Share on Social Media


பொதுவாக உருளைக்கிழங்கு, பட்டாணி, காளான், கோழி, பருப்பு வகைகள் போன்றவற்றில் வெந்தயம் சேர்க்கப்படுகிறது. உடலில் குளுக்கோஸ் மற்றும் கொலஸ்ட்ரால் அளவை குறைக்க வெந்தய இலையும், வெந்தயமும் உதவுவதாக கூறப்படுகிறது. இதனால் இது எடை இழப்பிற்கு உதவுகிறதாக கூறப்படுகிறது.

​வெந்தயம்

வெந்தயம் ஒரு இயற்கையான மூலிகை தாவரமாகும். சாதரணமாக இந்தியாவில் சமையல் அறையில் நாம் வெந்தயத்தை அதிகமாக பார்க்க முடியும். ஆனால் அதில் பெரிதாக எந்த சுவையும் இருக்காது. இருந்தாலும் நமது அம்மாக்கள் வெந்தயத்தை சமையலில் பயன்படுத்துவதை நாம் பார்க்க முடியும். ஏனெனில் வெந்தயம் மருத்துவ குணம் கொண்ட மூலிகையாகும்.

​எலிகள் மீது நடத்திய ஆய்வு

samayam tamil Tamil News Spot

வெந்தயத்தின் பலனை அறிவதற்காக அது எலிகளின் மீது ஆய்வு செய்யப்பட்டது. 2014 ஆம் ஆண்டு நடத்திய இந்த ஆய்வில் வெந்தயம் மற்றும் வெந்தய சாறின் இலைகள் பருமனான எலிகளின் உடல் பருமனை குறைத்ததை காண முடிந்தது. எலிகளின் உடலில் இருந்த கொழுப்பை வெந்தயம் குறைத்ததை இதன் மூலம் கண்டறியப்பட்டது.

அதே போல மற்றொரு ஆய்வில் இது உணவு செரிமானத்திற்கு உதவுகிறது என்பதும் கண்டறியப்பட்டது. குடல் பாக்டீரியாவில் அதிக கொழுப்புள்ள உணவுகள் தீங்கு விளைவிக்கின்றன, இதை தடுப்பதற்கு வெந்தயம் மற்றும் வெந்தய இலை உதவுகிறது என்பது இதன் மூலம் கண்டறியப்பட்டது.

எனவே வெந்தயம் எலிகளுக்கு செரிமான மண்டலத்திற்கு நன்மை பயக்கும் ஒரு தாவரம், மேலும் இது உடல் எடையை குறைக்கவும் உதவுகிறது என தெரிகிறது. ஆனால் மனிதருக்கும் இது எடையை குறைக்க உதவுமா? என்கிற கேள்வி எழுகிறது.

தோல் சிவந்து வெடிப்பை ஏற்படுத்தும் படை நோய்க்கு இதோ ஆயுர்வேதத்தில் தீர்வு இருக்கு…

​அதிக எடை கொண்டவர்கள்மேல் நடத்திய ஆய்வு

samayam tamil Tamil News Spot

எலிகள் மீது மட்டும் ஆய்வுகள் நடத்தி பார்க்கவில்லை. மனிதர்களும் மீதும் வெந்தயம் குறித்த ஆய்வுகள் நடைப்பெற்றுள்ளன. 2019 ஆம் ஆண்டு அதிக எடை கொண்ட ஆண்கள் மீது ஒரு ஆய்வு நடத்தப்பட்டது. இதில் வெந்தய சாறானது அவர்களுக்கு அளிக்கப்பட்டது. அது அவர்களின் உடல் எடையை குறைக்க உதவுகிறதா என்பதை அறிவதற்காக இந்த சோதனை நடத்தப்பட்டது. அவர்கள் அனைவரும் ஆறு வார காலம் இந்த சாறை உண்டனர். ஆறு வாரத்திற்கு பிறகு அவர்களது உடலில் ஆற்றல், எடை , பசியின்மை, குளுக்கோஸ் மற்றும் இன்சுலின் அளவில் மாற்றங்கள் ஏற்பட்டிருந்தன.

அவர்கள் எடுத்துக்கொள்ளும் கொழுப்பின் அளவானது குறைந்து காணப்பட்டது. ஆனாலும் அவர்களுடைய உடல் எடை குறிப்பிடத்தக்க அளவில் குறையவில்லை.

கண்களில் அதிக அழுத்தமும் வலியும் இருக்கா… இதோ இந்த 5 விஷயத்துல ஏதாவது ஒன்னு பண்ணுங்க…

​வெந்தய நீர் அல்லது வெந்தய தேநீர்

samayam tamil Tamil News Spot

வெந்தய இலைகளைக் கொண்டு செய்த நீரை குடிப்பது உடல் எடையை குறைக்க உதவும் என்று பிரபலமாக அனைவராலும் நம்பப்படுகிறது. இதுக்குறித்து கொரியாவில் ஒரு ஆய்வு நடத்தப்பட்டது. அதிக எடை கொண்ட பெண்கள் மீது இந்த ஆய்வானது நடத்தப்பட்டது. அவர்களுக்கு வெந்தயத்தை பயன்படுத்தி தயாரிக்கப்பட்ட தேநீர் வழங்கப்பட்டது. இதனால் அவர்களுக்கு பசி எடுப்பது குறைந்தது, எனவே அவர்கள் குறைவான அளவில் உணவை உண்டனர்.

அவர்கள் நீண்ட நேரத்திற்கு வயிறு நிரம்பி இருந்ததாக உணர்ந்தனர். மேற்கூறிய ஆய்வின் மூலம் வெந்தயம் பசியை அடக்கும் பண்பை கொண்டுள்ளது என்பதை நாம் அறிய முடிகிறது. எனவே வெந்தயத்தை தொடர்ந்து உண்பவர்கள் உடல் எடையை குறைக்க முடியும் என்பது இதன் மூலம் நிரூபணமாகிறது.



Source link

Share on Social Media

Leave a Reply

Your email address will not be published. Required fields are marked *