Share on Social Media


ஹைலைட்ஸ்:

  • அச்சுறுத்தும் புதிய வகை கொரோனா
  • சர்வதேச விமான சேவை ரத்து

தென் ஆப்பிரிக்க நாட்டில், புதிய வகை கொரோனா வைரஸ் தொற்று பரவி வருவதை அடுத்து, 6 நாடுகள் உடனான விமான சேவையை அமெரிக்க அரசு ரத்து செய்துள்ளது.

உலகையே கடந்த ஒன்றரை ஆண்டுகளாக கொரோனா வைரஸ் தொற்று ஆட்டிப் படைத்து வருகிறது. பல நாடுகளில் கொரோனா பரவல் குறையத் தொடங்கி இருக்கும் நிலையில், தென் ஆப்பிரிக்காவில், கடந்த சில தினங்களுக்கு முன்பு, பி.1.1.529 என்ற புதிய வகை உருமாற்ற கொரோனா வைரஸ் கண்டறியப்பட்டு உள்ளது. இந்த வகை கொரோனா, டெல்டா வகை கொரோனாவை விட ஆபத்தானது என்றும், காற்றில் பரவக் கூடியது என்றும் நிபுணர்கள் எச்சரிக்கை விடுத்துள்ளனர்.

இதற்கிடையே, தென் ஆப்பிரிக்காவில் முதன் முதலாக கண்டறியப்பட்ட உருமாற்றம் அடைந்த புதிய வகை கொரோனா, இஸ்ரேலுக்கும் பரவியது. இதனையடுத்து அங்கிருந்து பயணிகள் வருவதற்கு ஜெர்மனி, இத்தாலி ஆகிய நாடுகள் தடை விதித்துள்ளன.
அச்சுறுத்தும் ‘ஒமைக்ரான்’ வைரஸ் – கதிகலங்கும் உலக நாடுகள்!
இந்நிலையில், தென் ஆப்பிரிக்கா, போட்ஸ்வானா, ஜிம்பாப்வே, நமீபியா, லெசோதோ, ஈஸ்வதினி, மொசாம்பிக் மற்றும் மலாவி ஆகிய எட்டு ஆப்பிரிக்க நாடுகள் உடனான விமான சேவையை அமெரிக்க அரசு ரத்து செய்துள்ளது. இந்த உத்தரவு வரும் 29 ஆம் தேதி முதல் அமலுக்கு வரும் என அறிவிக்கப்பட்டு உள்ளது. நேற்று பிரிட்டன் இந்த நாடுகளுடனான விமான சேவையை ரத்து செய்தது குறிப்பிடத்தக்கது.



Source link

Share on Social Media

Leave a Reply

Your email address will not be published.