Share on Social Media


கொரோனா வைரஸ் பிரச்சனை மீண்டும் விஸ்வரூபம் எடுத்திருப்பதால் அஜித்தின் வலிமை படத்தின் ரிலீஸை தள்ளிப் போடுகிறார்களாம்.

வலிமை

ஹெச். வினோத் இயக்கத்தில் அஜித் நடித்து வரும் வலிமை படத்தின் 90 சதவீத காட்சிகளை படமாக்கிவிட்டார்கள். அஜித் வரும் பைக் ஸ்டண்ட் காட்சி மட்டும் தான் படமாக்கப்பட வேண்டியிருக்கிறது. அந்த காட்சியை ஸ்பெயினில் இருக்கும் நிபுணர்களின் உதவியுடன் படமாக்க வேண்டுமாம். கொரோனாவின் இரண்டாம் அலை உச்சத்தில் இருப்பதால் படக்குழுவால் ஸ்பெயினுக்கு செல்ல முடியவில்லை. படத்தில் அந்த காட்சி மிகவும் முக்கியமானதாம். அதனால் அந்த காட்சி இல்லாமல் படப்பிடிப்பை நிறைவு செய்ய முடியாதாம்.

ரிலீஸ்

samayam tamil Tamil News Spot

பைக் ஸ்டண்ட் காட்சியால் படத்தை திட்டமிட்டபடி வரும் ஆகஸ்ட் மாதம் ரிலீஸ் செய்ய முடியாத நிலை ஏற்பட்டிருக்கிறது. இதையடுத்து தீபாவளி பண்டிகை ஸ்பெஷலாக நவம்பர் மாதம் ரிலீஸ் செய்ய திட்டமிடுகிறார்களாம். தீபாவளி பண்டிகைக்கு ரஜினியின் அண்ணாத்த படம் வெளியாகவிருக்கிறது. சிறுத்தை சிவா இயக்கியுள்ள அண்ணாத்தத படத்தின் ஷூட்டிங் அண்மையில் தான் முடிந்தது. பெரும்பாலான காட்சிகளை ஹைதராபாத்தில் இருக்கும் ராமோஜிராவ் ஃபிலிம் சிட்டியில் படமாக்கிவிட்டனர்.

ஸ்பெயின்

samayam tamil Tamil News Spot

வலிமை படப்பிடிப்பும் கூட ராமோஜிராவ் ஃபிலிம் சிட்டியில் நடந்தது. ஆனால் அந்த ஸ்பெயின் ஷெட்யூலால் தான் படக்குழுவால் எதையும் செய்ய முடியவில்லை. வெறும் 10 நாட்கள் ஷூட்டிங் தான் பாக்கி இருக்கிறது. ஆனால் தற்போது இருக்கும் நிலையில் ஸ்பெயினுக்கு கிளம்புவது சாத்தியமே இல்லை. ரஜினி, அஜித் படங்கள் மோதிக் கொள்வது இல்லை இல்லை சேர்ந்து வருவது இது முதல் முறை அல்ல. முன்னதாக கடந்த 2019ம் ஆண்டு பொங்கல் பண்டிகைக்கு ரஜினியின் பேட்ட படமும், அஜித்தின் விஸ்வாசமும் சேர்ந்து வந்தது. இரண்டு படங்களுமே நல்ல வசூல் செய்தது என்பது குறிப்பிடத்தக்கது.

அஜித்

samayam tamil Tamil News Spot

அஜித்தை அடுத்து இயக்கப் போவது இவர் தான் என்று கூறி சில தகவல் வெளியானது. வலிமை படத்தில் தான் அஜித் கவனம் செலுத்தி வருகிறார். புதுப்படம் குறித்து அவர் இதுவரை முடிவு செய்யவில்லை. யாரிடமும் கதையும் கேட்கவில்லை என்று அவர் தரப்பில் தெரிவிக்கப்பட்டுள்ளது. ஆனால் அஜித் மூன்றாவது முறையாக வினோத் இயக்கத்தில் நடிக்கவே வாய்ப்புகள் அதிகம் என்று கூறப்படுகிறது.



Source link

Share on Social Media

Leave a Reply

Your email address will not be published. Required fields are marked *