Share on Social Media


ஹைலைட்ஸ்:

  • விவேக் மாரடைப்பால் மருத்துவமனையில் அனுமதி
  • விவேக்கிற்கு தீவிர சிகிச்சை அளித்து வரும் மருத்துவர்கள்
  • விவேக்கிற்காக பிரபலங்கள், ரசிகர்கள் பிரார்த்தனை

தன் படங்கள் மூலம் நம்மை எல்லாம் சிரிக்க வைப்பதுடன், சிந்திக்கவும் வைப்பவர் விவேக். அதனால் தான் அவரை சின்ன கலைவாணர் என்று அழைக்கிறார்கள். படங்களில் நடிப்பதோடு மட்டும் அல்லாமல் மரக்கன்று நடுவதில் அதிக ஆர்வம் கொண்டவர் விவேக்.

யாராவது ஒரு மரக்கன்றை நட்டு வைத்தால் கூட அதை பார்த்து சந்தோஷப்படுபவர். தான் நட்டு வைத்த கன்றுகள் இன்று மரமாகியிருப்பதை எல்லாம் புகைப்படம் எடுத்து சமூக வலைதளங்களில் வெளியிட்டு மக்களை ஊக்குவித்து வருகிறார். சமூக அக்கறை கொண்ட விவேக் நேற்று கொரோனா தடுப்பூசி போட்டுக் கொண்டார். மற்றவர்களையும் தடுப்பூசி போடுமாறு அறிவுரை வழங்கினார்.
Vivek: விவேக் மாரடைப்பால் மருத்துவமனையில் அனுமதி: ரசிகர்கள் அதிர்ச்சிஇந்நிலையில் அவருக்கு இன்று மாரடைப்பு ஏற்பட்டு சென்னையில் இருக்கும் தனியார் மருத்துவமனையில் அனுமதிக்கப்பட்டுள்ளார். தீவிர சிகிச்சை பிரிவில் இருக்கும் விவேக்கிற்கு எக்மோ சிகிச்சை அளிக்கப்பட்டு வருகிறது.

விவேக் குறித்து அறிந்தவர்கள் அவருக்காக பிரார்த்தனை செய்து கொண்டிருக்கிறார்கள். நேற்று தடுப்பூசி போட்ட மனிதருக்கு இன்று இப்படி ஆகிவிட்டதே என்று தான் ரசிகர்கள் கூறுகிறார்கள். விவேக் விரைவில் குணமாக வேண்டும் என்று பலரும் ட்விட்டரில் பேசிக் கொண்டிருப்பதால் #Vivek, Get Well Soon Sir ஆகிய ஹேஷ்டேகுகள் தேசிய அளவில் டிரெண்டாகிக் கொண்டிருக்கிறது.

இந்நிலையில் அமைச்சர் விஜயபாஸ்கர் ட்விட்டரில் கூறியிருப்பதாவது,
நடிகர் விவேக்கிற்கு மாரடைப்பு என்று கேள்விப்பட்டு வருத்தம் அடைந்தேன். அவருக்காக பிரார்த்தனை செய்கிறேன். நான் sims டைரக்டர்களுடன் பேசினேன். அவருக்கு சிகிச்சை அளித்து வரும் மருத்துவக் குழுவுடன் டச்சில் இருக்கிறேன். விரைவில் குணமாகுங்கள் விவேக் என்று தெரிவித்துள்ளார்.

விவேக்கின் ஒரே மகனான பிரசன்னா டெங்கு மற்றும் மூளைக் காய்ச்சல் காரணமாக கடந்த 2016ம் ஆண்டு உயிரிழந்தார். 13 வயது மகனை பறிகொடுத்த விவேக் கவலையில் ஆழ்ந்தார். அதன் பிறகு கடந்த 2019ம் ஆண்டு ஜூலை மாதம் தாயை இழந்தார் விவேக்.

எல்லோரும் நன்றாக இருக்க வேண்டும் என்று நினைக்கும் விவேக் நல்லபடியாக வீடு திரும்ப வேண்டும் கடவுளே என்று தான் ரசிகர்கள் பிரார்த்தனை செய்து கொண்டிருக்கிறார்கள்.

விவேக் மருத்துவமனையில் அனுமதிக்கப்பட்டிருப்பது அதிர்ச்சியளிப்பதாக குஷ்பு, சரத்குமார் உள்ளிட்டோர் ட்வீட் செய்துள்ளனர்.



Source link

Share on Social Media

Leave a Reply

Your email address will not be published. Required fields are marked *