Share on Social Media


கோலமாவு கோகிலா படத்திற்கு பிறகு நெல்சன் திலீப்குமார் இயக்கத்தில் சிவகார்த்திகேயன் ரசிகர்களின் நீண்ட நாள் காத்திருப்பில் உள்ளான ‘டாக்டர்‘ படம் கடந்த அக்டோபர் மாதம் திரையரங்குகளில் வெளியானது. ரசிகர்கள் மற்றும் பிரபலங்களின் வாழ்த்து மழையில் திரையிட்ட இடங்களில் எல்லாம் வரவேற்பை பெற்றது ‘டாக்டர்’ படம்.

சிவகார்த்திகேயன், பிரியங்கா அருள் மோகன், யோகிபாபு, வினய் உள்ளிட்டோர் முக்கிய கதாபாத்திரத்தில் நடித்துள்ல ‘டாக்டர்’ படத்தை கே.ஜே.ஆர். ஸ்டூடியோஸ் உடன் இணைந்து, சிவகார்த்திகேயனின் சொந்த நிறுவனமான எஸ்.கே.புரொடக்‌ஷன் தயாரித்துள்ளது. இந்தப்படத்தில் ரெடின் கிங்ஸ்லியின் நடிப்பு பல தரப்பினரிடமும் பாராட்டுக்களை பெற்றது.

இந்நிலையில் ஊடகம் ஒன்றுக்கு பேட்டியளித்த ரெடின் கிங்ஸ்லி, பார்வையாளர்களின் நாடித்துடிப்பை நெல்சன் அறிந்து வைத்திருக்கிறார். படத்துக்கு இப்படி ஒரு வரவேற்பு கிடைக்கும் என்று நாங்கள் எதிர்பார்க்கவில்லை. மக்கள் ரசிப்பார்கள் என்று எங்களுக்கு நம்பிக்கை இருந்தது. ஆனால், அது இந்த அளவுக்கு இருக்கும் என்று நாங்கள் நினைக்கவில்லை. படத்தின் இறுதிக்கட்டப் பணிகளின்போது நிறைய காமெடிக் காட்சிகளை நெல்சன் வெட்ட வேண்டியிருந்தது. பிரபலமான அந்த மெட்ரோ காட்சியில் கூட சில காமெடிகள் இருந்தன. ஆனால் நெல்சன் அதைத் தவிர்த்துவிட்டார்.

என்னது சினிமாவில் இருந்து விடுவிப்பா?: சேரனின் ட்வீட்டால் ஷாக்கான சூர்யா ரசிகர்கள்!
நெல்சன் இயக்கத்தில் உருவாகவிருந்த ‘வேட்டை மன்னன்’ படத்தில் பிரதான காமெடியனாக நடிக்க ஒப்பந்தமானேன். ஆனால், அப்படம் நிறுத்தப்பட்டதால் என்னுடைய பழைய வேலைக்குத் திரும்பிச் சென்றுவிட்டேன். ஒவ்வொரு வருடமும் நெல்சன் என்னைத் தொலைபேசியில் அழைத்து அவருடைய படத்துக்காக என்னுடைய சமீபத்திய புகைப்படத்தை அனுப்பச் சொல்லிக் கேட்பார். எப்படியோ எனக்குள் ஒரு நடிகர் இருப்பதை அவர் தெரிந்து கொண்டிருக்கிறார்.

ஆனால், நடிகனாக நான் அங்கீகாரம் பெற்றதாக உணர்ந்தது வடிவேலு சாரைச் சந்தித்த போதுதான். ‘நாய் சேகர்’ படத்தில் ஒரு கதாபாத்திரத்தில் நடிக்க அவரிடமிருந்து எனக்கு அழைப்பு வந்தது. நான் அவரைச் சென்று சந்தித்தேன். என்னுடைய எல்லா காமெடிகளையும் பார்த்திருப்பதாகவும், நான் நன்றாக நடிப்பதாகவும் வடிவேலு சார் பாராட்டினார். இவ்வாறு அந்த பேட்டியில் ரெடின் கிங்ஸ்லி தெரிவித்துள்ளார்

“விநோதய சித்தம்” நாடகம் – உலகநாயகன் கமல்ஹாசன் பாராட்டு!



Source link

Share on Social Media

Leave a Reply

Your email address will not be published. Required fields are marked *