1604309682 pic Tamil News Spot
Share on Social Media

அமெரிக்காவில் அதிபர் ட்ரம்ப் அரசின் பதவிக் காலம் முடிவுக்கு வந்துள்ளது. இதையொட்டி புதிய அதிபருக்கான தேர்தல் நாளை நடைபெறுகிறது. கொரோனா நெருக்கடிக்கு மத்தியில் நடைபெறும் மிகப்பெரும் தேர்தல் என்பதால் சர்வதேச அளவில் பெரிய எதிர்பார்ப்பை ஏற்படுத்தியுள்ளது. இந்த தேர்தலில் குடியரசுக் கட்சி சார்பில் தற்போதைய அதிபர் ட்ரம்ப், ஜனநாயகக் கட்சி சார்பில் முன்னாள் துணை அதிபர் ஜோ பைடன் ஆகியோர் போட்டியிடுகின்றனர்.

மேலும் துணை அதிபர் வேட்பாளராக தற்போதைய துணை அதிபர் மைக் பென்ஸ், ஜனநாயகக் கட்சி சார்பில் இந்திய வம்சாவளியான கமலா ஹாரிஸ் ஆகியோர் களம் கண்டுள்ளனர். இருவரும் மிகவும் தீவிரமாக பிரச்சாரம் மேற்கொண்டு வந்தனர். இதற்கிடையில் ட்ரம்பிற்கு கொரோனா தொற்று ஏற்பட்டது பெரும் பின்னடைவாக பார்க்கப்பட்டது.

ட்ரம்ப் வீட்டுக்கு செல்லும் நேரம் வந்து விட்டது: ஜோ பைடன்

ஆனால் அதிலிருந்து மீண்டு வந்து புதிய உற்சாகத்துடன் ட்ரம்ப் காணப்படுகிறார். தபால் வாக்குகளும், முன்கூட்டியே நேரில் வந்தும் பலரும் தங்கள் வாக்கைப் பதிவு செய்துள்ளனர். அதில் ஜோ பிடனுக்கே பலரும் ஆதரவு தெரிவித்ததாக கூறப்படுகிறது. இந்நிலையில் தேர்தலுக்கு முந்தைய கருத்துக்கணிப்பு முடிவுகள் வெளியாகியுள்ளன.

என்.பி.சி நியூஸ் கருத்துக்கணிப்பு

* ஜோ பைடன் – 51.5 சதவீதம்
* டொனால்ட் ட்ரம்ப் – 44.4 சதவீதம்

சி.என்.என் கருத்துக்கணிப்பு

* ஜோ பைடன் – 52 சதவீதம்
* டொனால்ட் ட்ரம்ப் – 42 சதவீதம்

குறிப்பாக அரிசோனா, ப்ளோரிடா, ஜார்ஜியா, அயோவா, மைனே, மிச்சிகன், மின்னசோட்டா, வடக்கு கரோலினா, நியூ ஹேம்ப்ஷயர், நெவாடா, பென்சில்வேனியா, விஸ்கான்சின் ஆகிய மாகாணங்களில் இரு கட்சிகளுக்கு ஆதரவு இருக்கிறது. எனவே இங்கு இரு அதிபர் வேட்பாளர்களுக்கு இடையில் கடும் போட்டி நிலவுகிறது.

Thanks for the Source

Share on Social Media

Leave a Reply

Your email address will not be published. Required fields are marked *