Share on Social Media


வயிறு மந்தமாக இருந்தால் உடல் சோர்வுற்று அஜீரணக்கோளாறு உண்டாகும். இதனால் தொடர்ந்து பசியின்மை பிரச்சனை உண்டாக்கும். இதற்கெல்லாம் மருந்து மாத்திரைகள் தான் என்று முடிவெடுக்காமல் பாட்டிகள் கால வைத்தியத்தை செய்தால் சரியாக கூடும். அதோடு இவை வயிற்றுக்கோளாறுகளை தடுத்து வயிற்றை பூப்போன்று மென்மையாக வைத்திருக்கும். இந்த சூரணத்தை தயாரிக்கும் முறை குறித்து பார்க்கலாம்.

​சூரணம்

சுக்கு, மிளகு, திப்பிலி, ஏலம், சீரகம் சேர்த்த இந்த சூரணம் வயிற்றுக்கு பாதுகாப்பானது. சுக்கு, மிளகு, திப்பிலி, சீரகம், போன்றவற்றை சம அளவு எடுத்து, ஏலம் அரை பங்கு சேர்த்து பொடியாக்கவும். சுக்கை தோல் சீவி பயன்படுத்த வேண்டும். இந்த பொடியை கண்ணாடி பாட்டிலில் வைத்து ஆறு மாதங்கள் வரை வைத்து பயன்படுத்தலாம்.

உடல் எடையை குறைக்க உதவும் அமுக்கிரான் பொடி எப்படி எடுத்து கொள்வது?

வயிறு மந்தமாக இருக்கும் போது அரை டம்ளர் வெந்நீரில் அரை டீஸ்பூன் அளவு கலந்து குடிக்கலாம். மூன்று நாட்கள் காலை மற்றும் மாலை வேளையில் குடித்து வருவதன் மூலம் வயிறு மந்தம் போக்கும். இது எப்படி வேலை செய்கிறது என்று பார்க்கலாம்.

​சுக்கு

samayam tamil Tamil News Spot

வயிறு மந்தத்துக்கு வாய்வும் காரணமாக இருக்கலாம். சுக்கு கப நோய்களுக்கு மருந்தாகும் என்று நினைக்கிறோம். இது வயிற்று கோளாறுக்கும் நன்மை செய்ய கூடியது. சுக்கு வாத நோய்கள், கீல் நோய்கள், பிடிப்பு, மூட்டுகள் வலி போன்றவற்றையும் நீக்க கூடியது. சுக்கு விஷம் முறிக்கும் தன்மை கொண்டது. சுக்கை பயன்படுத்தும் போது தோல் நீக்கி பயன்படுத்த வேண்டும்.

​மிளகு

samayam tamil Tamil News Spot

மிளகு கையில் இருந்தால் பகைவன் வீட்டிலும் உண்ணலாம் என்பது பழமொழி உடலில் இருக்கும் நச்சுக்களை வெளியேற்றும் தன்மை கொண்டது. மிளகு வயிற்றில் இருக்கும் ஹைட்ரோகுளோரிக் அமில சுரப்பை அதிகரிக்க செய்கிறது. மிளகில் உள்ள பைபரின் உணவை ஜீரணிக்க செய்கிறது.

வயிற்றுப்பொக்கு, மலச்சிக்கல் போன்றவற்றை தடுக்க செரிமானம் முக்கியம். செரிமானம் சீராக இயங்கினால் மந்தப்பிரச்சனை சரியாக கூடும். இது வயிற்றில் இருக்கும் கழிவை வெளியேற்ற செய்யும். பசியை தூண்டி உடல் ஆரோக்கியம் காக்கும்.

​திப்பிலி

samayam tamil Tamil News Spot

திப்பிலி சுக்கு மற்றும் மிளகுடன் சேர்ந்து திருகடுகம் ஆகிறது. பச்சை திப்பிலி கபத்தை உண்டாக்கும். உலர்ந்த திப்பிலி கபத்தை அகற்றும். உடலில் நோய் எதிர்ப்பு சக்தியை அதிகரிக்க செய்யும். திப்பிலியை பொடியாக்கி தேனில் குழைத்து சாப்பிட்டாலே வாய்வு நீங்கும். செரிமானம் அதிகரிக்கும். மந்தந்தால் வரும் சோர்வு நீங்கி களைப்பை பொக்கி உடலில் சுறுசுறுப்பை உண்டாக்கும்

​சீரகம்

samayam tamil Tamil News Spot

சீரகம் வயிறு மந்தந்தை போக்கி செரிமானம் தூண்டும். சிறிய குழந்தைகள் முதல் பெரியவர்கள் வரை இதை எடுக்கலாம். வயிறு மந்தத்தால் அஜீரண கோளாறு நீங்கி வயிறு வலி உண்டாவதை தடுக்க சீரகம் உதவுகிறது.

சீரகம் இரைப்பை குடல் வலியை நீக்க உதவுகிறது. இது உடலில் இருக்கும் வாய்வுத்தொல்லைகள் நீக்குகிறது. சீரகநீர் குடித்து வந்தாலே வாய்வு தொல்லை நீங்கி செரிமானம் சீராகும். வயிறு மந்தம் போக்கும்.

​ஏலக்காய்

samayam tamil Tamil News Spot

ஏலக்காய் நறுமணமிக்கது. வாய் துர்நாற்றத்துக்கு ஏற்றது என்று சொல்வதுண்டு. இது அஜீரணக்கோளாறுகளை போக்க கூடியது. மந்தத்தால் உண்டாகும் பசியின்மையை போக்க ஏலக்காய் உதவுகிறது.

ஏலக்காயை வெறும் வாயில் போட்டு மென்றால் பசியினை பிரச்சனை நீங்கும். உடலில் செரிமான கோளாறுகள் சரியாக கூடும். இது குமட்டல், அஜீரணம், வாந்தி பிரச்சனையை போக்க கூடும்.

மூல நோய் ஆரம்ப நிலையா, இதையெல்லாம் செய்தா குணப்படுத்திடலாம்!

குறிப்பு

வயிறு மந்தம் என்பது தற்காலிகமாக இருந்தால் இந்த சூரணம் நன்றாக பலனளிக்கும். குழந்தைகளுக்கு கொடுக்கும் போது சுக்கு அளவை குறைத்து பொடியின் அளவையும் குறைத்து தேனில் குழைத்து கொடுக்கலாம்.

தொடர்ந்து மூன்று நாட்கள் எடுத்துகொண்டால் வயிறு மந்தம் குறையக்கூடும். இந்த சூரணம் சாப்பிட்ட பிறகும் மந்தத்தன்மை குணமாகவில்லை எனில் மருத்துவரை அணுகி சிகிச்சை பெறுவது அவசியம்.

Thanks for the Source

Share on Social Media

Leave a Reply

Your email address will not be published. Required fields are marked *