Share on Social Media


ஹைலைட்ஸ்:

  • விவேக்கை நினைத்து அழும் வடிவேலு
  • விவேக் பற்றி அழுது கொண்டே பேசிய வடிவேலு
  • விவேக் குடும்பத்தாருக்கு வடிவேலு ஆறுதல்

நகைச்சுவையால் நம்மை சிரிக்க வைத்ததோடு மட்டும் அல்லாமல் சிந்திக்கவும் வைத்த விவேக்கிற்கு மாரடைப்பு ஏற்பட்டு நேற்று மருத்துவமனையில் அனுமதிக்கப்பட்டார். இந்நிலையில் அவர் சிகிச்சை பலனின்றி இன்று அதிகாலை உயிரிழந்தார்.

விவேக்கும், வடிவேலுவும் நல்ல நண்பர்களாவர். அவர்கள் இருவரும் சேர்ந்து பல படங்களில் நடித்துள்ளனர். இந்நிலையில் விவேக்கின் மரண செய்தி அறிந்த வடிவேலு கலங்கிப் போயிருக்கிறார். இது தொடர்பாக அவர் வீடியோ ஒன்றை வெளியிட்டுள்ளார்.

அந்த வீடியோவில் வடிவேலு கண்ணீர் மல்க பேசியிருப்பதாவது,

என் நண்பன் விவேக் ஹார்ட் அட்டாக்கில் இறந்துவிட்டார் என்கிற செய்தியை கேட்டதும் ரொம்ப அதிர்ச்சியாகிவிட்டேன். அவனும், நானும் நிறைய படங்களில் இணைந்து பணியாற்றியிருக்கிறோம். அவனைப் பற்றி பேசும்போது துக்கம் தொண்டையை அடைக்கிறது. ரொம்ப நல்லவன். உதவுற சிந்தனை அதிகமாக இருக்கு அவனுக்கு. அப்துல் கலாம் ஐயா கூட நல்ல நெருக்கமாக இருப்பான். அதே மாதிரி விழிப்புணர்வு பிரச்சாரம், மரம் நடுவது, இப்படி எவ்வளவோ விஷயம் பண்ணுவான். ரொம்ப உரிமையாக என்னடா வடிவேலு… என்ன விவேக்குனு பேசிக் கொள்வோம்.

அவனை மாதிரி ஓப்பனாக பேசக் கூடிய ஆளே கிடையாது. எத்தனையோ கோடிக்கணக்கான ரசிகர்களில் அவன் எனக்கு ஒரு ரசிகன். நான் அவனுக்கு ரசிகன். அவன் பேசும் ஒவ்வொரு வார்த்தையும் மனதில் பதியுற மாதிரியே இருக்கும். என்னைவிட எதார்த்தமாக, எளிமையாகப் பேசுவான். அவனுக்கு இப்படியொரு மரணம் என்பது ரொம்ப கஷ்டமாக இருக்கிறது.

என்னால் முடியல.. இந்த நேரத்தில் என்ன பேசுவதென்று தெரியல. அவனுக்கு நேரில் அஞ்சலி செலுத்த என்னால முடியல. ஏன்னா. நான் மதுரையில் தாயாருடன் இருக்கேன். என்னோட நெஞ்சார்ந்த இரங்கலைத் தெரிவித்துக் கொள்கிறேன். விவேக்கின் குடும்பத்தினர் தைரியமாக இருக்க வேண்டும். விவேக் எங்கும் சென்றுவிடவில்லை. உங்களுடன் தான் இருக்கிறான். மக்களோடு மக்களாக நிறைந்திருக்கிறான். அவனுடைய ஆன்மா சாந்தியடைய வேண்டும் என்றார்.

கடைசி வரை நிறைவேறாமல் போன விவேக்கின் ‘அந்த’ ஆசை



Source link

Share on Social Media

Leave a Reply

Your email address will not be published. Required fields are marked *