Share on Social Media


ஹைலைட்ஸ்:

  • உங்களது இழப்புக்கு வருந்துகிறேன் என்ற கார்டை அந்தப் பெண் கொடுத்தார்.
  • மேலதிகாரி தொடர்ந்து டார்ச்சர் கொடுத்தால் இப்படி நக்கலாக ராஜினாமா செய்தார்.
  • அப்பெண்ணின் நக்கலால் மேலதிகாரி முகம் இறுகிப் போய் விட்டதாம்.


மேலதிகாரியால் “இல் ட்ரீட்” செய்யப்பட்டு வந்த ஒரு பெண் கடுப்பாகி ராஜினாமா செய்து விட்டார். ஆனால் அவர் அதற்காக கொடுத்த ராஜினாமா கடிதம்தான் வைரலாகியுள்ளது.

அந்தப் பெண்ணின் பெயர் ஆம்பர். எலக்ட்ரீசியனாக ஒரு நிறுவனத்தில் வேலை பார்த்து வந்தார். அவரது மேலதிகாரி அவரை அடிக்கடி மட்டம் தட்டுவதும், திட்டுவதும், இளக்காரமாக நடத்துவதுமாக இருந்துள்ளார். பொறுத்துப் பார்த்த ஆம்பர் கடுப்பாகி ராஜினாமா செய்து விட்டார்.

தனது மேலதிகாரிக்கு அவர் அனுப்பிய கடிதத்தில், “Sorry for your loss” என்று நக்கலாக அவர் குறிப்பிட்டிருந்ததுதான் இப்போது சமூக வலைதளங்களில் வைரலாகி விட்டது. அதையும் கூட துக்கம் அனுசரிக்க கொடுக்கப்படும் கார்டு இருக்கு இல்லையா, அந்த கார்டை வாங்கி அதை பாஸுக்கு அனுப்பி வைத்துள்ளார் இந்த குறும்புக்கார பெண். யாராவது இறந்தால்தான் இந்த கார்டை அனுப்புவார்கள். ஆனால் இப்பெண்ணோ தனது பாஸுக்கு அனுப்பி வைத்து அவரை கலாய்த்துள்ளார்.

வேலையை ராஜினாமா செய்யும்போது விதம் விதமான உணர்வுகளை பலரும் வெளிப்படுத்துவது வழக்கம். பலர் அமைதியாக கிளம்பிப் போய் விடுவார்கள். சிலர் கோபத்தைக் காட்டி விட்டுப் போவார்கள். இன்னும் சிலர் குற்றம் சாட்டி விட்டுப் போவார்கள். ஆனால் இவரோ துக்க கார்டை அனுப்பி விட்டு பாஸை கதிகலங்க வைத்து விட்டார்.

தான் வேலையை விட்டு போவதற்கான காரணத்தை விளக்கி ஆம்பர் அந்தக் கடிதத்தில் எழுதியிருந்தார். அதில், இதுபோன்ற டார்ச்சரை எந்த நிறுவனத்திலாவது நீங்கள் அனுபவித்திருப்பீர்களா.. எனக்கு வேறு வேலை கிடைத்து விட்டது. நான் கேட்டதை விட ஒரு டாலர் கூடுதல் சம்பளத்துடன் கிடைத்து விட்டது. எனக்கென்று தனியாக வேன் கூட கொடுக்கிறார்கள். எனது பிள்ளைகளின் பள்ளிக் கட்டணத்தையும் கூட கொடுப்பார்கள். போய் வருகிறேன்” என்று அதிரடியாக கூறியுள்ளார் அவர்.

இந்தக் கடிதத்தை அவரது பாஸிடம் கொடுத்ததும் அவரது முகம் இறுகிப் போய் விட்டதாம். ஓகே. என்று மட்டும் சொல்லி முடித்துக் கொண்டாராம். நல்லவேளை நீங்க பாஸா இல்லை லூஸான்னு கேட்காம விட்டுச்சே இந்தம்மா.. அந்த வரைக்கும் அந்த பாஸ் தப்பிச்சார்!



Source link

Share on Social Media

Leave a Reply

Your email address will not be published. Required fields are marked *