Share on Social Media


டைப் 1 டைப் 2 நீரிழிவு நோய் உள்ள எவருக்கும் இந்த நிலை உருவாகலாம். நீண்ட காலமாக நீரிழிவு நோய் மற்றும் இரத்த சர்க்கரை குறைவாக கட்டுப்படுத்துவதால், இந்த கண் சிக்கல் கோளாறுகள் உண்டாகலாம். இந்த ரெட்டினோபதி பற்றி நீங்கள் தெரிந்துகொள்ள வேண்டிய விஷயங்கள் குறித்து பார்க்கலாம்.

​சர்க்கரை நோயாளிகளுக்கு வரக்கூடிய ரெட்டினோபதி

சர்க்கரை நோயாளிகள் ரெட்டினோபதி குறித்து ஏன் தெரிந்துகொள்ள வேண்டும், அதன் முக்கியத்துவம் என்ன என்பதை கண் மருத்துவ நிபுணர் டாக்டர். ஸ்ரீனிவாசன் ராவ் MBBS, MS . அவர்கள் சொல்வதை கேட்கலாம்.

creatinine levels : சிறுநீரகத்தில் கிரியேட்டின் அளவு அதிகமா இருக்கா? இதெல்லாம் செய்யுங்க குறையும்!

டயாபட்டிக் ரெட்டினோபதிக்கு முன்பு டயாபட்டிக் அதாவது நீரிழிவு நோயாளிகள் குறித்து முதலில் தெரிந்துகொள்ள வேண்டும். ஹார்வார்டு பல்கலைக்கழகம் நடத்திய ஆய்வு ஒன்றில் இந்திய மக்கள் மற்றவர்களை காட்டிலும் வேகமாக டயபாட்டிக் ரெட்டினோபதி பெறுகிறார்கள்.

அதாவது மற்ற நாடுகளில் 10 வருடத்துக்கு பிறகு பெறக்கூடிய டயாபட்டிக் ரெட்டினோபதியை இந்திய மக்கள் 5 வருடங்களில் பெறுவதாக அந்த ஆய்வு கூறுகிறது. அதிலும் சர்க்கரை கட்டுக்குள் இருப்பவர்களும் இதில் அடங்குகிறார்கள்.

​சர்க்கரை நோயாளிகளுக்கு ரெட்டினோபதி

samayam tamil Tamil News Spot

சர்க்கரை நோய் கட்டுக்குள் இருந்தாலும் கட்டுக்குள் இல்லையென்றாலும் உடலில் இருக்கும் உறுப்புகள் பாதிக்கப்படும். அதில் முதலில் பாதிப்பு காட்டுவது கண்களில் ரெட்டினோபதியில் தான்.

நீரிழிவு நோயை ஏற்படுத்து உயர் இரத்த சர்க்கரையின் விளைவால் இது உண்டாகலாம். காலப்போக்கில் இரத்தத்தில் அதிகப்படியான சர்க்கரை இருப்பதால், விழித்திரை உட்பட உடல் முழுவதும் உள்ள இரத்த நாளங்கள் சேதமடையலாம். அதில் முதலாவது கண்களில் இருக்கும் நாளங்கள் தான்.

விழித்திரைக்கு செல்லும் சிறிய இரத்த நாளங்களை சர்க்கரை தடுக்கிறது என்னும் போது அங்கு கசிவு அல்லது இரத்தப்போக்கு உண்டாகலாம். உயர் இரத்த சர்க்கரையின் நீண்ட காலங்களில் கண் திரவத்தை குவிக்கலாம். இது லென்ஸின் வடிவத்தையும் வளைவையும் மாற்றி, பார்வையில் மாற்றங்களை உண்டாக்கும்.

​டயாபட்டிக் ரெட்டினோபதி அறிகுறிகள்

samayam tamil Tamil News Spot

ரெட்டினோபதி பொதுவாக ஆரம்ப அறிகுறிகளை உருவாக்காது. இதன் நிலைமை மிகவும் மேம்பட்டதாக இருக்கும். நீரிழிவு ரெட்டினோபதி இரண்டு கண்களையும் பாதிக்கும்.

முதலாவது மங்கலான பார்வை. அதாவது 6 மாதங்களுக்கு ஒரு முறை கண்ணாடி பவர் மாறிக்கொண்டே இருக்கும். டயாபடிக் இருப்பவர்கள் உடனடியாக சர்க்கரை அளவை பரிசோதிக்க வேண்டும்.

கண் மிதவைகள் அதாவது நீளமான கம்பம் இருந்தால் அது நேராக கண் பார்வையில் விழாது. வெளிப்படையான புள்ளிகள் மற்றும் இருண்ட சரங்கள் ஏற்படும். பார்வையை தடுக்கும் திட்டுக்கள் அல்லது கோடுகள் விழக்கூடும்.

இரவு பார்வை மையத்தில் இருண்ட அல்லது வெற்று இடம் திடீர் மற்றும் முழுமையான பார்வை இழப்பு உண்டாகலாம். அதனால் ஆரம்பத்தில் பவர் மாற்றம் இருக்கும் போதே கண் மருத்துவரை அணுக வேண்டும்.

​டயாபட்டிக் ரெட்டினோபதி கண்டறியும் முறை

samayam tamil Tamil News Spot

கண் பார்வையில் உண்டாகும் சிறிய மாறுபாட்டை கண்டறிய கண் மருத்துவரை அணுக வேண்டும். அவர் கண்களில் சில துளி மருந்து வைப்பார். இதனால் கண்ணின் உட்புறத்தை பார்ப்பார்கள். கண்ணின் உட்புறம் புகைப்படம் எடுப்பார்கள்.

இரத்த நாளங்கள், பார்வை நரம்பு அல்லது விழித்திரையில் உள்ள அசாதாராணங்கள், கண் புரை, கண் அழுத்தத்தில் மாற்றங்கள், புதிய இரத்த நாளங்க, ரெட்டினால் பற்றின்மை, வடு திசு கண் சொட்டுகள் மற்றும் அசெளகரியங்கள் கண்டறியலாம்.

ஃப்ளோரசெசின் ஆஞ்சியோகிராபி

கண்களில் சொட்டு மருந்து பயன்படுத்தி கைகளில் நரம்புகளில் இந்த ஃப்ளோரெசெசின் செலுத்தப்படுகிறது. கண்களை சுற்றுவது போல் படம் எடுக்கப்படும். இரத்த நாளங்கள் அசாதாரணமாக இருந்தால் சாயம் விழித்திரையில் கசியலாம் அல்லது இரத்த நாளங்களில் கறைபடியலாம்.

எந்தெந்த இரத்த நாளங்களில் திரவம் கசிகிறது அல்லது உடைந்துள்ளது அல்லது தடுக்கப்பட்டுள்ளது என்பதை கண்டறிய இந்த பரிசோதனை உதவும். இதன் மூலம் துல்லியமான லேசர் சிகிச்சை வழிகாட்டுதலை பெறலாம்.

ஆப்டிகல் கோஹ்ரன்ஸ் டோமோகிராபி (Optical coherence tomography) என்பது எவ்வித ஆக்கிரமிப்பும் இல்லாத இமேஜிங் ஆகும். இது விழித்திரையின் தெளிவான நிலையை விளக்கக்கூடியது. இது தடிமன் வெளிப்படுத்துகிறது. கண் மருத்துவர்கள் நீர்க்கட்டிகள் அல்லது வீக்கங்கள் கண்டறிய உதவும்.

​டயாபட்டிக் ரெட்டினோபதி சிகிச்சை முறைகள்

samayam tamil Tamil News Spot

டயாபட்டிக் ரெட்டினாபதி சிகிச்சை மூன்று வழிகளில் செய்யப்படுகிறது.

கண்களை சுற்றி ரெட்டினாவில் லேசர் சிகிச்சை செய்யலாம். இது காட்ராக்டில் அல்ல நரம்புகளில் ரெட்டினால் லேசர் செய்யப்படுகிறது. சுற்றியிருக்கும் நரம்புகளில் இருக்கும் குறைபாடு சரி செய்யப்படும். இதன் மூலம் பார்வை குறைபாடு சரியாகும். நரம்புகளில் சின்ன சின்ன கசிவு இருக்கலாம்.

இந்த கசிவுகள் இருந்தால் பலூன் போன்று வெடிக்கும் அபாயமுள்ளவை. அதன் பிறகு அறுவைசிகிச்சை மூலம் தான் இதை தான் சரி செய்ய முடியும். அதை தடுக்க தான் இந்த லேசர் சிகிச்சை.

நரம்புகள் வீக்கம் அதிகமாக இருந்தால் இந்த நரம்புக்கு ஊசி மூலம் சிகிச்சை செய்யலாம். ஆறு வாரங்களில் இந்த வீக்கத்தை குறைக்கலாம். முன்பெல்லாம் மாதம் ஒரு முறை கண்டிப்பாக ஊசி போட வேண்டிய நிலை இருந்தது. இப்போது ஆறு மாதங்களுக்கு ஒரு முறை ஊசி போடலாம்.

இந்த ஊசி போடுவதால் நரம்புகளில் இருக்கும் வீக்கத்தை அதில் இருக்கும் நீரை வெளியே எடுக்கும். அதன் பிறகு தான் அவர்களுக்கு லேசர் சிகிச்சை செய்யப்படும்.

காட்ராக்ட் இருந்தாலும் முதலில் இந்த நரம்புகளில் இருக்கும் வீக்கம் ஊசி போடப்பட்டு 4 வாரங்களில் கட்டுப்படுத்தப்பட்டு பிறகு தான் லேசர் சிகிச்சை செய்யப்படும். இல்லையெனில் இவை தழும்பாக மாறிவிடும். இதனால் எந்த பலனும் இருக்காது.

​டயாபட்டிக் ரெட்டினோபதி தடுக்கும் முறை

samayam tamil Tamil News Spot

நீரிழிவு நோய் இருப்பவர்கள் அதை கட்டுக்குள் வைத்திருந்தாலும் சிறுநீரகம், இதயம், நரம்புகள், கண் பரிசோதனை போன்றவற்றை சீரான இடைவெளியில் செய்ய வேண்டும்.

பலரும் வீட்டில் நீரிழிவு பரிசோதனை செய்து கண்ட்ரோலாகதான் இருக்கு என்று நினைக்கிறார்கள். ஆனால் சர்க்கரை நோய் கட்டுக்குள் இருந்தாலும் ஆறுமாதங்களுக்கு ஒரு முறை இரத்தத்தில் கிரியேட்டின் அளவு, hba1c பரிசோதனை பார்க்க வேண்டும். வருடத்தில் ஒரு முறை ஈசிஜி, நரம்பு பரிசோதனை செய்ய வேண்டும். கண் மருத்துவரை சந்தித்து கண் பார்வை, கண் அழுத்தம் மற்றும் சொட்டு மருந்து விட்டு வேண்டிய பரிசோதனை பார்ப்பார்கள்.

ஒவ்வொருவரது பாதிப்புக்கு ஏற்ப இவர்களது பரிசோதனை காலமும் இருக்கும். சிலர் அடுத்த பரிசோதனையை ஆறுமாதங்களுக்கு ஒரு முறை செய்து கொள்ள பரிந்துரைப்பார்கள். சிலர் மூன்று மாதம், இன்னும் சிலர் ஒவ்வொரு மாதமும் கூட பரிசோதிக்க வேண்டும். சிலருக்கு கண்களில் பிரச்சனை இல்லை என்றாலும் வருடம் ஒரு முறை பரிசோதிக்க வேண்டும்.

omicron lung infection :ஒமிக்ரான் தொற்று நுரையீரலை பாதிக்குமா? யாரெல்லாம் கவனமாக இருக்க வேண்டும்?

டயாபட்டீஸ் நோயாளிகள் செய்ய வேண்டிய ஒன்று என்றால் ஊட்டச்சத்து நிபுணரிடம் ஆலோசனை செய்து சரியான டயட் பின்பற்றுவது தான். அதோடு நடைபயிற்சி யில் தினமும் 5 கிலோமீட்டராவது நடக்க வேண்டும். ஏனெனில் இன்று உணவு முறை தான் பெரும்பாலான குறிப்பாக டயாபட்டிக் வருவதற்கு முழு காரணமாக இருக்கலாம்.

குறிப்பு : டயாடிக் இருக்கும் போது கண் பார்வையில் திடீரென்று உண்டாகும் கோளாறுகள், மங்கலான பார்வை போன்றவை எதிர்கொண்டால் தாமதிக்காமல் மருத்துவரை அணுக வேண்டும். ஏனெனில் ரெட்டினோபதி தீவிரமானால் கண் பார்வையை பறித்துவிடவும் கூடும்.



Source link

Share on Social Media

Leave a Reply

Your email address will not be published. Required fields are marked *