Share on Social Media

உங்கள் பிறப்புறுப்புயின் ஆரோக்கியமான பாக்டீரியாவின் வளர்ச்சியை ஊக்குவிக்கும் வகையில் புரோபயோடிக் மருந்துகள் அதிக அளவில் சந்தையில் வலம் வருகின்றன. சில புரோபயோடிக் மருந்துகளை மாத்திரையாகவும், சில மாத்திரைகளை உங்கள் பிறப்புறுப்புயில் சொருகி வைத்தும் எடுத்துக் கொள்ளலாம். பெருங்குடல் அழற்சி, வயிற்றுப் போக்கு போன்ற செரிமான பிரச்சனைகளுக்கு உதவும் வகையிலும் இந்த புரோபயோடிக் மருந்துகள் உள்ளதாக ஆய்வில் தெரிய வந்துள்ளது.

​பிறப்புறுப்பு புரோபயோடிக்

முக்கியமாக இரண்டு பொதுவான பிரச்சனையின் காரணமாக மக்கள் பிறப்புறுப்பு புரோபயோடிக்கை பயன்படுத்தி வருகின்றனர். ஒன்று பிறப்புறுப்புப் பகுதியில் ஏற்படும் ஈஸ்ட் தொற்று. இது பூஞ்சை தொற்றாகும். உங்கள் பிறப்புறுப்புப் பகுதியில் வளரும் இந்த பூஞ்சை, அங்குள்ள ஆரோக்கியமான பாக்டீரியாவை அழிக்கும். அதனால், பிறப்புறுப்புப் பகுதியில் அரிப்பு ஏற்படும். அதுமட்டுமின்றி, பிறப்புறுப்புப் பகுதியில் இருந்து வெள்ளை நிற திரவமும் இந்த பூஞ்சை தொற்றால் வெளியேறும். இந்த பூஞ்சை தொற்றை தவிர்க்க பிறப்புறுப்பு புரோபயோடிக்கை பயன்படுத்தலாம்.

​பாக்டீரியா வஜினோசிஸ்

samayam tamil Tamil News Spot

மற்றொன்று பாக்டீரியா வஜினோசிஸ். இது பிறப்புறுப்புயில் தீங்கு விளைவிக்கும் பாக்டீரியாவை வளர்க்கும். அதனால் லாக்டோபாகிலஸ் போன்ற நன்மை செய்யும் பாக்டீரியாக்களின் வளர்ச்சி குறையும். அத்தோடு, உங்கள் பிறப்புறுப்புப் பகுதியில் சாம்பல் மற்றும் பச்சை நிறத்தில் திரவத்தை இந்த பாக்டீரியா வெளியேற்றும். இந்த தொற்று உங்களின் பிறப்புறுப்புயை பாதித்து இருந்தால் உடலுறவுக்குப் பின் பிறப்புறுப்புப் பகுதி மீன் மணம் வீசுவதை நீங்கள் அறியலாம். இது குழந்தை பிறக்கும் பெண்களுக்கு ஏற்படும் மிகவும் பொதுவான பிறப்புறுப்பு தொற்றாகும்.

பிறப்புறுப்பு ஆரோக்கியத்தை பராமரிக்க புரோபயோடிக்குகளைப் பயன்படுத்தலாம் தான். ஆனால், சில மருத்துவ வல்லுநர்கள் இந்த புரோபயோடிக்குகள் உங்கள் உடலில் உருவாகும் புதிய பாக்டீரியாக்கள் மற்றும் நுண்ணுயிர்களை பாதிக்கும் வகையில் இருக்கலாம் என்றும் எச்சரிக்கின்றனர்.

​புரோபயோடிக் சப்ளிமெண்ட்ஸ்

samayam tamil Tamil News Spot

சில மருத்துவ விஞ்ஞானிகள் புரோபயோடிக்குகளை எடுத்துக் கொள்வது பிறப்புறுப்பில் உள்ள பாக்டீரியாக்களின் சம நிலையை மீட்டெடுக்கவும், அதன் ஆரோக்கியத்தையும் காக்க உதவும் என்று நம்புகின்றனர். இதுபற்றி பல ஆய்வுகள் சோதனையில் உள்ளன. ஆனால், மனித உடல் என்பது எப்போதும் ஒரே மாதிரியாக செயல்படாது. ஒவ்வொருவருக்கும் பல மாறுதல்கள் உடல் அளவில் இருக்கும்.

பிறப்புறுப்பு புரோபயோடிக் மாத்திரைகள் இதுவரை, பிறப்புறுப்பு ஆரோக்கியத்தை மேம்படுத்துகிறது என்பதற்கான ஆதாரங்கள் தற்போது வரை இல்லை. ஆனால், இப்போதைக்கு இந்த பிறப்புறுப்பு புரோபயோடிக் மருந்துகள், நல்ல பாக்டீரியாவின் வளர்ச்சிக்கும், ஆண்டிபயாடிக்காகவும், பாக்டீரியா மற்றும் ஈஸ்ட் நோய்த் தொற்றுகளை தடுக்கும் வகையில் உள்ளதாக அறியப்பட்டுள்ளது.

​மருத்துவரின் ஆலோசனை

samayam tamil Tamil News Spot

நீங்கள் உங்கள் பிறப்புறுப்பு பிரச்சனைகளுக்கு புரோபயோடிக் கொண்டு சிகிச்சையளிக்க வேண்டும் என்று விரும்பினால் உங்கள் மருத்துவரை ஆலோசித்துக் கொள்வது மிகவும் நல்லது. மருத்துவ ஆலோசனையின்றி பிறப்புறுப்பு புரோபயோடிக்குகளை முயற்சித்தால் மோசமான உடல் நல அபாயங்கள் ஏற்படும் வாய்ப்புகள் உள்ளன.

Thanks for the Source

Share on Social Media

Leave a Reply

Your email address will not be published. Required fields are marked *