Share on Social Media


ஹைலைட்ஸ்:

  • விக்ரம் 60 படத்தில் நடிகை வாணி போஜன் இணைந்துள்ளதாக தகவல்கள் வெளியாகியுள்ளது.
  • அதிகாரப்பூர்வ அறிவிப்பு விரைவில் வெளியாகும் என தெரிகிறது.

விக்ரம் மற்றும் துருவ் விக்ரம் இணைந்து நடிக்கும் படத்தில் முக்கியக் கதாபாத்திரத்தில் நடிக்க பிரபல சின்னத்திரை நடிகை ஒப்பந்தமாகி உள்ளார் என்ற தகவல்கள் வெளியாகியுள்ளன.

கார்த்திக் சுப்புராஜ் இயக்கத்தில், தனுஷ் நடிப்பில் விரைவில் ரிலீஸாக உள்ள படம் ‘ஜகமே தந்திரம்’. இதைத் தொடர்ந்து அடுத்ததாக, விக்ரம் மற்றும் அவரது மகன் துருவ் விக்ரம் இணைந்து நடிக்கும் படத்தை இயக்க உள்ளார் கார்த்திக் சுப்புராஜ். இந்தப் படத்தில் துருவ் நாயகனாகவும், விக்ரம் வில்லனாகவும் நடிப்பதாகக் கூறப்படுகிறது. விக்ரமின் 60வது படமாக உருவாக இருக்கும் இந்தப் படம் ரசிகர்களிடையே மிகப் பெரிய எதிர்பார்ப்பை ஏற்படுத்தியுள்ளது.

இவரது நடிப்பில் கடைசியாக வெளியான ‘கடாரம் கொண்டான்’ இத்திரைப்படம் ரசிகர்களிடையே நல்ல வரவேற்பினை பெற்றது. விக்ரம் தற்போது இயக்குனர் மணிரத்னம் இயக்கி வரும் “பொன்னியின் செல்வன்” படத்திலும் இயக்குனர் அஜய் ஞானமுத்து இயக்கும் “கோப்ரா” படத்திலும் நடித்து வருகிறார். மேலும் கௌதம் மேனன் இயக்கத்தில் ‘துருவ நட்சத்திரம்’ எஸ். விமல் இயக்கத்தில், மகாவீர் கர்ணன் போன்ற படங்களில் நடித்து வருகிறார்.

பொன்னியின் செல்வன், கோப்ரா இவ்விரு படங்களை நிறைவு செய்த பின்னரே ‘விக்ரம் 60‘ படத்தின் படப்பிடிப்பு தொடங்க இருப்பதாகக் கூறப்படுகிறது. இப்படத்திற்கு தற்காலிகமாக ‘விக்ரம் 60’ எனப் பெயரிடப்பட்டுள்ளது. படத்திற்கான ஆரம்பக்கட்டப் பணிகள் தற்போது நடைபெற்று வருகின்றன. இந்த படத்திற்கு அனிருத் இசையமைக்க உள்ள நிலையில், 7 ஸ்கிரீன் ஸ்டுடியோ நிறுவனம் தயாரிக்க உள்ளது.

இந்நிலையில் இந்தப் படத்தில், பிரபல நடிகை வாணி போஜன் இணைந்துள்ளதாக தகவல்கள் வெளியாகியுள்ளன. சன் டிவியில் ஒளிபரப்பான ” தெய்வமகள் ” சீரியலில் நடித்து பல ரசிகர்களின் மனதில் இடம் பிடத்தவர். சின்னத்திரையில் பிரபலமான வாணி போஜன் ‘ஓ மை கடவுளே’ படத்தின் மூலம் சினிமாவுக்கு அறிமுகமானார். இதனை தொடந்து பல படங்களில் கமிட் ஆகி நடித்து வருகிறார். அரிசில் மூர்த்தி இயக்கும், நாயகிக்கு முக்கியத்துவம் அளிக்கும் படம் ஒன்றில் நடிக்கிறார். இந்தப் படத்தை சூர்யாவின் 2டி எண்டெர்டெய்ன்மென்ட் இயக்குகிறது. இதில் பிக்பாஸ் பிரபலம் ரம்யா பாண்டியனும் நடிக்க உள்ளார் என்பது கவனிக்கத்தக்கது.

அதையடுத்து சில படங்களில் கமிட்டாகியுள்ள வாணிபோஜன் தற்போது கார்த்திக் சுப்பராஜ் இயக்கத்தில் விக்ரம் மற்றும் துருவ் விக்ரம் ஆகியோர் நடிக்கும் சீயான் 60 படத்தில் நடிக்க உள்ளார் என்ற தகவல்கள் வெளியாகியுள்ளன. ஆனால் இது குறித்து அதிகாரப்பூர்வமான அறிவிப்பை படக்குழு வெளியிடவில்லை என்பது குறிப்பிடத்தக்கது. இந்த படத்தின் படப்பிடிப்பு வரும் மார்ச் 3 முதல் டார்ஜிலிங்கில் நடைபெறும் என்று எதிர்பார்க்கப்படுகிறது.



Source link

Share on Social Media

Leave a Reply

Your email address will not be published. Required fields are marked *