க்க வேண்டும். மாறாக பதப்படுத்தப்படாத சிறுதானிய பிஸ்கட் ரகங்கள், ரொட்டிகளுக்கு மாறுங்கள். பேக்கரி உணவுகளை வாங்கும் போது அதன் தயாரிப்பு, காலாவதியாகும் தேதி , சேர்க்கப்பட்டிருக்கும் ரசாயனங்கள் அளவு எல்லாம் சரிபார்த்து வாங்குங்கள்.

Thanks for the Source

Share on Social Media

Leave a Reply

Your email address will not be published. Required fields are marked *