Share on Social Media

பெண்ணின் வயது, கருவுற்றிருக்கும் வாரங்கள், கருவுறுதல் சிகிச்சையில் கருச்சிதைவு ஏற்படுவதற்கான வாய்ப்புகள் மற்றும் தொடர்ச்சியான கருச்சிதைவுகளின் விகிதங்கள் ஆகியவற்றின் அடிப்படையில் இவை உண்டாகின்றன.

​கர்ப்பிணிகளுக்கு கருச்சிதைவு என்பது?

பெண் கர்ப்பமாக இருப்பதை அறிவதற்கு முன்பே தன்னிச்சையான கருக்கலைப்பு அல்லது கர்ப்ப இழப்பு என்பது பாதிக்கும் மேற்பட்ட கர்ப்பங்களில் உண்டாகலாம். கர்ப்பத்தை அறிந்த பெண்களில் சுமார் 10 முதல் 15 % வரை கருச்சிதைவில் முடிவடைகிறது.

நீர் உண்ணாவிரதம் : யாருக்கு நல்லது, யார் தவிர்க்கணும், எப்படி இருப்பது, பலன் என்ன தெரிஞ்சுக்கங்க!

இரண்டாவது மூன்று மாதங்களில் அதாவது இரண்டாம் ட்ரைமெஸ்டர் காலங்களில் 15% வரை கருச்சிதைவு நடக்கிறது. இது கர்ப்பத்தின் 13 முதல் 19 வாரங்களில் இடையில் நடக்கிறது. இது தாமதமான கருச்சிதைவுகள் என்று அழைக்கப்படுகின்றன. 20 வாரங்களுக்கு பிறகு உண்டாகும் கர்ப்ப இழப்பு என்பது பிரசவம் என்றே சொல்லப்படுகிறது

​கருச்சிதைவுக்கு எப்போது நிகழ்கிறது

samayam tamil Tamil News Spot

பெரும்பாலான கருச்சிதைவுகள் முதல் மூன்று மாதங்களில் நிகழ்கின்றன. முதல் 13 வாரங்களுக்குள் 80 முதல் 85% வரை உண்டாக வாய்ப்புண்டு. பெரும்பாலும் கர்ப்பத்தின் முதல் ஏழு வாரங்களில் நிகழ்கின்றன.

தாய்வழி மற்றும் கரு உருவாதல் காரணிகளை பொறுத்து, கர்ப்பத்தின் ஒவ்வொரு கட்டத்திலும் கருச்சிதைவு ஆபத்து அதிகமாகவோ அல்லது குறைவாகவோ இருக்கலாம். ஆரம்ப கால கருவில் உள்ள குரோமோசோமால் அசாதாரணங்கள் போன்ற மரபணு காரணங்களால் உண்டாகலாம். கருச்சிதைவு நடக்கும் வாரங்கள் குறித்து அதன் பாதிப்பு குறித்து பார்க்கலாம்.

​கருச்சிதைவு வாரங்கள் நடக்கும் முறைகள்

samayam tamil Tamil News Spot

பெண்கள் கர்ப்பமாக இருக்கும் போது அதன் காரணங்களை பொறுத்து கருச்சிதைவு விகிதம் மாறுபடலாம். கர்ப்பத்தின் வாரத்தில் கருச்சிதைவு உண்டாகும் ஆபத்து குறித்து பார்க்கலாம்.

கருவுற்ற 3-4 வாரங்கள்: மாதவிடாய்க்கு பிறகு உள்வைப்பு ஏற்படும் நேரம் இது. கர்ப்ப பரிசோதனைகள் நேர்மறையாகும் காலம் இது. கர்ப்ப இழப்பில் 50 முதல் 75% வரையான கர்ப்ப பரிசோதனை நான்கு வாரத்துக்கு முன்பு நடக்கிறது. இது வேதியியல் கர்ப்பம் என்று அழைக்கப்படுகிறது. பெரும்பாலும் பிற கர்ப்பம் மற்றும் கருச்சிதைவு அறிகுறிகளால் குறிக்கப்படுகிறது.

கருவுற்ற 5 வது வாரம் சுமார் 21.3% ஆக இருக்கலாம் என்று 2013 ஆம் ஆண்டு ஆய்வில் தெரிவிக்கப்பட்டுள்ளது. எனினும் தாய்வழி மற்றும் கருவின் காரணங்களை பொறுத்து கர்ப்ப இழப்பு அதிக அல்லது குறைந்த ஆபத்தை கொண்டிருக்கலாம்.

கருவுற்ற 6-7 வாரங்கள்: இந்த வாரத்தில் கருச்சிதைவு விகிதம் சுமார் 5% ஆகும். ஏனெனில் இது கருவின் இதயத்துடிப்பு பெறப்படும் காலமாகும்.

8-13 வாரங்கள் : இந்த காலகட்டத்தில் கருச்சிதைவு விகிதம் சுமார் 2-4% ஆக குறைகிறது.

14-20 வாரங்கள்: இந்த வாரங்களில் கருச்சிதைவுக்கு 1% மட்டுமே வாய்ப்பு உள்ளது.

​பெண்களின் வயதுக்கு ஏற்ப கருச்சிதைவு

samayam tamil Tamil News Spot

கருச்சிதைவு கர்ப்பிணி பெண்களின் வயது பொறுத்து அதிகரிக்கலாம். அதிக வயதை கொண்ட பெண்ணின் கருமுட்டையின் தரம் பெண்ணின் வயது அதிகமாகும் போது குறைந்து வருவதும், கர்ப்ப இழப்பு ஏற்படுவதற்கான முக்கிய காரணங்களில் ஒன்று.

20 முதல் 30 வயது வரை உள்ள பெண்களுக்கு 9 முதல் 17% வரையும் , 35 ஆண்டுகள் பிறகு உள்ள பெண்களுக்கு 20% வரையும், 40 ஆண்டுகள் பிறகு உள்ள பெண்களுக்கு 40% வரையும், 45 ஆண்டுகளுக்கு பிறகு உள்ள பெண்களுக்கு 80% வரையும் கருச்சிதைவு அபாயம் உண்டு.

கருச்சிதைவுக்கு மேற்குறிப்பிட்ட காரணம் தாய்வழி வயதை அடிப்படையாக கொண்டது. இதனோடு நாள்பட்ட நோய்கள், வாழ்க்கை முறை மற்றும் ஹார்மோன் மாற்றங்கள் போன்ற பல ஆபத்து காரணிகளும் கருச்சிதைவு ஆபத்தை உண்டாக்கலாம்.

​கருச்சிதைவுக்கான ஆபத்து யாருக்கு?

samayam tamil Tamil News Spot

ஐவிஎஃப் சிகிச்சை எடுத்துகொள்ளும் பெண்கள் ஆரம்ப கால கர்ப்ப இழப்புக்கான வாய்ப்பு உள்ளது. உணர்ச்சி ரீதியாகவும், உடல் ரீதியாகவும் பாதிக்க கூடும். சிலருக்கு மற்றொரு ஐவிஎஃப் சுழற்சி தேவைப்படுகிறது.

குரோமோசோமால் முரண்பாடுகள் தன்னிச்சையான மருத்துவ கருக்கலைப்புக்கு காரணமாக இருக்கலாம். தொடர்ச்சியான கருச்சிதைவு வீதம் மாதவிடாய் முதல் 20 வாரங்களுக்கு முன்பு தொடர்ச்சியான மூன்று முறை கருச்சிதைவு இழப்பு கொண்டிருந்தால் மீண்டும் மீண்டும் கர்ப்ப இழப்பு உண்டாகலாம்.

குறிப்பாக 1 முதல் 2 % பெண்கள் மீண்டும் மீண்டும் கருச்சிதைவுகளை நேரிடலாம். இதற்கு மரபணு காரணிகள் நோய்த்தொற்றுகள், உடற்கூறியல் பிரச்சனைகள் வேறு பல காரணங்கள் ஆரோக்கியமான கர்ப்பம் ஏற்படுதுவதற்கு மருத்துவ சிகிச்சை அவசியம் என்பதை உணர்த்தலாம்.

கரு இதயத்துடிப்பு பிறகு கருச்சிதைவு ஏற்பட வாய்ப்புண்டு. அல்ட்ராசவுண்ட் ஸ்கேன் கருவின் இதயத்துடிப்பு கண்டறியப்பட்ட பிறகு கருச்சிதைவு விகிதம் குறைகிறது. குழந்தையின் இதயத்துடிப்பு கண்டறியப்பட்டதும் கருச்சிதைவு விகிதத்தில் 10% காட்டுகிறது.

​கருச்சிதைவு ஆபத்து எப்போது குறையும்

samayam tamil Tamil News Spot

கர்ப்பம் முன்னேறும் போது கர்ப்ப இழப்பு அல்லது கருச்சிதைவு வீதம் குறைகிறது. கருவின் இதயத்துடிப்புகள் கண்டறியப்படும் போது கருச்சிதைவு ஏற்படும் ஆபத்து குறையத்தொடங்கலாம். இது கர்ப்பத்தின் 7 வது வாரத்தில் உள்ளது. இருப்பினும் கருச்சிதைவு விகிதத்தில் 12 வார கர்ப்பத்துக்கு பிறகு அது குறையக்கூடியது என்பதையும் கவனியுங்கள்.

கருச்சிதைவு வீதம் குறையும் போது குரோமோசோமால் ஏற்படும் அசாதாரணங்கள் அராம்ப கால கர்ப்ப இழப்பை ஏற்படுத்தக்கூடும். அதே நேரம் ஃபைப்ராய்டுகள் போன்றவை தாமதமான கருச்சிதைவுக்கு வழிவகுக்கும்.

எச்சரிக்கை இருண்ட நிறத்தில் மலம் கழிந்தால் அது இந்த பாதிப்பின் அறிகுறியாக இருக்கலாம்!

கர்ப்ப இழப்பை சந்தித்தால் தாமதிக்காமல் மருத்துவரை அணுகி உரிய சிகிச்சை எடுத்துகொள்ள வேண்டும். இல்லையெனில் உயிருக்கு ஆபத்தை உண்டாக்கிவிடலாம். அதோடு அடுத்த கர்ப்ப சிக்கலை தவிர்க்க மகப்பேறு மருத்துவரின் தொடர் சிகிச்சையும் அவசியம்.

கருச்சிதைவுக்கு பிறகு ஆரோக்கியமான கர்ப்பம் பெறுவது இயற்கையானது. அதனால் கருச்சிதைவு குறித்து கவலையடைய வேண்டாம்.

Thanks for the Source

Share on Social Media

Leave a Reply

Your email address will not be published. Required fields are marked *