Share on Social Media

சாதாரணமாக ஒரு ஆணின் விந்தணுக்களின் எண்ணிக்கை 15 மில்லியன்/ml அல்லது அதைவிட அதிகமாக இருக்கும். இந்த அளவை விட குறைவான விந்தணுக்கள் கொண்ட ஆண்கள் இந்த பிரச்சனையினால் பாதிக்கப்படுகின்றனர். விந்து வெளியேறும் போது தேவையான எண்ணிக்கையில் அது வெளியேறுவதில்லை. நிபுணர்கள் விந்தணுவின்மை அறிகுறிகள் காரணங்கள் மற்றும் சிகிச்சை குறித்து கூறுகின்றனர்.

​விந்தணுவின்மை அறிகுறிகள்

ஆண்கள் அவர்களின் பார்ட்னர் கருத்தரிக்காத வரை இப்படி ஒரு பிரச்சனை அவர்களுக்கு உள்ளது என்பதை அறியமாட்டார்கள். இருப்பினும் சில அறிகுறிகள் ஹார்மோன் பிரச்சினைகள் அல்லது மரபணு பிரச்சினைகள் காரணமாக கூட ஏற்படலாம். இநோயினால் ஏற்படும் சில அறிகுறிகளைப் பற்றி இங்கு தெரிந்து கொள்வோம்.

​விறைப்புத்தன்மை

samayam tamil Tamil News Spot

விந்தணுவின்மை நோயால் பாதிக்கப்பட்ட நோயாளிகள் விறைப்புத்தன்மை பிரச்சனையை எதிர்கொள்ள நேரிடலாம். உடலுறவு கொள்ளும் போது தேவையான விறைப்புத்தன்மை பல ஆண்களுக்கு கிடைப்பதில்லை. குறைந்த அளவான விறைப்புத்தன்மையும், நீங்கள் விந்தணுவின்மை பிரச்சனையால் பாதிக்கப்பட்டு இருக்கிறீர்கள் என்பதைக் குறிக்கலாம். இதுபோன்ற பிரச்சனைகளை எதிர்கொண்டால் மருத்துவ உதவியை நாட வேண்டும்.

​குறைந்த செக்ஸ் ஆர்வம்

samayam tamil Tamil News Spot

இந்த நோயால் பாதிக்கப்பட்ட நோயாளிகள் குறைந்த செக்ஸ் இயக்கத்தை பெறுகிறார்கள். இது ஒரு உளவியல் காரணத்தால் ஏற்படுகிறது. இந்த பிரச்சனை உள்ள ஆண்கள் சுய மரியாதையை இழப்பதாக கருதுகிறார்கள். மேலும் அவர்களது பார்ட்னரை நோக்கி ஈர்க்கப்படுவது மிகவும் குறைவு என அவர்கள் எண்ணுகிறார்கள். இதனால் அவர்கள் அதிக சோர்வாகவும் மன அழுத்தமாகவும் உணரக்கூடும்.

​தாடி அல்லது உடலில் குறைவான முடி வளர்ச்சி

samayam tamil Tamil News Spot

இந்த நோயால் பாதிக்கப்பட்டவர்களுக்கு குறைந்த அளவில் டெஸ்டோஸ்டிரோன் சுரக்கிறது. டெஸ்டோஸ்டீரான் அளவு குறைவாக இருப்பதால் முகம், மார்பு, இடுப்பு பகுதி மற்றும் மற்ற உடல் பகுதிகளில் முடியின் வளர்ச்சி குறைவாக இருக்கும். சில காயங்கள் காரணமாகவும் முடி உதிர்தல் மற்றும் முடி வளர்ச்சியின்மையை பிரச்சனையை சந்திக்க நேரிடும். திடீரென ஏற்படும் வழுக்கை உங்கள் உடலில் பிரச்சினை உள்ளது என்பதை குறிக்கிறது.

​விரைகளை சுற்றி வீக்கம்

samayam tamil Tamil News Spot

இந்நோயினால் பாதிக்கப்பட்டவர்கள் அவர்களது விரைகளை சுற்றி வலி அல்லது வீக்கம் பிரச்சினையை அனுபவிக்கலாம். உங்கள் இடுப்புப் பகுதியில் ஏதேனும் வீக்கம் தென்பட்டால் நீங்கள் உடனடியாக மருத்துவரை சந்தித்து ஆலோசிக்கவும். சிலருக்கு பாலியல் உடலுறவுக்கு பிறகு வலி மற்றும் அதிகரித்த வீக்கம் இருப்பதாக கூறுகின்றனர். இது ஏதேனும் அடைப்பு காரணமாக ஏற்படலாம். எனவே உங்களது இடுப்புப் பகுதியில் ஏதேனும் வீக்கம் இருப்பதாக நீங்கள் அறிந்தால் உடனடியாக மருத்துவரை சந்தித்து சிகிச்சை எடுத்துக் கொள்ளுங்கள்.

​அசௌகரியம்

samayam tamil Tamil News Spot

நோயாளிகள் தங்களது விரைகளில் வலி மற்றும் அசௌகரியத்தை அனுபவிக்கலாம். இது ஒரு நாள் பட்ட பிரச்சனையாக கூட இருக்கலாம். டெஸ்டிகுலாரில் வலி ஏற்படுவது விந்தணுக்கள் மற்றும் பிற உள்ளுறுப்புகளில் உள்ள பிரச்சினைகளை குறிக்கலாம். பெரும்பாலான நேரங்களில் இத்தகைய சூழ்நிலைகளுக்கு உடனடியாக மருத்துவ சிகிச்சை தேவைப்படுகிறது. சிகிச்சை எடுத்துக் கொள்வதில் தாமதம் ஏற்பட்டால், கடுமையான உறுப்பு சேதத்திற்கு அது வழிவகுக்கும்.

​காரணங்கள்

samayam tamil Tamil News Spot

இனப்பெருக்க குழாயில் அடைப்பு,விரைகளில் பிரச்சினைகள், ஹார்மோன் பிரச்சினைகள் மற்றும் டெஸ்டிகுலார் அமைப்பில் பிரச்சனை போன்றவற்றால் இந்த பிரச்சனை ஏற்படலாம். இந்நோய்க்கு சிகிச்சை எடுத்துக்கொள்ள முடியும். மேலும் கருவுறுதலையும் மீட்டெடுக்க முடியும். இனப்பெருக்க மருத்துவ முறைகளை பயன்படுத்தி நேரடி விந்தணுக்களை மீண்டும் மீட்டெடுக்க முடியும். இந்நோய் ஏற்படுவதற்கான முக்கிய காரணங்கள் கீழே கொடுக்கப்பட்டுள்ளன.

  • தொற்று
  • வாஸெக்டோமி
  • அழற்சி
  • இடுப்பு பகுதியில் ஏற்கனேவே செய்த அறுவை சிகிச்சைகள்
  • அதிர்ச்சி அல்லது காயம்
  • நீர்க்கட்டி
  • சிஸ்டிக் ஃபைப்ரோஸிஸ் மரபணு மாற்றம்

​சிகிச்சை

samayam tamil Tamil News Spot

இந்த நோய் இருப்பதை கண்டறிய மருத்துவர் விந்து பகுப்பாய்வு சிகிச்சையை மேற்கொள்கிறார். உங்களது மருத்துவ வரலாறு பற்றி மருத்துவர் உங்களிடம் கேட்டு தெரிந்து கொள்ளலாம். மேலும் முழு உடல் பரிசோதனையை மேற்கொள்ளலாம். மாதிரியை சேகரித்து நிபுணர்கள் ஆய்வகத்துக்கு அனுப்பி வைப்பார். ஆய்வக முடிவுகளில் விந்தணுக்களில் எந்த விந்தணுக்களும் காணப்படவில்லை என்றால் அது உங்களுக்கு விந்தணுவின்மை பிரச்சினை உள்ளதை உறுதி செய்யும். இதற்கு மருத்துவ ஆலோசனைப்படி நீங்கள் சிகிச்சைகளை எடுத்துக் கொள்ளலாம். இதற்கு அறுவை சிகிச்சை முறை பயன்படுகிறது. இது குழாயில் உள்ள அடைப்பை நீக்கி இந்த பிரச்சனையை சரி செய்கிறது. அறுவை சிகிச்சை எடுத்துக் கொள்ள விரும்பாத ஆண்கள் IVF சிகிச்சை மூலம் குழந்தை பெற்றுக் கொள்ளலாம்.

Thanks for the Source

Share on Social Media

Leave a Reply

Your email address will not be published. Required fields are marked *