Share on Social Media

ஹைலைட்ஸ்:

  • இதயம் அல்லது நுரையீரல் கோளாறுகள் மோசமாக இருக்கும் நோயாளிகளுக்கு இது பயன்படுத்தப்படுகிறது.
  • தவறாக உபயோகப்படுத்தினாலும் தொடர்ந்து பயன்படுத்தினாலும் நரம்புகளை பாதிக்க

எக்மோ சிகிச்சை என்பது ஒருவரது நுரையீரலில் அல்லது இதயம் செயலிழந்த பிறகு இதனுடைய செயல்பாடுகளை வெளியில் இருந்து செய்யும் கருவி ஆகும். Extracorporeal membrane oxygenation எக்ஸ்ட்ரா கோர்போரல் மெம்பிரேன் ஆக்ஸிஜனேற்றம் என்பது சுவாசம் மற்றும் இதய ஆதரவை வழங்கும் நிலை ஆகும்.

இதயம் அல்லது நுரையீரல் கோளாறுகள் மோசமாக இருக்கும் நோயாளிகளுக்கு இது பயன்படுத்தப்படுகிறது. இது நோயாளிக்கு தேவையான ஆக்ஸிஜனேற்றத்தை வழங்க முடியும் இந்த சிகிச்சையால் குழந்தைகள் மற்றும் வயதானவர்களுக்கு பலன் கிடைக்கலாம்.

எக்மோ செயற்கை நுரையீரலை போன்று செயல்படுகிறது. இதை செயற்கை சுவாசக்குழாய் என்றும் சொல்லலாம். இது வெப்பமான மற்றும் வடிகட்டியுடன் இணைந்து மூச்சு விடுவதற்கு தேவையான காற்றை உடலுல் நுரையீரலுக்கு உள்ளேயும் வெளியேயும் கடத்துகிறது.

தொற்றுநோய் : நுரையீரலுக்கும், சீரான சுவாசத்துக்கும் நன்மை செய்யும் உணவுகள், இன்னிக்கே சாப்பிடுங்க!

இரத்தத்துக்கு ஆக்ஸிஜனை வழங்கி உடலுக்கு ஆக்ஸினை வழங்குகிறது. உடலில் ஆக்ஸிஜனை பிரித்து ரத்தத்தில் ஏற்றுவதை மனித நுரையீரல் செய்கிறது. இந்த ஆக்ஸிஜன் நிறைந்த இரத்தம் தான் நமது உடல் முழுவதும் பயணிக்கப்படுகிறது. இதை உடல் உள்ளுறுப்புகளுக்கு எடுத்து செல்வதே இதயத்தின் செயல்பாடு.

உடலில் நுரையீரல் மற்றும் இதயம் செயலிழக்கும் போது உடலில் கார்பன் டை ஆக்ஸைடு அளவு அதிகரித்து உயிரிழப்பு அபாயம் உண்டாகும். இந்த நிலைகளில் நுரையீரல் மற்றும் இதயத்தின் செயல்பாடுகளை செயற்கையாக செய்வதற்கு எக்மோ கருவி பொருத்தப்படுகிறது. அதி தீவிர சிகிச்சையில் மனித உயிர் காக்கும் கருவியாக இந்த எக்மோ கருவி செயல்படுகிறது.

எக்மோ கருவி செயல்பாடு

மூச்சுக்காற்றிலிருந்து கார்பன் டை ஆக்ஸைடை பிரித்து ஆக்ஸிஜனை மற்றும் எடுத்து இரத்தத்தில் கலக்கும் வேலை நுரையீரல் செய்கிறது. இந்த ஆக்ஸிஜன் கலந்த இரத்தம் தான் உடல் முழுக்க உள்ளுறுப்புகள் வழியாக பாய்ச்சும் வேலையை இதயம் செய்கிறது.

நுரையீரல் பணி தொய்வடையும் போது அல்லது நிறுத்தும் போது நுரையீரல் மற்றும் இதயத்தின் வேலையை எக்மோ கருவி செய்கிறது. பிறகு சுத்தமான பிராண வாயு நுரையீரலுக்கு அனுப்பப்படுகிறது. இப்போது நுரையீரல் வெலை செய்யாத போதும் மனித உடலுக்கு தேவையான ஆக்ஸிஜன் கிடைக்கும். இதனால் மூச்சு விடுதல், இரத்த ஓட்டம் தடைபடாமல் இயங்கும். இதனால் நோயாளி காப்பாற்றப்படுவதற்கான வாய்ப்புகள் அதிகரிக்கும்.

யாருக்கு எக்மோ தேவை

தீவிரமான நுரையீரல் மற்றூம் இதயக்கோளாறுகள் (இவர்கள் மீளக்கூடியவர்களாக) இருந்தால் அவர்களுக்கு மருத்துவர்கள் எக்மோ செய்கிறார்கள். இதயம் மற்றூம் நுரையீரலின் வேலையை எக்மோ செய்து விடுகிறது. இது ஆபத்திலிருந்து குணமடையும் வாய்ப்பை வழங்குகிறது.

கண் பார்வை : இதை செய்தீங்கன்னா கண்ணாடி போடவே தேவையில்லை! சித்தமருத்துவர் தரும் குறிப்புகள்!

புதிதாக பிறந்த குழந்தைகளுக்கு இந்த கோளாறு உண்டாகும் போது குழந்தையின் இதயங்களையும் நுரையீரலையும் உருவாக்க எக்மோ கொடுக்கப்படுகிறது. நுரையீரல் மற்றும் இதய அறுவைசிகிச்சை செய்யும் போது அது சிகிச்சைக்கு முன்பும் பின்பும் பெரிதும் உதவக்கூடியதாக இருக்கும்.

தீவிர சூழ்நிலைகளில் மட்டுமே எக்மோ அவசியம். மற்ற சிகிச்சைகள் பயன் அளிக்காத போது மட்டுமே இது நிகழ்கிறது. எக்மோ இல்லாமல் இத்தகைய கோளாறுகளை சந்திக்கும் போது அவர்கள் உயிர் வாழ்வதற்கு 20 சதவீதத்துக்கும் குறைவான வாய்ப்பு உள்ளது. அதுவே எக்மோ சிகிச்சை பெறும் நோயாளி 60% வரை உயிர் வாழக்கூடும்.

நுரையீரல் கோளாறுகள்

கைக்குழந்தைகளுக்கு எக்மோ

குழந்தைகளுக்கு சுவாசத்தில் பிரச்சனை, சுவாசிப்பதில் சிரமம், பிறக்கும் போதே குடல் இறக்கம், இதய குறைபாடுகள், மெக்கோனியம் ஆஸ்பிரேஷன் நோய்க்குறி, ( உதரவிதானத்தில் துளை) இரணி அறுவை சிகிச்சை, நுரையீரல் உயர் இரத்த அழுத்தம் ( நுரையீரல் தமனியில் உயர் இரத்த அழுத்தம்) கடுமையான நிமோனியா அறிகுறி, சுவாச செயலிழப்பு, மாரடைப்பு, இதய அறுவை சிகிச்சை போன்ற நிலைமைகளில் கைக்குழந்ந்தைகளில் எக்மோ சிகிச்சை தேவைப்படுகிறது.

வளரும் சிறுவர்களுக்கு எக்மோ

குழந்தைகளுக்கு எக்மோ எப்போது தேவைப்படுகிறது. நிமோனியா கடுமையாக இருக்கும் போது நோய்த்தொற்றுகள் அதிகமாக இருக்கும் சிறுவர்கள், இதய குறைபாடுகள், இதய அறுவை சிகிச்சை அதிர்ச்சி மற்றும் பிற அவசர நிலைகள், நுரையீரலுக்குள் நச்சுப்பொருள்கள் சேர்வது, ஆஸ்துமா தீவிரமான நிலையில் மருத்துவர்கள் தேவைப்பட்டால் எக்மோ சிகிச்சைக்கு உட்படுத்துவார்கள்.

பெரியவர்களுக்கு எக்மோ

கடுமையான நோய்த்தொற்றுக்கு உள்ளாகும் போது எக்மோ சிகிச்சை தேவைப்படுகிறது. தற்போது கொரோனா பாதிப்பு உள்ளானவர்களுக்கு தீவிரமாகும் போது மூச்சு விடுதலில் சிரமத்தை சந்திப்பார்கள். கொரோனா உயிரிழப்பில் மூச்சுத்திணறல் தான் அதிகமாக இருந்தது. கொரோனா பாதிப்பு சிகிச்சைக்கு முதலில் அவர்களது மூச்சை சீராக்குவதுதான் தேவையாக இருக்கிறது. தற்போது கொரோனா சிகிச்சையில் எக்மோ கருவி சிறப்பாக உதவுகிறது.

வைட்டமின் டி : சைவ உணவு சாப்பிடறவங்க என்ன சாப்பிட்டா வைட்டமின் டி கிடைக்கும்!

எக்மோ வகைகள்

இரத்தத்தை அகற்றி திருப்பித் தருவதற்கு பெரிய வடிகுழாய்கள் இரத்த நாளங்களில் செருகப்படுகின்றனஇது கேனுலே என்றழைக்கப்படுகிறது.
சவ்வு ஆக்ஸிஜனேட்டர்: இரத்தத்தை ஆக்ஸிஜனேற்றும் ஒரு செயற்கை நுரையீரல் ஆகும்.
வெப்பமான வடிகட்டி:கேனுலே உடலுக்கு திரும்புவதற்கு முன்பு இரத்தத்தை வெப்பமாக்கி வடிகட்டும் முறை.
எக்மோ செயல்பாட்டின் போது ஆக்ஸிஜனை குறைக்கும் இரத்தத்தை கேனுலே பம்ப் செய்கிறது. சவ்வு ஆக்ஸிஜனேட்டர் பின்னர் ஆக்ஸிஜனை இரத்தத்தில் செலுத்துகிறது. பிறகு அது ஆக்ஸிஜனேற்றப்பட்ட இரத்தத்தை வெப்பமான மற்றும் வடிகட்டி வழியாக அனுப்பி உடலுக்கு தருகிறது.

சுவாச சிகிச்சை

இந்த எக்மோவில் இரண்டு வகைகள் உள்ளது.

விவி எக்மோ என்பது ஒரு நரம்பிலிருந்து இரத்தத்தை எடுத்து மற்றொரு நரம்புக்கு திருப்புகிறது. இந்த வகை எக்மோ ஆனது நுரையீரல் செயல்பாட்டை மேம்படுத்துகிறது.
விஏ எக்மோ என்பது இதயம் மற்றும் நுரையீரல் இரண்டையும் ஆதரிக்கிறது. இது விவி எக்மோவைகாட்டிலும் அதிகமாக பணி செய்கிறது.

எக்மோவால் உண்டாகும் அபாயங்கள்

எக்மோ சிகிச்சை இதயத்துக்கும் நுரையீரலுக்கும் பயன் அளிக்கும் என்றாலும் இந்த குழந்தைகள் ஏற்கனவே நோய் வாய்ப்பட்டிருப்பார்கள். அவர்கள் மரணிக்கும் அபாயத்தை கொண்டிருப்பார்கள். இவர்களுக்கு எக்மோ சிகிச்சை அளிக்கும் போது கூடுதல் ஆபத்துகள் உருவாகலாம்.
இரத்தப்போக்கு, இரத்த உறைவு, தொற்று, மாற்று பிரச்சனைகள், அரிதாக பம்பில் இயந்திர சிக்கல்கள் ( அதாவது குழாய் முறிவுகள், பம்ப் நிறுத்தங்கள்) இது மிக அரிதானது. அதே போன்று குழந்தைக்கு தீங்கு விளைவிக்கவும் செய்யலாம். அதே நேரம் சில குழந்தைகளுக்கு எக்மோ பயன்படுத்தாவிட்டால் இறந்துவிடுவார்கள்.

எக்மோ பயன்படுத்துவதை நுரையீரல் மருத்துவ ஆலோசகர் தான் முடிவு செய்ய வேண்டும். அவர் நோயாளியின் மருத்துவ தன்மைக்கேற்ப இதை பயன்படுத்துவதை முடிவு செய்வார். இது தவறாக உபயோகப்படுத்தினாலும் தொடர்ந்து பயன்படுத்தினாலும் நரம்புகளை பாதிக்க கூடும் என்பதால் கூடுதல் கவனம் தேவைப்படும். எக்மோ நன்மையை தரக்கூடியவை என்பதில் மாற்றுக்கருத்தில்லை. ஆனால் சரியான முறையில் சரியான வகையில் பயன்படுத்த வேண்டும்.

Thanks for the Source

Share on Social Media

Leave a Reply

Your email address will not be published. Required fields are marked *