Share on Social Media


முத்தையா இயக்கத்தில் கடந்த 2015 ஆம் ஆண்டு கார்த்தி நடிப்பில் வெளியான ‘கொம்பன்’ ரசிகர்கள் மத்தியில் நல்ல வரவேற்பை பெற்றிருந்தது. அதனை தொடர்ந்து தற்போது ஆறு ஆண்டுகள் கழித்து ‘விருமன்‘ படத்தின் மூலம் இருவரும் இணைந்துள்ளனர்.

சூர்யாவின் 2D எண்டர்டெயின்மென்ட் நிறுவனம் தயாரிக்கும் இந்தப்படத்தில் ராஜ்கிரண், பிரகாஷ்ராஜ், சூரி மற்றும் பலர் நடிக்கின்றார்கள். கொம்பன் படம் போலவே இப்படமும் கிராமத்து பின்னணியில், உறவுகளின் கதையை சொல்லும் குடும்ப படமாக உருவாகவுள்ளது. யுவன் சங்கர் ராஜா இசையமைக்கும் இப்படத்திற்கு S.K.செல்வகுமார் ஒளிப்பதிவு செய்கிறார்.

‘விருமன்’ படத்தின் மூலம் கதாநாயகியாக அறிமுகமாகிறார் இயக்குனர் ஷங்கரின் மகள் அதிதி. பொதுவாக இயக்குநர் முத்தையா படங்களில் பெண் கதாப்பாத்திரங்கள் அழுத்தமிக்க வீரம் கொண்ட கதாபாத்திரமாக இருக்கும். அதே போல், தனது முதல் படத்திலேயே கனமான பாத்திரத்தில் நடித்துள்ளார் அதிதி ஷங்கர்.

ரசிகர்களுக்கு அறிவுரை வழங்கிய சன்னி லியோன்: இணையத்தை கலக்கும் வீடியோ!
‘விருமன்’ படப்பிடிப்பு கடந்த சில மாதங்களாக மதுரை, தேனி மற்றும் அதன் சுற்றுப்புற பகுதிகளில் நடைபெற்றது. இந்நிலையில் ‘விருமன்’ படப்பிடிப்பு முழுமையாக நிறைவடைந்துள்ளதாக அதிதி ஷங்கர் தனது சமூக வலைத்தள பக்கத்தில் தெரிவித்துள்ளார். மேலும் படப்பிடிப்பு முடிவடைந்த தினத்தில் எடுக்கப்பட்ட குரூப் போட்டோவையும் பகிர்ந்துள்ளார்.

மேலும் ’விருமன்’ படத்தின் மூலம் தனது நீண்டநாள் கனவு நிறைவேறி இருப்பதாகவும் ’விருமன்’ படத்தின் குழுவினர்களை மிஸ் செய்வதாகவும், அனைவரும் எனது இதயத்திற்கு மிகவும் நெருக்கமானவர்களாக மாறி உள்ளதாகவும் தனது பதிவில் குறிப்பிட்டுள்ளார் அதிதி ஷங்கர். அவரின் இந்த பதிவு தற்போது இணையத்தில் வைரலாகி வருகிறது.

சூர்யாவுக்கு ஏற்பட்ட சிரமத்துக்கு வருந்துகிறேன் ; இயக்குனர் வருத்தம்!



Source link

Share on Social Media

Leave a Reply

Your email address will not be published.