Share on Social Media


தமிழகத்தில் கடந்த ஏப்ரல் 6ம் தேதி சட்டமன்ற தேர்தல் வாக்கு பதிவு ஒரே கட்டமாக நடந்தது. மாலை 7 மணிக்கு வாக்கு பதிவு முடிவடைந்த நிலையில் வேளச்சேரி டான்சி நகரில் உள்ள தனியார் பள்ளியில் இருந்து மாநகராட்சி ஊழியர்கள் சிலர், 4 வாக்குப்பதிவு இயந்திரங்களை இருசக்கர வாகனத்தில் வைத்து எடுத்து வந்தது பெரும் பரபரப்பை ஏற்படுத்தியது.

அப்போது அவர்களை மடக்கி பிடித்து விசாரித்ததில், வாக்குச்சாவடியில் வாக்குப்பதிவின்போது பழுதான விவிபிஏடி இயந்திரங்கள், மாற்று இயந்திரங்களை திருவான்மியூரில் உள்ள பாதுகாப்பு மையத்துக்கு எடுத்து சென்றதாக பதிலளித்தனர்.

ஆனால், அதில் ஒரு வாக்கு இயந்திரத்தில் மட்டும் 15 வாக்குகள் பதிவானதாக தலைமை தேர்தல் அதிகாரி கூறியிருந்தார். இதனால் மேலும் பரபரப்பு தொற்றியது. இந்நிலையில், சம்மந்தப்பட்ட வாக்குச்சாவடியில் மறுவாக்குப்பதிவு நடைபெற வாய்ப்பு உள்ளதாக தேர்தல் அதிகாரி கூறியிருந்தார். அதன்படி, வேளச்சேரி தொகுதிக்கான வாக்குச்சாவடி எண் 92ல் ஏப்ரல் 17ம் தேதி மறுவாக்குப்பதிவு நடத்த தேர்தல் ஆணையம் உத்தரவிட்டது.

தேர்வெழுதிய 70% மாணவர்கள் நிலை கேள்விக்குறியா?

காலை 7 மணி முதல் இரவு 7 மணி வரை மறுவாக்குப்பதிவு நடைபெறும் எனவும் அறிவித்திருந்தது. அதன்படி, வேளச்சேரியில் 92வது வாக்குச்சாவடியில் இன்று மறுவாக்குப்பதிவு முடிவடைந்த நிலையில், வாக்குப்பதிவு எந்திரங்கள் அண்ணா பல்கலைகழகத்திற்கு பலத்த பாதுகாப்புடன் கொண்டு செல்லப்பட்டது.



Thanks for the source

Share on Social Media

Leave a Reply

Your email address will not be published. Required fields are marked *