Share on Social Media


ஹைலைட்ஸ்:

  • பிஎஸ்பிபி பள்ளி விவகாரம் குறித்து நடிகர் விஷால் ட்விட்.
  • பிஎஸ்பிபி பள்ளியை மூட வேண்டுமென கூறிய விஷால்.
  • விஷால் மீது காயத்ரி ரகுராம் பாலியல் குற்றச்சாட்டு.

சென்னை கே.கே. நகரில் செயல்பட்டு வரும் பத்ம சேஷாத்ரி பாலபவன் பள்ளியில் வேலை செய்து வரும் ராஜகோபாலன் எனும் ஆசிரியர் அங்கு பயிலும் மாணவிகளுக்கு பாலியல் தொல்லை கொடுத்து வருவதாக சமூக வலைத்தளங்களில் புகார் எழுந்ததது. இதனையடுத்து சமூக வலைத்தளங்களில் பலரும் இந்த சம்பவத்திற்கு எதிராக குரல் கொடுத்தனர். அந்த வரிசையில் நடிகர் விஷாலும் தனது ட்விட்டர் பக்கத்தில், மாணவிகளுக்குத் தொல்லை கொடுத்த நபர் கடுமையாக தண்டிக்கப்பட வேண்டும் என்று தெரிவித்திருந்தார்.

அவருடைய பதிவில், பிஎஸ்பிபி பள்ளியைச் சேர்ந்த ஆசிரியர் செய்த பாலியல் தொல்லை என்னைக் குறுகச் செய்கிறது. அந்தப் பள்ளி மூடப்பட வேண்டும் என்பதை உணர வைத்தது. இதை ஒரு சாதிப் பிரச்சினையாக மக்கள் மாற்றுவது வெட்கக்கேடானது. மாணவிகளுக்குத் தொல்லை கொடுத்த நபர் தூக்கிலிடப்பட வேண்டும். அப்போதுதான் இதுபோன்ற குற்றங்களுக்கு உடனடி தண்டனை கிடைக்கும் என்பது இனிவரும் காலங்களில் ஆசிரியர்களுக்கும், பெற்றோர்களுக்கும் தெரியும். குறைந்தது இப்போதாவது மாணவர்களிடம், பெற்றோரிடம் மன்னிப்பு கோருங்கள். இதைச் சாதிப் பிரச்சினையாக மாற்றாதீர்கள் என தெரிவித்திருந்தார்.

இந்நிலையில் நடிகர் விஷால் மீது பாஜக நிர்வாகி காயத்ரி ரகுராம் பரபரப்பு பாலியல் குற்றச்சாட்டை சுமத்தியுள்ளார். அவர் தனது ட்விட்டர் பதிவில், சினிமா துறையில் இருக்கும் விஷால் அவர்களே முதலில் அந்த துறையில் உள்ள பாலியல் துன்புறுத்தல் செய்பவர்களை கண்டியுங்கள். புதிதாக சினிமா வாய்ப்பு தேடி வரும் பெண்களுக்கு என்ன நடக்கிறது என்பதை பாருங்கள். முன்னணி நடிகைகளுக்கு நடக்கும் பாலியல் துன்புறுத்தல்களை கவனியுங்கள்.

என் உண்மையை யாரும் உரசிப் பார்க்கத் தேவையில்லை.. வைரமுத்து ஆவேசம்!
நீங்களும் உங்கள் நண்பர்களும் இது போல் எத்தனை பெண்களை பயன்படுத்திவிட்டு தூக்கி எறிந்திருப்பீர்கள். உங்களை போன்றோர்களால் நிறைய பெண்கள் பாதிக்கப்பட்டுள்ளார்கள். சினிமா துறையில் பாலியல் புகார்களை கூறும் பெண்கள் உங்கள் உதவியை நாடும் போது உங்கள் ஹீரோயிசத்தை அங்கே காட்டுங்கள்.

உண்மையை சொல்ல போனால், உங்களுடைய தொடர் அணுகுமுறையால் உங்களிடம் இருந்து முன்னணி நடிகைகள் ஓட்டம் பிடிக்கிறார்கள். அதை தெரிந்து கொள்ளுங்கள் என பதிவிட்டுள்ளார். அவரின் இந்த ட்விட்டர் பதிவு தற்போது வைரலாகி வருகிறது. பிஎஸ்பிபி பள்ளியில் மாணவிகளுக்கு எதிராக நடந்த பாலியல் குற்றங்களை மடை மாற்றுவதற்காகவே காயத்ரி ரகுராம் இந்த ட்விட்டை போட்டுள்ளதாகவும் சிலர் குற்றம் சாட்டி வருகின்றனர்.



Source link

Share on Social Media

Leave a Reply

Your email address will not be published. Required fields are marked *