Share on Social Media


உறியடி‘ என்கிற முதல் படத்திலேயே சாதி பிரச்னை சார்ந்த ஒரு அழுத்தமான கதைக்களத்தை தேர்ந்தெடுத்து, அதனை மாணவர்களின் வாழ்க்கையோடு இணைத்து அதிரடியாக கூறியவர் விஜய்குமார். அப்படத்திற்கு கிடைத்த வரவேற்பும் வெற்றியும் அவர் மீதான நம்பிக்கையை ரசிகர்களுக்கு ஏற்படுத்தியது.

அடுத்ததாக அவர் இயக்கி நடித்த ‘உறியடி 2’ திரைப்படமும் மக்களுக்கு, சுற்றுச்சூழலுக்கு தீங்காக விளங்கும் நச்சு ஆலையை பற்றி பதிவு செய்திருந்தது. மக்களின் உறுதிமிக்க போராட்டத்தை காட்சிப்படுத்தியதோடு, அரசியல் கட்சிகளின் போலி வேடத்தையும் ‘உறியடி 2’ தோலுரித்து. இப்படத்தை நடிகர் சூர்யா தனது 2டி நிறுவனத்தின் மூலம் வெளியிட்டது இதன் கூடுதல் சிறப்பம்சம்.

இதனால் தமிழ் திரை ரசிகர்களை பொறுத்தவரை, சமூக மேம்பாடு சார்ந்த கதைக்களத்தை மிக அழுத்தமாகவும், ரசிக்கும் வகையிலும் படமாக தரக்கூடியவர் விஜய்குமார் என்கிற பிம்பம் ஏற்பட்டிருக்கிறது.

கள்ளக்காதலுக்காக கணவரை கொன்று வில்லியாகப் போகிறாரா சிம்ரன்?

இத்தகைய சூழலில் விஜய்குமாரின் புதிய படம் குறித்த அறிவிப்பு கிடைத்திருக்கிறது. ரீல் குட் பிலிம்ஸ் சார்பில் ஆதித்யா தயாரிக்கும் இப்படத்தை அறிமுக இயக்குநர் அப்பாஸ் இயக்குகிறார். இதனை தயாரிப்பு நிறுவனம் இன்று அதிகாரபூர்வமாக அறிவித்திருக்கிறது.

ஏற்கனவே ‘கன்னிமாடம்’ போஸ்வெங்கட் இயக்கத்தில் விஜய்குமார் நடிக்க பேச்சுவார்த்தை நடைபெற்று பணிகள் தொடங்கியதாக செய்திகள் வெளியாகின. அதேபோல் வேறுசில படங்களிலும் அவர் நடிப்பதாக கூறப்பட்டது. மறுபுறம் சுதா கொங்காரா இயக்கத்தில் சூர்யா நடித்த ‘சூரரைப் போற்று’ திரைப்படத்தின் வசனத்தில் விஜய்குமார் பங்களிப்பு செலுத்தினார்.

பல்வேறு செய்திகள், யூகங்களுக்கு பிறகு இறுதியாக விஜய்குமார் நடிக்கும் அடுத்த படம் பற்றிய உறுதியான தகவலை படக்குழு வெளியிட்டிருக்கிறது. படத்தின் தலைப்பு, நடிகர்கள் உள்ளிட்ட மேலதிக தகவல்கள் விரைவில் வெளியாகலாம்.



Source link

Share on Social Media

Leave a Reply

Your email address will not be published. Required fields are marked *