Share on Social Media


ஹைலைட்ஸ்:

  • விவேக்கின் உடல் தகனம் செய்யப்பட்டது
  • இளைய மகள் தேஜஸ்வினி இறுதிச் சடங்கு செய்தார்
  • மயானத்தில் குவிந்த ஆயிர்க்கணக்கான ரசிகர்கள்

விவேக்கிற்கு நேற்று காலை மாரடைப்பு ஏற்பட்டு மருத்துவமனையில் அனுமதிக்கப்பட்டார். இந்நிலையில் அவர் சிகிச்சை பலனின்றி இன்று காலை உயிரிழந்தார். அவரின் திடீர் மரணத்தால் திரையுலகினரும், ரசிகர்களும் அதிர்ச்சி அடைந்தனர்.

விவேக்கின் உடல் பொதுமக்கள் அஞ்சலிக்காக அவரின் வீட்டில் வைக்கப்பட்டது. சூர்யா, விக்ரம், கார்த்தி, ஜோதிகா, த்ரிஷா, பரத், உதயநிதி ஸ்டாலின், கார்த்திக் சுப்புராஜ், லோகேஷ் கனகராஜ், ஏ.எல். விஜய், அர்ஜுன் என திரையுலகை சேர்ந்த பலர் விவேக்கின் உடலுக்கு அஞ்சலி செலுத்தினார்கள்.

விவேக்கின் இறுதிச்சடங்கு காவல்துறை மரியாதையுடன் நடக்கும் என்று தமிழக அரசு அறிவிப்பு வெளியிட்டது. விவேக்கின் இறுதி ஊர்வலம் சென்ற வழி நெடுகிலும் மக்கள் கூட்டமாக இருந்தது. வீட்டு மாடிகளில் இருந்து விவேக்கின் இறுதி ஊர்வலத்தில் மக்கள் மலர் தூவினார்கள்.

விவேக்கின் உடல் விருகம்பாக்கத்தில் இருக்கும் மின் மயானத்திற்கு கொண்டு வரப்பட்டது. மின் மயான பகுதியில் ஆயிரக்கணக்கானோர் கூடினார்கள். மயானக் கதவை தள்ளிக் கொண்டு ரசிகர்கள் உள்ளே நுழைந்தனர். அவர்களை வெளியேற்றிவிட்டு உடலை மயானத்திற்குள் கொண்டு வந்தனர். அவரின் உடலுக்கு இளைய மகள் தேஜஸ்வினி இறுதிச் சடங்கு செய்தார்.

78 குண்டுகள் முழங்க விவேக்கின் உடல் தகனம் செய்யப்பட்டது.

விவேக்கின் நிறைவேறாத ஆசை: நிறைவேற்றி வைக்கப் போகும் அதிகாரி

இறுதி ஊர்வலம் சென்ற பாதையில் பலர் மரக்கன்றுகளுடன் நின்று அஞ்சலி செலுத்தினார்கள். தன் வாழ்நாளில் லட்சக் கணக்கான மரக்கன்றுகளை நட்ட விவேக் மற்றவர்களையும் அவ்வாறு செய்யுமாறு ஊக்குவித்து வந்தார். தமிழக சட்டசபை தேர்தல் முடிந்த பிறகு, கொரோனா இரண்டாம் அலை சற்று ஓய்ந்த பிறகு திருப்பத்தூரில் இருக்கும் கல்லூரி ஒன்றில் 5 ஆயிரம் மரக்கன்றுகளை நட்டு வைக்க திட்டமிட்டிருந்தார் விவேக் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *