Share on Social Media


வைட்டமின் டி ஊட்டச்சத்தை நாம் சூரிய ஒளியின் வழியாகவே பெறுகிறோம். ஆனால் ஊட்டி போன்ற மலைப்பகுதிகளில் சூரிய ஒளி அரிதாகவே கிடைக்கிறது. மேலும் குளிர்காலங்களில் நம்மால் அதிகமாக சூரிய ஒளியைப் பெற முடிவதில்லை. எனவே இந்த சமயங்களில் நாம் வைட்டமின் டியை உணவின் வழியாக பெற வேண்டி உள்ளது.

வைட்டமின் டி நமது வளர்ச்சிக்கு உதவும் முக்கியமான ஊட்டச்சத்தாக உள்ளது. இது சரியான அளவில் கிடைக்காதபோது அதனால் நாம் பல உடல் நலப் பாதிப்புகளை சந்திக்கக்கூடும். எனவே உடலுக்கு நன்மை பயக்கும் சில வைட்டமின் டி உணவுகளை இப்போது பார்க்கலாம்.

​சோயா, பாதாம், ஓட்ஸ் பால்

பொதுவாக நாம் விலங்கு வழியாக கிடைக்கும் மாட்டு பால் போன்ற பால் வகைகளை பயன்படுத்துகிறோம். ஆனால் தாவரங்களிலிருந்தும் பால் கிடைக்கிறது. சோயா, தேங்காய், பாதாம், ஓட்ஸ் போன்றவற்றிலிருந்து நம்மால் பால் தயாரிக்க முடியும். இந்த பால்கள் செறிவூட்டப்பட்டவை என்பதால் உங்கள் உணவில் வைட்டமின்களை சேர்த்துக்கொள்ள இவை சிறந்த தேர்வாக உள்ளன. எனவே மழைக்காலங்களில் சாதரண பாலை அருந்துவதற்குப் பதிலாக தாவர அடிப்படையிலான பாலை உபயோகிக்கலாம்.

​ஆரஞ்சு ஜூஸ்

samayam tamil Tamil News Spot

அனைத்து ஆரஞ்சு பழச்சாறுகளும் வைட்டமின் டி உடன் செறிவூட்டப்படுவதில்லை. எனவே நீங்கள் ஆரஞ்சு பழச்சாறுகளை வாங்கும்போது அதன் லேபிளில் வைட்டமின் டி யின் அளவை பார்க்க வேண்டும். கம்பெனியை பொறுத்து வைட்டமின் டியின் உள்ளடக்கம் மாறுபடலாம். ஆனால் பொதுவாக 250 மிலி ஆரஞ்சு சாறில் 2.5 எம்.சி.ஜி வைட்டமின் டி இருக்கும் என எதிர்பார்க்கலாம்.

அல்சரை குணப்படுத்தும் வெண்பூசணி… எப்படி சாப்பிட வேண்டும்?

​கானாங்கெளுத்தி

samayam tamil Tamil News Spot

மீன் உணவுகள் வைட்டமின் டி யின் முதன்மை ஆதாரமாக இருக்கின்றன. ஏனெனில் அவை கல்லீரல் மற்றும் கொழுப்பு திசுக்களில் அதிகமான அளவில் வைட்டமின் டியை சேர்த்து வைக்கின்றன. ஒவ்வொரு 100 கிராம் கானாங்கெளுத்தியிலும் 13.8 எம்.சி.ஜி வைட்டமின் டி உள்ளது. தினசரி தேவையான அளவை விட இது அதிகமான அளவாகும். எனவே தினசரி கானாங்கெளுத்தியை உண்பதன் மூலம் உடலுக்குத் தேவையான வைட்டமின் டியை பெற முடியும்.

​முட்டை

samayam tamil Tamil News Spot

முட்டையில் வைட்டமின் டி ஆனது 1 எம்.சி.ஜி அளவில்தான் உள்ளது, இருப்பினும் கோழிகள் பெறும் சூரிய ஒளி மற்றும் அவை உண்ணும் தீவனத்தை பொறுத்து முட்டையின் வைட்டமின் டி அளவும் மாறுபடும். அதிகபட்சம் வைட்டமின் டி சத்துக்கள் முட்டையின் மஞ்சள் கருவில் இருப்பதால் அவற்றை முழுவதுமாக சாப்பிட வேண்டும். முடிந்த அளவு வெளியில் வளர்க்கப்படும் கோழிகளின் முட்டையை பயன்படுத்தவும். பண்ணை முட்டையை விட இவை ஆரோக்கியமானவை

இதெல்லாம்கூட மாரடைப்போட அறிகுறிதானாம்… கவனமா இருங்க…

​ஹார்ட் லிவர் எண்ணெய்

samayam tamil Tamil News Spot

நீங்கள் சைவ உணவு சாப்பிடுபவராக இருந்தால் உங்களால் மீன் சாப்பிட முடியாது. அப்போது நீங்கள் காட் லிவர் ஆயிலை பயன்படுத்தலாம். ஒரு ஸ்பூன் ஆயிலில் 11.25 எம்.சி.ஜி வைட்டமின் டி உள்ளது. இவை மாத்திரையாகக் கிடைக்கின்றன. தினமும் இதில் ஒரு மாத்திரை எடுத்துக்கொள்ளலாம். உங்களுக்கு தினசரி தேவையான வைட்டமின் டி அளவில் இது 90 சதவீதத்தைப் பூர்த்தி செய்கிறது. ஆனால் இந்த எண்ணெயை நீங்கள் அதிகமாக எடுத்துக்கொள்ளக்கூடாது.

​காளான்

samayam tamil Tamil News Spot

தாவர அடிப்படையிலான வைட்டமின் டி உணவுகளில் காளான் முக்கியமான உணவாகும். 100 கிராம் காளானில் 0.2 எம்.சி.ஜி வைட்டமின் டி உள்ளது. மனிதர்களை போலவே இவையும் சூரிய ஒளியிலிருந்து வைட்டமின் டியை உற்பத்தி செய்கின்றன. மேலும் இவை வைட்டமின் டி3 ஐ விட டி2 வை அதிகமாக உற்பத்தி செய்கின்றன. வாங்கும்போது பாக்கெட்டில் வைட்டமின் டி செறிவூட்டப்பட்டது என போடப்பட்டுள்ள காளான்களை வாங்குங்கள்.

ரோஜா மொட்டுகளை கீழ தூக்கி வீசாதீங்க… அதுல டீ போட்டு குடிங்க… இந்த பிரச்சினைகளெல்லாம் சரியாகும்…

​மத்தி

samayam tamil Tamil News Spot

ஒவ்வொரு 100 கிராம் மத்தி மீனிலும் 4.8 எம்.சி.ஜி வைட்டமின் டி உள்ளது. மேலும் இவை ஒமேகா 3 கொழுப்பு அமிலங்கள், புரதம் மற்றும் வைட்டமின் டி ஆகியவற்றை கொண்டுள்ளன. எனவே மத்தி மீனை உணவில் சேர்த்துக்கொள்வதன் மூலம் உடலுக்கு தேவையான அடிப்படை சத்துக்களை பெற முடியும்.

​வலுவூட்டப்பட்ட தானியங்கள்

samayam tamil Tamil News Spot

பல தானியங்கள் வைட்டமின் டியுடன் வலுவூட்டப்பட்டுள்ளன. இருப்பினும் இந்த தானியங்களை வாங்கும்போது வைட்டமின் டியின் அளவை ஒப்பிட்டுப்பார்த்துக்கொள்ளவும். இந்த தானியங்கள் பொதுவாக இரும்பு மற்றும் வைட்டமின் பி 12 போன்ற பிற ஊட்டச்சத்துக்கள் கொண்டு பலப்படுத்தப்பட்டுள்ளன. எனவே தாவர அடிப்படையிலான உணவை உண்பவர்களுக்கு இது பயனுள்ளதாக இருக்கும்.

பாப்கார்ன் மட்டும் எப்படி உலகம் முழுக்க எல்லாருக்கும் பிடிச்ச ஸ்நாக்ஸா இருக்குனு தெரியுமா?… இந்த 4 விஷயம்தான் காரணமாம்…

​சால்மன்

samayam tamil Tamil News Spot

சால்மன் அதிக ஊட்டச்சத்துக்களைக் கொண்ட மீன் ஆகும். ஒவ்வொரு 100 கிராம் சால்மன் மீனிலும் 10.9 எம்.சி.ஜி வைட்டமின் டி உள்ளது. எனவே வைட்டமின் டியை பெறுவதற்கு சரியான ஆதாரமாக சால்மன் உள்ளது. மேலும் நமது இதயம், மூளை மற்றும் தைராய்டு ஆகியவற்றின் ஆரோக்கியத்தை பாதுகாக்கவும் இது உதவுகிறது.

வாழைப்பழ டயட் நிஜமாவே எடையை குறைக்குமா?… எத்தனை நாள் வரை இருக்கணும்…

​மாட்டிறைச்சியின் கல்லீரல்

samayam tamil Tamil News Spot

மாட்டிறைச்சியின் கல்லீரலில் 1.2 எம்.சி.ஜி அளவில் வைட்டமின் டி உள்ளது. மேலும் வைட்டமின் பி12, வைட்டமின் ஏ, இரும்பு, தாமிரம், கோலின், ரிபோஃப்ளேவின் மற்றும் ஃபோலேட் ஆகியவையும் இதில் உள்ளன. ஆனால் இந்த கல்லீரலில் கொழுப்புகள் அதிகமாக இருப்பதால் இதை அடிக்கடி உண்பதை தவிர்க்கவும்.



Source link

Share on Social Media

Leave a Reply

Your email address will not be published. Required fields are marked *