Share on Social Media


ஹைலைட்ஸ்:

  • விஜயகாந்தின் வீடியோவை பார்த்து இன்னும் ஃபீல் பண்ணும் ரசிகர்கள்
  • விஜயகாந்த் பேசியதை கேட்டு கண் கலங்கிய ரசிகர்கள்
  • விஜயகாந்தை தயவு செய்து ஓய்வெடுக்க விடுங்கள், அவர் பாவம்- ரசிகர்கள்

கேப்டன் விஜயகாந்த் பெயைரை சொன்னாலே சினிமா ரசிகர்களுக்கு நினைவுக்கு வருவது அவரின் கம்பீரமும், குறும்புத்தனமான சிரிப்பும், செம ஃபைட்டும் தான். நடிப்புக்கு குட்பை சொல்லிவிட்டு அவர் அரசியலுக்கு சென்றாலும் சினிமா ரசிகர்கள் அவர் மீது வைத்திருக்கும் பாசம் இன்னும் குறையவில்லை. இந்நிலையில் நிகழ்ச்சி ஒன்றில் விஜயகாந்த் பேசிய வீடியோ சமூக வலைதளங்களில் வெளியாகி வைரலானது. அந்த வீடியோவை பார்த்த சினிமா ரசிகர்கள் பலரும் சொன்னது ஒரு வார்தை தான், அதாவது மனமுடைந்து போய்விட்டோம் என்று.
எப்படி இருந்த மனுஷன் இப்படி ஆகிட்டாரே: விஜயகாந்த் வீடியோவால் ரசிகர்கள் அதிர்ச்சிவீடியோவில் விஜயகாந்த் பேசியதே புரியவில்லை. அவர் பேசுவதை தொடர்ந்து பார்க்க யாராலும் முடியவில்லை. வீடியோவை பார்த்தாலே என்னவோ போன்று இருக்கிறது, எங்களால் முடியவில்லை, எப்படி கம்பீரமாக இருந்த மனிதர் இப்படி ஆகிவிட்டாரே என்று பிற நடிகர்களின் ரசிகர்கள் கூட வருத்தப்பட்டுள்ளனர்.
விஜயகாந்தின் வீடியோவை பார்த்த பிளஸ் 2 மாணவி ஒருவரோ, அதை பாதியிலியே நிறுத்திவிட்டார். இவர் படங்களில் வசனம் பேசியதை பார்த்துவிட்டு, இந்த வீடியோவை பார்க்க ஒரு மாதிரியாக இருக்கிறது, என்னால் முழுவதுமாக பார்க்க முடியாது, அழுகை வருகிது என்று தெரிவித்துள்ளார்.

ஒரு 17 வயது மாணவியே இந்த அளவுக்கு ஃபீல் பண்ணும் வகையில் விஜயகாந்தின் நிலைமை இருக்கிறது. கேப்டனை இப்படி பார்க்க எங்களால் முடியவில்லை, தயவு செய்து அவரை பிரச்சாரத்தில் ஈடுபடுத்த வேண்டாம். அவர் பேசுவதை கேட்டால் கண் கலங்குகிறது. நல்ல மனுஷன். உடம்புக்கு முடியாதவரை இப்படி கஷ்டப்படுத்தாதீர்கள். வீட்டில் ஓய்வெடுக்க விடுங்கள் என்கிறார்கள் சினிமா ரசிகர்கள்.

கடந்த சில ஆண்டுகளாகவே விஜயகாந்துக்கு உடல்நலம் சரியில்லை. முதலில் சிங்கப்பூரில் சிகிச்சை பெற்றார். அதனால் பலனில்லை. அதையடுத்து அமெரிக்காவுக்கு சென்று சிகிச்சை எடுத்துக் கொண்டார். நாடு திரும்பிய பிறகு அவர் வீட்டை விட்டு வெளியே வராமல் இருந்தார்.

இந்நிலையில் தமிழக சட்டசபை தேர்தல் நெருங்கும் நேரத்தில் அவரை பேச வைத்திருக்கிறார்கள் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *