Share on Social Media


ஹைலைட்ஸ்:

  • 2 வயது முதல் 10 வயது வரையிலான குழந்தைகளுக்கு கொரோனா தடுப்பூசி
  • கியூபா அரசு அதிரடி

2 வயது முதல் 10 வயது வரையிலான குழந்தைகளுக்கு, கொரோனா தடுப்பூசி போடும் பணியை கியூபா அரசு தொடங்கி உள்ளது.

உலகையே அச்சுறுத்தி வரும் கொரோனா வைரஸ் தொற்றுக்கு, தடுப்பூசி ஒன்றே தீர்வு. இதை அடுத்து கொரோனா தடுப்பூசி போடும் பணியில் உலக நாடுகள் தீவிரம் காட்டி வருகின்றன. பெரும்பாலான நாடுகளில், 18 வயதுக்கு மேற்பட்டவர்களுக்கு கொரோனா தடுப்பூசி போடப்பட்டு வருகிறது.

இந்நிலையில், உலகிலேயே முதல் நாடாக, 2 வயது முதல் 10 வயது வரையிலான குழந்தைகளுக்கு, கொரோனா தடுப்பூசி போடும் பணியை கியூபா அரசு தொடங்கி உள்ளது. கியூபா நாட்டிலேயே தயாரிக்கப்பட்ட அப்டாலா, சோபேரானா ஆகிய இரண்டு தடுப்பூசிகள் அனைவருக்கும் செலுத்தப்பட்டு வருகின்றன.
அக்டோபர் 1 வரை முழு ஊரடங்கு: அரசு அதிரடி அறிவிப்பு!
இரண்டு தடுப்பூசிகளும் மூன்று டோஸ் கொண்டவை. இந்த தடுப்பூசிக்கு நல்ல பலன் கிடைத்ததை அடுத்து, கடந்த வாரம் வரை 11 வயது வரையிலான சிறுவர்களுக்குச் செலுத்தப்பட்டு வந்தது. இந்நிலையில், டெல்டா வகை கொரோனா தொற்றை கட்டுப்படுத்திட, குழந்தைகளுக்குத் தடுப்பூசி செலுத்துவது அவசியம் என அந்நாட்டு சுகாதாரத் துறை தெரிவித்திருந்தது.

சரியான நேரத்தில் பா.ம.க ஆப்பு வைத்துள்ளது – புகழேந்தி ஆவேசம்!

இதன்படி, தற்போது 2 வயது முதல் 10 வயது வரையிலான குழந்தைகளுக்கு கொரோனா தடுப்பூசி செலுத்தும் பணியில் கியூபா அரசு களமிறங்கி உள்ளது. சீனா, ஐக்கிய அமீரகம் உள்ளிட்ட நாடுகளும் குழந்தைகளுக்கு கொரோனா தடுப்பூசி செலுத்தத் திட்டமிட்ட நிலையில், கியூபா அதனை வெற்றிகரமாகச் செயல்படுத்தி உள்ளது. அப்டாலா தடுப்பூசி கொரோனா வைரசுக்கு எதிராக 92.28 சதவீதம் பயனளிக்கிறது என்று தெரிவிக்கப்பட்டு உள்ளது.

கியூபாவின் இந்த அப்டாலா, சேபேரானா ஆகிய இரண்டு தடுப்பூசிகளும் உலக சுகாதார அமைப்பால் இதுவரை அனுமதிக்கப்படவில்லை என கூறப்படுகிறது. அங்குப் பள்ளிகள் திறக்கப்பட உள்ளதால் தற்போது குழந்தைகளின் பாதுகாப்பை கருத்தில் கொண்டு கியூபா அரசு தடுப்பூசி செலுத்தி வருகிறது.



Source link

Share on Social Media

Leave a Reply

Your email address will not be published. Required fields are marked *