Share on Social Media


ஹைலைட்ஸ்:

  • வைரமுத்துவிற்கு ஓஎன்வி விருது வழங்கப்படுவதற்கு எதிர்ப்பு.
  • ஓஎன்வி விருதை திருப்பி அளிப்பதாக அறிவித்த வைரமுத்து.
  • கேரள நிவாரண நிதிக்கு 2 லட்சம் வழங்கும் வைரமுத்து.

மலையாளக் கவிஞரும் மறைந்த பாடலாசிரியரும் ஞானபீட விருது பெற்றவருமான ஓஎன்வி குறுப்புவின் பெயரில் இலக்கியத்துக்காக வழங்கப்படும் விருது முதன்முறையாக கேரளாவை சேராத ஒருவரான கவிப்பேரரசு வைரமுத்துக்கு அண்மையில் அறிவிக்கப்பட்டது. அவர் மேல் பாலியல் குற்றச்சாட்டுகள் இருப்பதால், அவருக்கு இந்த விருதை வழங்க கூடாது என ஒருசில பெண் மற்றும் சமூக ஆர்வலர்கள் கண்டனம் தெரிவித்தனர்.

இந்நிலையில் வைரமுத்துவிற்கு விருது வழங்குவது தொடர்பாக மறுபரிசீலனை செய்யவுள்ளதாக ஓ.என்.வி விருது குழு அறிவித்துள்ளது. அதனை தொடர்ந்து தற்போது தனக்கு அறிவிக்கப்பட்ட விருதை திருப்பி தருகிறேன் என்று பரபரப்பு அறிக்கை ஒன்றை வெளியிட்டுள்ளார் கவிப்பேரரசு வைரமுத்து.

இது தொடர்பாக அவர் வெளியிட்டுள்ள அறிக்கையில், கேரள மாநிலத்தின் பெருமைமிக்க ஓ.என்.வி இலக்கிய விருது இந்த ஆண்டு எனக்கு வழங்கப்படுவதாக ஓ.என்.வி கல்சுரல் அகாடமி அறிவித்தது: நானும் நன்றி பாராட்டி வரவேற்றேன். ஆனால் காழ்ப்புணர்ச்சி கொண்ட சிலபேரின் குறுக்கீட்டினால் அந்த விருது மறுபரிசீலனைக்கு உள்ளாக்கப்படும் என்று அறிவிக்கப் பட்டிருப்பதாய் அறிகிறேன். இது என்னையும் கவிஞர் ஓ.என்.வி குரூப்பையும் சிறுமை படுத்துவதாகுமோ என்று சிந்தையழிகிறேன். அறிவார்ந்த நடுவர் குழுவும் இக்கட்டான சூழலுக்குத் தள்ளப்பட்டுவிடக்கூடாதே என்றும் தவிக்கிறேன். அதனால் சர்ச்சைகளுக்கிடையே இந்த விருதைப் பெறுவதை நான் தவிர்க்கவே விரும்புகிறேன்.

இதுவும் கடந்து போகும்: நயன்தாரா காதலர் விக்னேஷ் சிவன் எதைப்பற்றி சொல்றாரு தெரியுமா..?
ஒன்றுமட்டும் உறுதியாகச் சொல்கிறேன். நான் மிக மிக உண்மையாய் இருக்கிறேன். என் உண்மையை யாரும் உரசிப் பார்க்கத் தேவையில்லை. அதனால் திட்டவட்டமான ஒரு முடிவை எடுத்திருக்கிறேன்; அதை மிகுந்த தெளிவோடும் அன்போடும் அறிவிக்கிறேன்.

ஓ.என்.வி இலக்கிய விருது அறிவிப்பை நான் ஓ.என்.வி. கல்சுரல் அகாடமிக்கே திருப்பி அளிக்கிறேன். எனக்கு வழங்கப்படுவதாக அறிவிக்கப்பட்ட பரிசுத் தொகை ரூபாய் 3 லட்சத்தைக் கேரள முதலமைச்சரின் நிவாரண நிதியில் சேர்த்துக்கொள்ள வேண்டுமென்று அன்போடு வேண்டுகிறேன். மலையாள மண்மீதும் மக்கள்மீதும் நான் கொண்டிருக்கும் அன்பின் அடையாளமாக என்னுடைய பங்குத்தொகையாக ரூபாய் 2லட்சத்தைக் கேரள முதலமைச்சர் நிவாரண நிதிக்கு தனிப்பட்ட முறையில் நான் வழங்குகிறேன். தமிழுக்கும் மலையாளத்துக்குமான சகோதர உறவு தழைக்கட்டும்.

இந்த விருது அறிவிப்பைக் கேட்டு என்னைப் பேருள்ளத்தோடு வாழ்த்திப் பெருமை செய்த தமிழ்நாட்டு முதலமைச்சர் மு.க.ஸ்டாலின் அவர்களுக்கும், உள்ளன்போடு வாழ்த்திய உலகத் தமிழர்களுக்கும். ஊடக உறவுகளுக்கும் என் நன்றி என தெரிவித்துள்ளார் கவிப்பேரரசு வைரமுத்து.



Source link

Share on Social Media

Leave a Reply

Your email address will not be published. Required fields are marked *