Share on Social Media



கபாப் சினி. அதாவது வால் மிளகு ஆரோக்கியத்துக்கு நன்மை பயக்கும் பண்புகளை கொண்டுள்ளது. இது இந்தோனேஷியா மற்றும் ஜாவா, சுமத்ரா தீவுகளில் உள்ள தாவரமாகும். இது ஜாவா மிளகு என்று அழைக்கப்படுகிறது. ஆயுர்வேத மருத்துவ் முறையின் முக்கிய மூலிகைகளில் இதுவும் ஒன்று. இந்த வால் மிளகு குறித்து தெரிந்துகொள்ள தொடர்ந்து படியுங்கள்.

​வால் மிளகு

வால் மிளகு சமையலில் கூட அரிதாகவோ அல்லது ஒரு போதும் கூட பயன்படுத்துவதில்லை. ஆனால் வால் மிளகு யுனானி மற்றும் ஆயுர்வேத மருத்துவத்தில் இது பயன்படுத்தப்படுகிறது.

குளிர், மழையில் ஜலதோஷத்தை தடுக்கும் சுவையான மிளகு லேகியம், ஈஸியா தயாரிக்கலாம்!

கருப்பு மிளகுடன் ஒத்திருக்கும் ஒது உலர்ந்த பழுக்காத பழம். நாக்கில் வைத்தால் குளிர்ச்சியாக இருக்கும். இது பாரம்பரிய மருந்துகள் பலவற்றிலும், கோனோரியா, வயிற்றுப்போக்கு, சிபிலிஸ், வயிற்று வலி, குடல் அழற்சி மற்றும் ஆஸ்துமா போன்ற பல்வேறு கோளாறுகளுக்கு பயன்படுத்தப்படுகிறது.

மெல்லிய தண்டுகள் அல்லது வால் நீண்டிருக்கும். அதனால் தான் இது வால் மிளகு என்று அழைக்கப்படுகிறது. இதன் நன்மைகள் குறித்து தொடர்ந்து பார்க்கலாம்.

​வாய் துர்நாற்றம்

samayam tamil Tamil News Spot

வால் மிளகு நறுமணம் மற்றும் ஆண்டி செப்டிக் பண்புகளை கொண்டுள்ளது. இது பல ஆண்டுகளாகவே பல் கோளாறுகளுக்கு பயன்படுத்தப்படுகிறது. இது வாய் துர்நாற்றத்துக்கு மிகவும் பயனுள்ளதாக இருக்கும். இதை எப்படி மவுத் வாஷ் போன்று பயன்படுத்துவது?

எப்படி பயன்படுத்துவது

வாய் துர்நாற்றத்துக்கு உகந்த வீட்டு வைத்தியம் இது. வாய் துர்நாற்றம் இருக்கும் போது 1 கப் தண்ணீரில் சிறிய இலவங்கப்பட்டை 1 எடுத்து அதனுடன் கால் டீஸ்பூன் அரைத்த வால் மிளகு சேர்த்து கொதிக்க வைத்து வாய் கொப்புளிக்கவும்.

​சளி மற்றும் இருமலுக்கு

samayam tamil Tamil News Spot

சளி, இருமல், ஜலதோஷம் போன்ற பிரச்சனைக்கும் இந்த வால் மிளகு உதவும். ஜலதோஷம், இருமலின் போது இலேசான காய்ச்சலின் போதும் வால் மிளகு சிறப்பாக உதவும். ஏப்பத்துக்கும் செரிமானத்துக்கும் கூட இவை உதவும்.

எப்படி பயன்படுத்துவது

வால் மிளகு துளசி மற்றும் மஞ்சள் தூள் சேர்த்து தேநீர் வடிவில் எடுத்துகொள்ளலாம். ஜலதோஷம் நேரத்தில் இதை குடித்து வந்தால் படிப்படியாக குறையும். இது தலைவலியை நீக்க கூடும்.

வால் மிளகை அரைத்து அல்லது பொடியாக்கி அதை தேனுடன் கலந்து சாப்பிடலாம். வால் மிளகை இடித்து பனைவெல்லத்துடன் சாப்பிட்டு வந்தால் கோழை அகலும்.

தலைவலி இருந்தால் வால் மிளகை பன்னீரில் அரைத்து நெற்றியில் போட்டு வந்தால் தலைவலி குறையும்.

இரைப்பு பிரச்சனை இருந்தால் வால் மிளகை சுட்டு அதில் வரும் புகையை சுவாசிக்க செய்யலாம்.

​வலுவான அழற்சி எதிர்ப்பு முகவர்

samayam tamil Tamil News Spot

வால் மிளகு, வலுவான அழற்சி எதிர்ப்பு முகவர். இது வீக்கம் மற்றும் வலியை குறைக்க செய்யும். இது வாய்ப்புண் மற்றும் ஈறுகளில் ஏற்படும் அழற்சியிலிருந்து காப்பாற்றுகிறது.

வால் மிளகு தொண்டை அழற்சிக்கும் சிகிச்சையளிக்க பயன்படுகிறது. தொண்டை வலி, தொண்டை புண் இருக்கும் போது தேநீராக்கி குடிக்கலாம்.

​பாக்டீரியா மற்றும் பூஞ்சை எதிர்ப்பு பண்புகள்

samayam tamil Tamil News Spot

வால் மிளகு அற்புதமான பாக்டீரியா எதிர்ப்பு மற்றும் பூஞ்சை எதிர்ப்பு பண்புகளை கொண்டுள்ளது. இது உச்சந்தலை பொடுகை திறம்பட தடுக்க கூடியது. கூந்தலுக்கான எண்ணெய் தயாரிப்பில் இவை சிறு அளவில் சேர்க்கப்படுகிறது. கல்லீரலை பதம் பார்க்கும் வைரஸ்களை கட்டுப்பாட்டில் வைக்கும் திறனும் இதற்கு உண்டு.

piles : மூலநோய்க்கும், மலச்சிக்கலுக்கும் ஆயுர்வேதம் சொல்லும் அருமருந்துகள்! எல்லாருக்குமே பலனளிக்கும்!

எப்படி பயன்படுத்தலாம்

பொடுகு பிரச்சனை இருக்கும் போது நல்லெண்ணெய், வெந்தய இலைகள், வால் மிளகு போன்றவற்றை பயன்படுத்தி உச்சந்தலையில் ஏற்படும் அனைத்து தொற்றுகளை தடுப்பதற்கும் சிகிச்சையளிக்கவும் உதவும்.

​சிறுநீர் பிரச்சனைகளை தீர்க்கிறது

samayam tamil Tamil News Spot

வால் மிளகு சிறுநீரக கோளாறுகளுக்கும் மருந்தாகிறது. சிறுநீர் கழிக்கும் போது அடக்கமுடியாமல் வெளியேறுவது. வலியுடன் சிறுநீர் கழிப்பது. சிறுநீர் கழிக்கும் போது எரிச்சல் ஏற்படுவது போன்றவற்றுக்கு சிகிச்சையளிக்க இவை நல்ல தீர்வாக இருக்கும். சிறுநீரை பெருக்கும் தன்மை கொண்டது.

வால் மிளகை பசும்பாலில் ஊறவைத்து உலர்த்தி பொடியாக்கி வைக்கவும். இதை பொரியலில் தூவி சாப்பிடலாம். இது சிறுநீர் கழிக்கும் போது உண்டாகும் எரிச்சலை குறைக்கும். இது சிறுநீர்ப்பை மற்றும் புரோஸ்டேட் அழற்சி, சிறுநீர் தக்கவைத்தல், சிறுநீர்க்குழாய் நோய்த்தொற்றுகளுக்கும் சிகிச்சையளிக்க உதவுகிறது. வால் மிளகில் இருக்கும் வேதிப்பொருள்கள் புற்றுநோய் வராமல் தடுக்கும் குணங்கள் கொண்டிருப்பதாக ஆய்வுகள் குறிப்பிடுகிறது.

​உடல் சூட்டை தணிக்கும்

samayam tamil Tamil News Spot

பொதுவாக மிளகு உஷ்ணத்தன்மை கொண்டது என்று சொல்வார்கள். ஆனால் உடல் வெப்பத்தை தணிக்க வால் மிளகு உதவும். வால் மிளகு பொடியை இளநீரில் கலந்து குடித்தால் வயிற்று சூடு குறையும். வயிற்று புழுக்களை வெளியேற்ற சமையலில் இதை சேர்த்து வரலாம். உடலுக்கு குளிர்ச்சி தர மோரில் சீரகம், வால் மிளகை பொடி கலந்து குடிக்கலாம்.

​பால்வினை நோய்

samayam tamil Tamil News Spot

வால் மிளகு பாலியல் ஆரோக்கியத்தை அதிகரிக்கவும் உதவுகிறது. வால் மிளகு எண்ணெயுடன் சில முலிகை பொருள்கள் சேர்த்து பால்வினை நோய்க்கு மருந்தாக பயன்படுத்தப்பட்டுள்ளது.

பழங்கால் நூல் ஒன்றில் குழந்தையின்மை பிரச்சனைக்கு வால் மிளகை பயன்படுத்தியதற்கான குறிப்புகள் உள்ளது. ஆன்களின் ஆண்மை மற்றும் கருவுறுதலை மேம்படுத்த ஒரு தீர்வு அளிக்கிறது.

குளிர், மழையில் ஜலதோஷத்தை தடுக்கும் சுவையான மிளகு லேகியம், ஈஸியா தயாரிக்கலாம்!

சகிப்புத்தன்மையை அதிகரிக்கும் டெஸ்டோஸ்ட்ரான் உற்பத்தியை தூண்டுகிறது. இவை தவிர பாலுடன் சேர்த்து இந்த பொடியை எடுத்துகொள்ளும் போது இனப்பெருக்க உறுப்புகளில் இரத்த ஓட்டத்தை அதிகரிப்பதாக சொல்லப்படுகிறது. மேலும் விறைப்புத்தன்மையிலும் இவை பயனுள்ளதாக இருக்கிறது.



Source link

Share on Social Media

Leave a Reply

Your email address will not be published. Required fields are marked *