Share on Social Media


ஹைலைட்ஸ்:

  • விவேக் உடல்நிலை குறித்து மருத்துவர்கள் விளக்கம்
  • கோவிட் தடுப்பூசிக்கும், மாரடைப்புக்கும் தொடர்பு இல்லை- ராதாகிருஷ்ணன் ஐஏஎஸ்
  • எக்மோ சப்போர்ட்டில் இருக்கிறார் விவேக்

நகைச்சுவை நடிகர் விவேக்கிற்கு மாரடைப்பு ஏற்பட்டு சென்னை வட பழனியில் இருக்கும் SIMS மருத்துவமனையில் அனுமதிக்கப்பட்டுள்ளார். நேற்று தான் விவேக் கொரோனா தடுப்பூசி எடுத்துக் கொண்டார்.

அதனால் தான் அவருக்கு மாரடைப்பு ஏற்பட்டதாக பலரும் பேசுகிறார்கள். இந்நிலையில் விவேக்கின் உடல்நலம் குறித்து மருத்துவமனை நிர்வாகம் செய்தியாளர்கள் சந்திப்புக்கு ஏற்பாடு செய்தது. அந்த சந்திப்பில் சுகாராதத்துறை செயலாளரான டாக்டர் ஜே. ராதாகிருஷ்ணன் கலந்து கொண்டார்.
கொரோனா தடுப்பூசி போட்டதால் தான் விவேக்கிற்கு மாரடைப்பா?: மருத்துவமனை விளக்கம்அந்த சந்திப்பில் மருத்துவர் கூறியதாவது,

சுயநினைவில்லாமல் மருத்துவமனைக்கு கொண்டு வரப்பட்டார் விவேக். அவருக்கு ஆஞ்சியோகிராம் செய்து, ஆஞ்சியோபிளாஸ்டி செய்து, எக்மோ சப்போர்ட்டில் இருக்கிறார். சுயநினைவில்லாமல் மருத்துவமனைக்கு கொண்டு வரப்பட்டார்.

தற்போது அவரின் நிலைமை கவலைக்கிடமாக இருக்கிறது. 24 மணிநேரம் கழித்து தான் முன்னேற்றம் குறித்து தெரிவிக்க முடியும். அவரின் பிபி தற்போது சீராக இருக்கிறது. விவேக்கிற்கு ஏற்பட்ட பாதிப்புக்கும், கோவிட் தடுப்பூசி போட்டதற்கும் தொடர்பு இல்லை.

இந்த மருத்துவமனையில் 21 ஆயிரம் பேருக்கு தடுப்பூசி போட்டிருக்கிறோம். யாருக்கும் மாரடைப்பு ஏற்படவில்லை. விவேக்கிற்கு இதய பிரச்சனை தவிர வேறு எந்த பிரச்சனையும் இல்லை என்றார்.

ராதாகிருஷ்ணன் கூறியதாவது,

நல்லெண்ணத்தில் தான் விவேக் சார் தடுப்பூசி போட்டுக் கொண்டார். அவரின் சிரித்த முகம் தான் நினைவுக்கு வருகிறது. நான் மன வேதனையில் இருக்கிறேன். விவேக்கிற்கு கோவிட்டுக்கான அறிகுறி எதுவும் இல்லை. இது தடுப்பூசி பற்றி பேச வேண்டிய நேரம் இல்லை. விவேக் இதய நோயில் இருந்து குணமடைய வேண்டும் என்று தான் வந்திருக்கிறோம் என்றார்.



Source link

Share on Social Media

Leave a Reply

Your email address will not be published. Required fields are marked *