Share on Social Media


பொதுவாக போதுமான தண்ணீர் குடிப்பது உடலுக்கு மிகவும் அவசியமான ஒன்று. ஆனால் இந்த தண்ணீரையே நீண்ட நேரம் பாட்டிலில் அடைத்து குடிப்பது நல்லதா. இப்படி இரவில் நீண்ட நேரம் பாட்டிலில் அடைக்கப்பட்ட தண்ணீர் குடிப்பது உங்களுக்கு எந்த மாதிரியான பிரச்சினைகளை ஏற்படுத்தும். எனவே இரவில் பாட்டிலில் அடைத்து வைத்து தண்ணீர் குடிப்பதால் எந்த மாதிரியான பிரச்சினைகளை நீங்கள் சந்திக்க நேரிடலாம் என அறிந்து கொள்வோம்.

​இரவில் தண்ணீர் குடிப்பது

நாம் எல்லோரும் இரவில் தூங்குவதற்கு முன்பு ஒரு பாட்டிலில் தண்ணீரை அடைத்து பக்கத்தில் வைத்துக் கொள்வோம்.

தேவைப்படும் போது இரவில் அதை எடுத்து குடிப்பது உண்டு. இப்படி நீண்ட நேரம் பாட்டிலில் அடைக்கப்பட்ட தண்ணீரை பருகுவது அதன் சுவையை மாற்றக் கூடும்.

மேலும் பாட்டிலில் பூஞ்சை பிடித்து பாக்டீரியா தொற்று மற்றும் பூஞ்சை தொற்று நேரலாம். மேலும் உங்க பாட்டிலை மற்றவர்களும் பயன்படுத்தும் போது அவர்களிடம் இருந்து நோய்த்தொற்று உங்களுக்கு பரவ வாய்ப்பு உள்ளது.

​ஏற்படும் தீமைகள்

samayam tamil Tamil News Spot

தண்ணீரின் முக்கியத்துவம் :நாம் குடிக்கும் தண்ணீர் முதலில் தூய்மையானதாக இருக்கிறதா என்பதில் கவனமாக இருக்க வேண்டும். சுத்தமான தண்ணீரை பருகுவதி தான் நோய்கள் வராமல் தடுக்க உதவும். எனவே தண்ணீரை சரியான முறையில் சேகரித்து பருகுவது மிகவும் அவசியம்.

அதே மாதிரி ஒரு நாளைக்கு 8 டம்ளர் தண்ணீர் குடிப்பது உங்க உடலை நீர்ச்சத்துடன் வைத்திருக்க உதவி செய்யும். தண்ணீர் உடலுக்கு தேவையான நீர்ச்சத்தை அளிக்கிறது. இது உடலில் உள்ள நச்சுக்களை நீக்கி மூட்டுகளுக்கு உயவூட்டுகிறது. உடல் உறுப்புகளின் செயல்பாட்டிற்கு உதவுகிறது. இருப்பினும் இந்த தண்ணீரை தவறாக குடிப்பதால் பல தீமைகளை நீங்கள் சந்திக்க நேரிடலாம்.

​தண்ணீரின் சுவை மாறுதல்

samayam tamil Tamil News Spot

நீண்ட நேரம் தண்ணீரை பாட்டிலில் அடைத்து வைத்து குடிப்பது உங்களுக்கு தண்ணீரின் சுவையை மாற்றக்கூடும். காரணம் பாட்டிலில் அடைத்து வைக்கப்பட்ட தண்ணீரில் கார்பன் டை ஆக்சைடு இருப்பதால் தண்ணீரின் சுவையானது மாற்றம் பெறுகிறது. 12 மணி நேரம் தண்ணீரை பாட்டிலில் அடைத்து வைப்பது தண்ணீரில் உள்ள மூலக்கூறுகளை மாற்றுகிறது.

காற்றில் உள்ள கார்பன் டை ஆக்சைடு அதனுடன் கலந்து தண்ணீரின் pH அளவை மாற்றி தண்ணீரை சுவையற்றதாக மாற்றுகிறது. பொதுவாக குழாயில் இருந்து பெறப்படும் தண்ணீர் ஆனது 6 மாதங்கள் வரை நீடிக்கும். சுற்றுப்புறத்தில் திறந்த நிலையில் இருக்கும் தண்ணீரில் அழுக்குகள், தூசிகள் மற்றும் குப்பைகள் கலக்க வாய்ப்பு உள்ளது. எனவே திறந்த நிலையில் இருக்கும் தண்ணீரை குடிக்கும் போது அதன் சுத்தத்தை பரிசோதித்து பயன்படுத்துங்கள்.

​பாட்டில் தண்ணீர் தீமைகள்

samayam tamil Tamil News Spot

காரில் பல நாட்களாக வைத்திருக்கும் தண்ணீர் பாட்டில்கள், வீட்டில் பல நாட்களாக இருக்கும் தண்ணீர் பாட்டில்கள் இவற்றை பயன்படுத்துவது பாதுகாப்பற்றது. மேலும் தண்ணீர் பாட்டிலில் வாயை வைத்து குடிப்பது நல்லது அல்ல. நம்முடைய வியர்வை, சரும பாக்டீரியாக்கள் மற்றும் தூசிகள் அழுக்குகள் போன்றவை மீண்டும் பாட்டிலில் உள்ள தண்ணீரில் சேர்க்கப்படுகின்றன.

நம் உமிழ்நீரில் உள்ள கோடிக்கணக்கான பாக்டீரியாக்கள் பாட்டிலில் சேர்க்கப்படுகிறது. சூடான வெப்பநிலையில் தண்ணீரில் பாக்டீரியாக்கள் வேகமாக வளரும். இந்த பாக்டீரியாக்கள் உங்க உடலுக்குள் நுழையும் போது ஏகப்பட்ட உடல்நல பிரச்சினைகளை ஏற்படுத்துகிறது. அதே மாதிரி தொற்று நோயால் பாதிக்கப்பட்ட ஒருவருடன் உங்க பாட்டிலை பகிர்வது ஏகப்பட்ட இன்னல்களை ஏற்படுத்துகிறது.

​தண்ணீரை எப்படி அருந்த வேண்டும்

samayam tamil Tamil News Spot

தண்ணீரை வடிகட்டி அருந்துவது மிகவும் அவசியம். நீண்ட நேரம் பாட்டிலில் அடைக்கப்பட்ட தண்ணீரை குடிக்க வேண்டாம். பாட்டிலை நன்றாக சுத்தம் செய்து தினமும் தண்ணீரை மாற்றி வைக்க வேண்டும். பாட்டிலில் வாய் வைத்து குடிப்பதை தவிருங்கள். காரில் பயன்படுத்தும் தண்ணீர் பாட்டிலையும் தினசரி மாற்றுங்கள்.

பாட்டிலில் அடைக்கப்பட்ட தண்ணீரை வாங்கும் போது அதன் காலாவதி தேதியை பார்த்து வாங்குங்கள். பிளாஸ்டிக் பாட்டில்களில் அடைக்கப்படும் தண்ணீரில் பிளாஸ்டிக் பொருட்கள் கலந்து வயிற்றுப் போக்கு, நோயெதிர்ப்பு சக்தி குறைதல் மற்றும் சுவாச பிரச்சினைகளை உண்டாக்குகிறது.



Source link

Share on Social Media

Leave a Reply

Your email address will not be published.