Share on Social Media


இசை அமைப்பாளராக பல்வேறு அதிரடியான வெற்றிபெற்ற ஆல்பங்களின் மூலம், ரசிகர்களை கவனம் ஈர்த்தவர் விஜய் ஆண்டனி. இசையமைப்பாளராக மட்டுமல்லாமல் தற்போது நடிகராகவும் தயாரிப்பாளராகவும் வலம் வந்து கொண்டிருக்கிறார். இந்நிலையில் விஜய் ஆண்டனி தனது ட்விட்டர் பக்கத்தில் பகிர்ந்துள்ள பதிவு ஒன்று இணையத்தில் வைரலாகி வருகிறது.

இசையமைப்பாளராக பல்வேறு வெற்றி ஆல்பங்களை கொடுத்த விஜய் ஆண்டனி ‘நான்’ படத்தின் மூலம் கதாநாயகனாக அறிமுகமானார். இதனை தொடர்ந்து வித்தியாசமான படங்களை கொடுத்து தனக்கென ஒரு மார்க்கெட்டை பிடித்துள்ளார். அண்மையில் இவர் நடிப்பில் வெளியான ‘கோடியில் ஒருவன்‘ படம் ரசிகர்கள் மத்தியில் நல்ல வரவேற்பை பெற்றதோடு வசூல்ரீதியாகவும் வெற்றியடைந்தது.

இந்நிலையில் தனது ரசிகர் ஒருவர் விஜய் ஆண்டனி பாணியில் ஜிப்ரிஸ்(gibberish ) வார்த்தைகளில் வெளியான இருபத்திநான்கு பாடல்களையும் அவற்றின் கால அளவையும் குறிக்கும் விதமாக உணவகங்களில் வழங்கப்படும் பில் போல வடிவமைத்து பட்டியலிட்டுள்ளார். இந்த புகைப்படத்தை தனது டுவிட்டர் பக்கத்தில் பகிர்ந்து ,”எனக்கே அவர பாக்கணும் போல இருக்கு” என பதிவிட்டுள்ளார் விஜய் ஆண்டனி.

We stand With Suriya… ‘ஜெய் பீம்’ பட விவகாரம்: சூர்யாவிற்கு ஆதரவாக பெருகும் குரல்கள்!
இந்த பட்டியலை தயார் செய்தவரின் விபரம் தெரியவில்லை. விஜய் ஆண்டனி தனது ட்விட்டர் பக்கத்தில் பகிர்ந்துள்ள இந்த பதிவு இணையத்தில் வைரலாகி வருகிறது. விஜய் ஆண்டனி தற்போது தமிழரசன், அக்னி சிறகுகள், காக்கி, பிச்சைக்காரன் 2 உள்ளிட்ட படங்களில் நடித்து வருகிறார். இந்நிலையில் அண்மையில் விஜய் மில்டன் இயக்கும் புதிய படத்தில் நடிக்க ஒப்பந்தமானார் விஜய் ஆன்டனி.

இந்த படம் ஏற்கனவே விஜய் ஆன்டனி நடிப்பில் வெளியாகி ரசிகர்களிடம் வரவேற்பை பெற்ற சலீம் படத்தின் தொடர்ச்சியாக உருவாக உள்ளது. த்ரில்லர், ஆக்ஷன் படமாக உருவாக உள்ள இந்தப்படத்திற்கு ‘மழை பிடிக்காத மனிதன்‘ என வித்தியாசமாக டைட்டில் வைத்துள்ளனர். இதன் படப்பிடிப்பு தற்போது நடைபெற்று வருவது குறிப்பிடத்தக்கது.

ரஜினி பேரனுக்கு கொடுத்த சர்ப்ரைஸ் ‘அண்ணாத்த’!



Source link

Share on Social Media

Leave a Reply

Your email address will not be published. Required fields are marked *