Share on Social Media


ஹைலைட்ஸ்:

  • புடினுக்கு மேற்கொண்ட பரிசோதனையில் நெகட்டிவ் என முடிவு வந்துள்ளது
  • கொரோனாவுக்கான இரண்டு டோஸ்கள் தடுப்பூசியையும் புடின் ஏற்கனவே செலுத்திக் கொண்டுள்ளார்
  • தனிமைப்படுத்திக் கொண்டுள்ளதால், தனது தஜிகிஸ்தான் பயணத்தையும் புடின் ரத்து செய்துள்ளார்

உலக அளவில் கொரோனாவால் பாதிப்பு அடைந்தோர் எண்ணிக்கை 21 கோடியை கடந்துள்ளது. அதேசமயம் கொரோனா வைரஸ் பாதிப்பில் இருந்து 19 கோடிக்கும் அதிகமானோர் குணமடைந்துள்ளனர். கொரோனா தொற்று ஏற்பட்டு இதுவரை 45 லட்சத்துக்கும் மேற்பட்டோர் உயிரிழந்துள்ளனர்.

கொரோனா இரண்டாவது அலை, மூன்றாவது அலைகள் அச்சுறுத்திக் கொண்டிருக்கும் வேளையில், தடுப்பூசி போடும் பணிகளையும் உலக நாடுகள் முடிக்கி விட்டுள்ளன. ஆனாலும், புதிய வகை வைரஸ் திரிபுகளால் கொரோனாவின் தாக்கம் குறைந்தபாடில்லை.

உலக அளவில் கொரோனா வைரஸ் அதிகம் பாதித்த நாடுகளில் ஒன்று ரஷ்யா. கொரோனா அதிகம் பாதித்த நாடுகளின் பட்டியலில் அமெரிக்கா, இந்தியா, பிரேசில், இங்கிலாந்துக்கு அடுத்த இடத்தில் ரஷ்யா உள்ளது. அந்நாட்டில் இதுவரை 70 லட்சத்துக்கும் அதிகமானோர் கொரோனாவால் பாதிக்கப்பட்டுள்ளனர். உயிரிழப்பு எண்ணிக்கை 2 லட்சத்தை நெருங்கி வருகிறது.
பள்ளிகள் மீண்டும் மூடல்: அதிரடி நடவடிக்கை!
தடுப்பூசியை குறைவான அளவு செலுத்தி வருவதே தொற்று அதிகரிப்பதற்கு காரணம் என்று மருத்துவ நிபுனர்கள் தெரிவித்துள்ளனர். இந்த நிலையில், கொரோனா அச்சுறுத்தல் காரணமாக ரஷ்ய அதிபர் அதிபர் விளாடிமிர் புடின் தன்னை தானே தனிமைப்படுத்திக் கொண்டதாக அந்நாட்டு அதிபர் மாளிகையான கிரெம்ளின் தெரிவித்துள்ளது.

அதிபர் மாளிகையில் இருந்த ஒருவருக்கு கொரோனா உறுதி செய்யப்பட்டதாலும், அவர் புடினுடன் தொடர்பில் இருந்ததாலும், முன்னெச்சரிக்கை நடவடிக்கையாக புடின் தனிமைப்படுத்திக் கொண்டதாக அதிபர் மாளிகை தெரிவித்துள்ளது. மேலும், புடினுக்கு மேற்கொண்ட பரிசோதனையில் நெகட்டிவ் என முடிவு வந்துள்ளதாகவும், அவரது உடல்நிலை ஸ்திரமாக உள்ளதாகவும் தெரிவிக்கப்பட்டுள்ளது. கொரோனாவுக்கான இரண்டு டோஸ்கள் தடுப்பூசியையும் ஏற்கனவே புடின் செலுத்திக் கொண்டுள்ளார் என்பது கவனிக்கத்தக்கது.

எடப்பாடி கேள்விக்கு ஸ்டாலின் அளித்த பதில்!

தனிமைப்படுத்திக் கொண்டுள்ள காரணத்தால், தனது தஜிகிஸ்தான் பயணத்தையும் புடின் ரத்து செய்துள்ளார். அந்நாட்டு அதிபரை தொடர்பு கொண்டு தான் தனிமைப்படுத்திக் கொண்டதால் பயணத்தை திட்டமிட்டபடி மேற்கொள்ள முடியவில்லை என்று புடின் தெரிவித்து விட்டதாகவும் அதிபர் மாளிகை தகவல் அளித்துள்ளது.



Source link

Share on Social Media

Leave a Reply

Your email address will not be published. Required fields are marked *