Share on Social Media


2016-ம் ஆண்டு விஜய் ஆண்டனி நடிப்பில் சசி இயக்கத்தில் வெளியான படம் ‘பிச்சைக்காரன்’. விஜய் ஆண்டனியே தயாரித்து, இசையமைத்திருந்த இந்த படம் தமிழ் மற்றும் தெலுங்கு இரு மொழிகளிலும் பிளாக் பஸ்டர் ஹிட்டடித்தது. நீண்ட காலமாக பேச்சு வார்த்தையில் இருந்த இந்த படத்தின் இரண்டாம் பாகம் குறித்த அறிவிப்பு தற்போது அதிகாப்பூர்வமாக வெளியாகி உள்ளது.

இசை அமைப்பாளராக பல்வேறு அதிரடியான வெற்றிபெற்ற ஆல்பங்களின் மூலம், பிரமிக்க வைக்கும் சாதனை படைத்தவர் விஜய் ஆண்டனி. இசையமைப்பாளராக மட்டுமல்லாமல் நடிகர் மற்றும் தயாரிப்பாளராகவும் அவதாரம் எடுத்தவர் விஜய் ஆண்டனி.

இந்நிலையில் இன்று தனது பிறந்தநாளை முன்னிட்டு முக்கியமான அறிவிப்பு ஒன்றை வெளியிட்டுள்ளார். நீண்ட காலமாக பேச்சு வார்த்தையில் இருந்த பிச்சைக்காரன் இரண்டாம் பாகத்தை தானே இயக்கி தயாரிக்க உள்ளதாக அதிகாரப்பூர்வமாக அறிவித்துள்ளார். இந்த படம் 2022 ஆம் ஆண்டு வெளியாகும் என்று அறிவிக்கப்பட்டுள்ளது. மேலும், ‘BLOCKBUSTER 2022’ என்று குறிப்பிடப்பட்டுள்ள மிரட்டலான போஸ்டர் ஒன்றையும் வெளியிட்டுள்ளது படக்குழு.

புது அவதாரம் எடுக்கும் வனிதா விஜயகுமார்: பவர் ஸ்டாருடன் இணைந்து வைரல் ஸ்டார் ஆகிறார்!
இது குறித்து விஜய் ஆண்டனி கூறும் போது, ஒரு நீண்டகால கனவு இறுதியாக நனவாகிறது. இந்த புதிய அவதாரம் பெரும் மகிழ்ச்சியை தந்துள்ளது. நீண்ட காலமாக எனது மனதில் இயக்குநர் ஆகும் ஆசை இருந்தது. ஒரு நடிகராக ஒவ்வொரு திரைப்படத்திலும், நான் உதவி இயக்குநராகவும் பணியாற்றியுள்ளேன், பல்வேறு திரைப்பட இயக்குநர்களிடமிருந்து பல நுட்பங்களையும், திறன்களையும் கற்றுக் கொண்டிருக்கிறேன். எந்தவொரு படைப்பாளிக்கும், தான் பணிபுரியும் துறை பற்றிய விழிப்புணர்வு இருப்பது நன்மை தரும் அம்சமாகும். இசையமைப்பாளராகவும் ஒரு நடிகராகவும் இத்துறையில் சிறந்ததொரு வெற்றியைப் பெற்றிருப்பது எனது அதிர்ஷ்டம். எனது திறமைகளை வளர்த்துக் கொள்ளும், இந்த திரைப்பயணத்தில், என்னை ஆதரித்த தயாரிப்பாளர்கள், இயக்குநர்கள் மற்றும் நடிகர்களுக்கு நான் இந்நேரத்தில் நன்றி கூறிக்கொள்கிறேன்.

எனது பிறந்தநாளின் இந்த சிறப்பு சந்தர்ப்பத்தில், “பிச்சைக்கரன் 2” திரைப்படத்தில், இயக்குநராக எனது புதிய பயணம் துவங்குவதை, உங்களுக்கு தெரிவிப்பதில் மிகுந்த மகிழ்ச்சியடைகிறேன். மிகப்பெரும் பட்ஜெட்டில் ஒரு பிரமாண்டமான படைப்பாக இப்படம் உருவாகவுள்ளது. இப்படத்தில் நாயகியாக நடிக்க, முன்னணி நடிகைகளுடன் பேச்சுவார்த்தைகள் நடந்து வருகின்றது. ரசிகர்களுக்கு செண்டிமென்டும், பொழுதுபோக்கும், சரி விகிதத்தில் கலந்த சிறப்பானதொரு அனுபவத்தை “பிச்சைக்கரன் 2” திரைப்படம் தரும். இப்படத்தில் நடிக்கவுள்ள நடிகர்கள் மற்றும் தொழில்நுட்ப குழுவினர் குறித்து விரைவில் அதிகாரப்பூர்வமாக அறிவிக்கப்படும் என்று தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *