Share on Social Media


சட்டமன்றத் தேர்தலில் தவிர்க்க முடியாத சக்தியாக இருப்பார் என எதிர்பார்க்கப்பட்ட நிலையில் மார்ச் மாதம் அரசியலிலிருந்து ஒதுங்கியிருக்கப் போகிறேன் என அறிவித்தார் சசிகலா. தேர்தல் முடிவுகள் அதிமுகவுக்கு எதிராக வந்துள்ள நிலையில் அதிமுக, அமமுக தொண்டர்கள், நிர்வாகிகளை அலைபேசியில் அழைத்து நலம் விசாரித்து அரசியலில் மீண்டும் களமிறங்கப் போவதாக கூறி வருகிறார்.

கொரோனா குறைந்து வரும் நிலையில் பல்வேறு தளர்வுகள் அறிவிக்கப்பட்டுள்ளன. தற்போதுள்ள தளர்வுகள் 19ஆம் தேதி காலை வரை அமலில் இருக்கும் நிலையில் அடுத்தக்கட்ட ஊரடங்கு குறித்து தமிழ்நாடு அரசு அறிவிக்க உள்ளது. இந்த சூழலில் அடுத்த வாரம் ஜெ நினைவிடம் சென்று வணங்கிவிட்டு தமிழ்நாடு முழுவதும் சுற்றுப் பயணம் மேற்கொள்ளவுள்ளார் சசிகலா.
சசிகலா என்ட்ரி, தொண்டர்கள் எக்ஸிட்: அப்போ எடப்பாடி எஸ்கேப்பா?
எப்போது செல்வார் என்பது உறுதியாகாமல் இருந்த நிலையில் ஜூலை 23ஆம் தேதி அவர் நினைவிடம் செல்லவுள்ளதாக அவரது ஆதரவாளர்கள் கூறுகின்றனர். அதன்பின்னர் சசிகலா மேற்கொள்ளும் சுற்றுப் பயணத்துக்கு என்ன மாதிரியான வரவேற்பு கிடைக்கும் என விசாரித்தோம்.

ஜெயலலிதாவின் உண்மையானத் தொண்டர்கள் சசிகலாவின் வருகையை எதிர்பார்த்திருப்பதாகவும், அதன் பின்னர் அதிமுகவில் பெரிய மாற்றங்கள் நிகழும் என்றும் சசிகலா ஆதரவாளர்கள் கூறுகின்றனர்.

நடிகர் விஜய்க்கு சீமான் ஆதரவு!

அதிமுகவிலோ வேறு மாதிரி கூறுகிறார்கள். “சசிகலா தான் விடுதலையானதும் பெரிய மாற்றங்கள் நிகழும் என்று எதிர்பார்த்தார். அமமுக டிடிவி தினகரனும் அப்படி ஒரு அதிசயம் நிகழும் என எண்ணினார். ஆனால் அவர்கள் எதிர்பார்த்தபடி அதிமுகவிலிருந்து ஒருவர்கூட சென்று சசிகலாவை சந்திக்கவில்லை. தேர்தலுக்கு முன்னரும் அதுதான் நிலைமை, தேர்தலில் தோற்று எதிர்கட்சி வரிசையில் அமர்ந்த போதும் அதுதான் நிலைமை. இது அவர் சுற்றுப் பயணம் மேற்கொள்வதால் மட்டும் மாறிவிடாது.

அம்மா நினைவிடத்துக்கு செல்வதை ஏதோ செவ்வாய் கிரகத்துக்கு செல்வதுபோல் பில்டப் செய்து வருகிறார். சிறையிலிருந்து வெளியே வந்து ஆறு மாதங்களாகப் போகிறது. இப்போதுவரை ஏன் அவர் அங்கு செல்லவில்லை? வந்தபோது பராமரிப்பு பணிகள் நடந்துகொண்டிருந்தன. அதன்பின்னர் பொதுமக்கள் வருகைக்காக திறந்துவிடப்பட்டுவிட்டது. தேர்தல் சமயத்தில் அமமுக முக்கிய பிரமுகர்கள் போட்டியிடும் தொகுதிகளில் உள்ள கோயில்களுக்கு சென்று வழிபாடு நடத்தி கவனத்தை தன்பக்கம் திருப்ப முயன்றார். ஆனால் அப்போதும் யாரும் அவரை கண்டுகொள்ளவில்லை. அதே நிலைமை தான் இப்போது அவர் சுற்றுப் பயணம் மேற்கொண்டாலும் நடைபெறும்.
tamil samayam Tamil News Spotஸ்டாலின் ஓடிச் சென்று சந்தித்தது இதற்கு தானா? விஜயகாந்த் ரியாக்‌ஷன் என்ன?
ஊர் ஊராக அப்போது சென்றவர் ஏன் அம்மா நினைவிடத்துக்கு செல்லவில்லை? உண்மையில் அவர் அங்கு சென்று அஞ்சலி செலுத்த நினைக்கவில்லை. மாறாக ஒரு பரபரப்பை உண்டுபண்ணலாம் என்றே காத்திருந்து செல்கிறார். அம்மா மீது உண்மையான அன்பு இருந்தால் எப்போதோ சென்று அஞ்சலி செலுத்தியிருப்பார்” என்று கூறுகிறார்கள்.



Thanks for the source

Share on Social Media

Leave a Reply

Your email address will not be published. Required fields are marked *