Share on Social Media


20 முதல் 55 வயதுக்கு உட்பட்டவர்கள் குறைந்தது ஒரு வருடத்தில் 0.5 முதல் 1 கிலோ வரை எடை போடுகிறார்கள். இதனால் வருடங்கள் செல்ல செல்ல எடை அதிகரித்து பருமனாக மாறுகிறார்கள். எடை அதிகரிப்பு பொதுவாக அதிக அளவு உணவை உண்பதன் காரணமாக ஏற்படுகிறது. அதுமட்டுமில்லாமல் தினசரி தேவைக்கு அதிகமான கலோரிகளை உட்கொள்வதன் மூலமாகவும் எடை அதிகரிப்பு ஏற்படுகிறது. மக்கள் அவர்களது எடையை நிர்வகிப்பதற்காக இது ஒரு சிறிய மாற்று அணுகுமுறை என்று அறியப்படுகிறது.

​எடையை குறைக்க

சின்ன சின்ன மாற்றங்கள் செய்வதன் மூலம் எடை இழப்பில் எவ்வளவு ஆதாயம் உள்ளது என்பதை அறிய சிறிய ஆய்வுகள் மேற்கொள்ளப்பட்டன. இதுபோன்ற ஆய்வுகளின் சரியான முடிவுகளை பெற சிறிய ஆய்வுகளை இணைத்து ஒரு மதிப்பாய்வு செய்யப்பட்டது. 19 சோதனைகளில் 15, எடை அதிகரிப்பை தடுக்க சின்னச் சின்ன மாற்றங்கள் உதவியாக இருக்கும் என்று கண்டறியப்பட்டது.

​பெண்களும் எடை அதிகரிப்பும்

samayam tamil Tamil News Spot

எடை அதிகரிப்பு குறித்த தடுப்பு சோதனைகளில் கிட்டத்தட்ட 3000 நபர்களின் தரவுகளையும், எடை இழப்பு சோதனைகளில் 372 நபர்களின் தரவுகளையும், நாம் பகுப்பாய்வு செய்தோம். இந்த ஆய்வில் பங்கேற்றவர்கள் 18 முதல் 60 வயதுக்கு உட்பட்டவர்கள் ஆவர். இதில் 65 சதவீதம் பெண்கள் ஆவர்.

எடை அதிகரிப்பை தடுக்க சிறிய மாற்று அணுகுமுறைகளை பயன்படுத்தியவர்கள் உடன் ஒப்பிடும்போது, 8 முதல் 14 மாதங்களில் இந்த அணுகுமுறையை பயன்படுத்துபவர்களை விட கிட்டதட்ட ஒரு கிலோ எடை குறைவாக உள்ளனர்.

​வாழ்க்கைமுறை மாற்றங்கள்

samayam tamil Tamil News Spot

ஆய்வுகளில் சிறிய மாற்றங்கள் எடை அதிகரிப்பை தடுக்க பயனுள்ளதாக இருக்கும் என்று கூறப்பட்டதே தவிர, எடை இழப்பில் பயனுள்ளதாக இருக்கும் என்று நிரூபிக்கப்படவில்லை.

இதுபோன்ற ஆய்வுகளில் நாங்கள் கண்டறிந்தது, சிறிய மாற்றங்கள் எடை அதிகரிப்பு ஏற்படாமல் தடுக்க உதவும் என்பது. இந்த சோதனைகளில் பயன்படுத்தப்பட்ட வெற்றிகரமான சில நுட்பங்கள் இங்கே.

மழைக்காலத்தில் சீதாப்பழத்தை அதிகமா சாப்பிடணுமாம்… ஏன்னு தெரியுமா?…

​நடந்து செல்லலாம்

samayam tamil Tamil News Spot

நீங்கள் பேருந்தில் பயணிப்பவராக இருந்தால் ஒரு நிறுத்தத்திற்கு முன்னதாகவே பேருந்திலிருந்து இறங்கி, மீதமுள்ள தூரங்களை நடந்து சென்று அடையவும். குறைந்தது 10 முதல் 15 நிமிடங்கள் நீங்கள் நடக்கலாம். இதனால் 60 கலோரிகள் வரை உங்களால் குறைக்க முடியும். வீட்டிற்கு செல்லும் வழியில் இதுபோன்று செய்வது குறைந்தது 120 கலோரிகள் வரை குறைக்க உதவும்.

தினசரி சுறுசுறுப்பாக நடப்பதற்கு செல்லப் பிராணிகளை உங்களுடன் அழைத்துச் செல்லலாம். நாய் போன்ற செல்ல பிராணிகளை நடைபயிற்சியின் போது அழைத்து செல்வது 150 கலோரிகளுக்கு மேல் குறைக்க உதவும்.

​நொறுக்குத் தீனி

samayam tamil Tamil News Spot

சிப்ஸ் போன்ற நொறுக்குத் தீனிகளை தவிர்க்கவும். இதில் நூற்றுக்கணக்கான கலோரிகள் உள்ளன. இதற்கு பதிலாக சாலட் அல்லது காய்கறி உணவுகளை தேர்ந்தெடுப்பது உங்களது தினசரி கலோரி உட்கொள்ளலை 500 கலோரிகள் வரை குறைக்க உதவும்.

உங்க பல் இந்த மாதிரி வெள்ளையா ஆகணுமா… எதுவும் பண்ணாதீங்க… இத மட்டும் சாப்பிடுங்க…

​டயட் பானங்கள்

samayam tamil Tamil News Spot

வழக்கமாக நீங்கள் அருந்தும் பானங்களிலிருந்து டயட் போன்ற பானங்களுக்கு மாறுங்கள். இது சுவையானதாக இல்லாவிட்டாலும் குறைந்தது 140 கலோரிகள் வரை குறைக்க உங்களுக்கு உதவும். இருப்பினும் சமீபத்தில் செய்யப்பட்ட ஆய்வுகளில், டயட் பானங்களை மாற்றுவதை விட அதிக நீர் அருந்துவது எடை இழப்பில் சிறந்தது என்று கூறப்படுகிறது.

ஒரு சில பாலில் அதிக கலோரிகள் உள்ளதால் குறைந்த கலோரிகள் உள்ள பாலை தேர்ந்தெடுத்து அருந்தலாம்.

​எண்ணெய்

samayam tamil Tamil News Spot

வழக்கமாக சமைப்பதை விட இரண்டு ஸ்பூன் குறைவான எண்ணெயை பயன்படுத்துங்கள். ஒரு டேபிள் ஸ்பூன் ஆலிவ் ஆயிலில் கிட்டத்தட்ட 100 கலோரிகள் உள்ளன. எனவே குறைந்த அளவிலான எண்ணெயை பயன்படுத்துவது அதிக கலோரிகள் சேராமல் தடுக்கும்

இனிப்பு பண்டங்கள் ஏதாவது விரும்பி சாப்பிடுவதாக இருந்தால் இன்று பாதியும், அடுத்த நாள் பாதியும் என எடுத்துக் கொள்ளலாம். பாதி கிட்கேட் சாப்பிடுவது கிட்டத்தட்ட 102 கலோரிகளை குறைக்க உதவும்.

வாழைப்பழத்தைவிட உங்க உடம்புல இருக்கிற இந்த 4 பிரச்சனைய சரிபண்ண வாழைக்காய்தான் சிறந்தது…

​உருளைக்கிழங்கு

samayam tamil Tamil News Spot

அளவான முறையில் இரவு உணவுக்கு உருளைக் கிழங்குகளை பயன்படுத்தவும். ஒரு மீடியம் சைஸ் உருளைக்கிழங்கில் கிட்டத்தட்ட 200 கலோரிகள் உள்ளன. எனவே உருளைக்கிழங்கை உங்கள் உணவில் சேர்த்துக் கொள்ளும் போது மிகவும் கவனமாக இருக்க வேண்டும்.

தொலைபேசியில் உரையாடிக் கொண்டே நடப்பதை பழக்கப்படுத்தி கொள்ளுங்கள். சுமார் 30 நிமிடம் தொலைபேசியில் பேசிக் கொண்டே நடந்தால் கூடுதலாக உங்களால் 100 கலோரிகளை குறைக்க முடியும்.

​இனிப்பை தவிர்த்திடுங்கள்

samayam tamil Tamil News Spot

இனிப்பு பதார்த்தங்களை தவிர்த்து விடுங்கள். குறிப்பாக கேக், பிஸ்கட் மற்றும் பிற இனிப்பு பதார்த்தங்கள் என்று சொல்லலாம். இதன் மூலம் 100 முதல் 200 கலோரிகளை நீங்கள் எளிதாக குறைக்கலாம்.

மாதவிடாய் வலியை குறைக்கணும்னா சாப்பிட வேண்டிய 10 உணவுகள் இவைதான்…

​சின்ன சின்ன மாற்றங்கள்

samayam tamil Tamil News Spot

சிறிய மாற்றங்கள் மூலம் எடையை நிர்வகிக்க பல வழிகள் உள்ளன. மேலும் இதனால் கிடைக்கும் நன்மைகளும் அதிகம். குறிப்பாக கூற வேண்டுமானால், சின்ன சின்ன மாற்றங்களை நமது அன்றாட வாழ்க்கையில் மேற்கொள்வது என்பது எளிதானது. அதாவது ஒரு நாளைக்கு எடுத்ததும் 500 கலோரிகளை குறைப்பதை விட, 100 முதல் 200 கலோரிகள் என தினசரி குறைப்பது எளிதானது அல்லவா.

மேலும் இது போன்ற சிறிய மாற்றங்களை உங்களால் நீண்ட காலத்திற்கு கடைப்பிடிக்க முடியும். இது எடை நிர்வகிப்பதில் மிகவும் முக்கியமானது. இதுபோன்ற சின்ன மாற்றங்களை செய்வதில் நீங்கள் வெற்றி பெற்றால் உங்களின் வாழ்க்கையில் பெரிய பெரிய மாற்றங்கள் ஏற்பட இது வழிவகுக்கும்.



Source link

Share on Social Media

Leave a Reply

Your email address will not be published. Required fields are marked *