Share on Social Media


முத்தையா இயக்கத்தில் கடந்த 2015 ஆம் ஆண்டு கார்த்தி நடிப்பில் வெளியான ‘கொம்பன்’ ரசிகர்கள் மத்தியில் நல்ல வரவேற்பை பெற்றிருந்தது. அதனை தொடர்ந்து தற்போது ஆறு ஆண்டுகள் கழித்து ‘விருமன்‘ படத்தின் மூலம் இருவரும் இணைந்துள்ளனர். விறுவிறுப்பாக நடைபெற்று வரும் இந்தப்படத்தின் படப்பிடிப்பு தளத்தில் நடிகர் கார்த்தி எடுத்து கொண்ட புகைப்படம் இணையத்தில் வைரலாகி வருகிறது.

சூர்யாவின் 2D எண்டர்டெயின்மென்ட் நிறுவனம் தயாரிக்கும் இந்தப்படத்தில் ராஜ்கிரண், பிரகாஷ்ராஜ், சூரி மற்றும் பலர் நடிக்கின்றார்கள். கொம்பன் படம் போலவே இப்படமும் கிராமத்து பின்னணியில், உறவுகளின் கதையை சொல்லும் குடும்ப படமாக உருவாகவுள்ளது. யுவன் சங்கர் ராஜா இசையமைக்கும் இப்படத்திற்கு S.K.செல்வகுமார் ஒளிப்பதிவு செய்கிறார்.

பொதுவாக இயக்குநர் முத்தையா படங்களில் பெண் கதாப்பாத்திரங்கள் அழுத்தமிக்க.. வீரம் கொண்ட கதாபாத்திரமாக இருக்கும். அதே போல், தனது முதல் படத்திலேயே கனமான பாத்திரத்தில் நடிக்கவுள்ளார் அதிதி ஷங்கர். முன்னணி இயக்குநர் ஷங்கரின் மகள் என்பதால், இப்போதே இந்தப்படத்தில் அதிதியின் கதாபாத்திரம் குறித்து ரசிகர்கள் மத்தியில் எதிர்பார்ப்பு ஏற்பட்டுள்ளது.

மருத்துவமனையில் இருந்து வீடு திரும்பினாரா கமல்?: மக்கள் நீதி மய்யம் விளக்கம்!
‘விருமன்’ படத்தின் படப்பிடிப்பு மதுரை, தேனி மாவட்டங்களில் நடைபெற்று வருகிறது. இந்நிலையில் தேனி மாவட்டம் பகுதிகளில் படப்பிடிப்பின் நடுவே நடிகர் கார்த்தி யை ரசிகர்கள் சந்தித்தனர். அப்போது எடுக்கப்பட்ட புகைப்படம் தற்போது இணையத்தில் வைரலாகி வருகிறது. ஹீரோ வீடு போல செட் அமைத்து தற்போது படப்பிடிப்பு நடத்தி வருகின்றனர்.



Source link

Share on Social Media

Leave a Reply

Your email address will not be published. Required fields are marked *