Share on Social Media


சிறுநீர் கழிப்பது என்பது அன்றாட வாழ்வில் ஒரு சகஜமான விஷயமாகும். நாம் குடிக்கும் தண்ணீருக்கு ஏற்ப ஒரு நாளில் சில முறைகள் நாம் சிறுநீர் கழிக்கலாம். ஆனால் சில நேரங்களில் அடிக்கடி நமக்கு சிறுநீர் கழிக்கும் சூழ்நிலை ஏற்படுகிறது. இந்த நேரங்களில் சிறுநீர் கழிக்கும்போது நமக்கு மிகுந்த வேதனை ஏற்படுகிறது. முக்கியமாக பயணத்தில் இருக்கும்போது, அலுவலக சந்திப்பில் இருக்கும்போது அல்லது திரையரங்குகளில் இருக்கும்போது இந்த மாதிரியான பிரச்சனைகள் ஏற்படும்போது அவை மிகுந்த சங்கடத்தை ஏற்படுத்துகின்றன.

நமது உடலுக்கும் இப்படியான சிறுநீர் வேதனைக்கும் இடையே தொடர்புண்டு. ஆனால் பல காரணங்களால் சிறுநீர் வேதனையானது நமக்கு ஏற்படுகிறது. நீங்கள் உங்கள் வகுப்பறையிலோ அல்லது அலுவலகத்திலோ இந்த மாதிரியான பிரச்சனைகளை அனுபவிக்கிறீர்கள் எனில் கீழே பட்டியலிடப்பட்டுள்ள ஏதேனும் ஒரு பாதிப்பு உங்களுக்கு ஏற்பட்டிருக்கலாம்.

​சிறுநீர் பாதை தொற்றுகள் (யு.டி.ஐ)

சிறுநீரகங்கள், சிறுநீர் குழாய்கள், சிறுநீர் பை போன்ற சிறுநீர் பாதையில் அல்லது மொத்த சிறுநீரக அமைப்பிலும் ஏற்படும் தொற்றானது சிறுநீர் பாதை தொற்று என அழைக்கப்படுகிறது. பாக்டீரியா போன்ற நுண்ணுயிர்கள் சிறுநீர் பாதையில் அதிகரிக்கும்போது இந்த தொற்று ஏற்படுகிறது. இதனால் அடிக்கடி சிறுநீர் கழிப்பதற்கு அவை தூண்டுகின்றன, சிறுநீர் கழிக்கும்போது வலி, எரியும் உணர்வு, வயிற்றில் வலி போன்ற பல உடல் ரீதியான பிரச்சனைகளை இவை ஏற்படுத்துகின்றன.

இந்த சிறுநீர் பாதை தொற்றானது ஆண், பெண் என இருபாலரையும் பாதிக்கிறது. இருவருக்கும் ஒரே மாதிரியான அறிகுறிகளையே ஏற்படுத்துகிறது. சில நேரங்களில் இது தானாகவே சரியாகிவிடுகிறது. இந்த பிரச்சனை தொடர்ந்து இருக்கும் பட்சத்தில் நீங்கள் மருத்துவரைச் சந்திப்பது நல்லது.

​நீரிழிவு

samayam tamil Tamil News Spot

நீங்கள் நீரிழிவு நோயாளிகளாக உள்ளீர்கள் எனில் அடிக்கடி நீங்கள் சிறுநீர் கழிப்பதற்கான வாய்ப்புகள் உள்ளன. பொதுவாக டைப் 1 மற்றும் டைப் 2 என இருவகை நீரிழிவு நோயாளிகளுக்குமே இந்த பிரச்சனை உள்ளது. கட்டுப்பாடற்ற நீரிழிவு உள்ளவர்களுக்கு உடலில் அதிக அளவில் இரத்த சர்க்கரை இருக்கும். இந்த இரத்த சர்க்கரையானது சிறுநீர் வடிவில் வெளியேறும் என்பதால் அவர்கள் அதிகப்படியான அளவில் சிறுநீரை வெளியேற்றுகின்றனர். இதனால் அவர்களுக்கு அதிக தாகம் மற்றும் பசி, எடை இழப்பு, சோர்வு, பார்வை திறனில் பிரச்சனைகள், மனநிலையில் மாற்றம் என பல்வேறு பாதிப்புகள் ஏற்படுகின்றன.

வாழைப்பழத்தைவிட உங்க உடம்புல இருக்கிற இந்த 4 பிரச்சனைய சரிபண்ண வாழைக்காய்தான் சிறந்தது…

​தைராய்டு பிரச்சனை

samayam tamil Tamil News Spot

தைராய்டு சுரப்பியானது வழக்கமாகச் சுரக்கும் அளவை விட அதிகமான அளவில் ஹார்மோனை உற்பத்தி செய்யும்போது தைராய்டு பிரச்சனைகள் ஏற்படுகின்றன. இது ஹைப்பர் தைராய்டு என அழைக்கப்படுகிறது. இது சிறுநீரக செயல்பாடுகளில் பாதிப்பை ஏற்படுத்துகிறது. இதனால் அடிக்கடி சிறுநீர் கழிக்க இது வழிவகுக்கிறது. எடை இழப்பு, ஒழுங்கற்ற இதயத் துடிப்பு, தூக்கமின்மை, முடி உதிர்தல் மற்றும் குடல் இயக்கத்தில் பிரச்சனை ஆகியவை இதனால் ஏற்படும் மற்ற அறிகுறிகளாக உள்ளன.

​புரோஸ்டேட் பிரச்சனை

samayam tamil Tamil News Spot

புரோஸ்டேட் புற்றுநோயானது பொதுவாக ஆண்களை அதிகம் பாதிக்கக்கூடிய புற்றுநோயாகும். ஆண் இனப்பெருக்க அமைப்பில் ஒரு சிறிய சுரப்பியாக புரோஸ்டேட் உள்ளது, இது விந்திற்குத் தேவையான திரவத்தை உற்பத்தி செய்கிறது. புரோஸ்டேட் அதிகமாக உற்பத்தி ஆகும்போது அடிக்கடி சிறுநீர் கழித்தல், சிறுநீர் கழிக்கும்போது வலி, விந்து வெளியேறும்போது வலி அல்லது எரியும் உணர்வு ஆகியவை ஏற்படுகின்றன. இவை தீவிரமடையும் பட்சத்தில் பல ஆரோக்கிய சிக்கல்களை ஏற்படுத்துவதற்கு வாய்ப்புள்ளது. எனவே இந்த பிரச்சனையைத் தொடர்ந்து சந்திப்பவர்கள் மருத்துவர்களை அணுகுவது நல்லது.

மாதவிடாய் வலியை குறைக்கணும்னா சாப்பிட வேண்டிய 10 உணவுகள் இவைதான்…

​பக்கவாதம்

samayam tamil Tamil News Spot

ஒருவருக்குப் பக்கவாதம் ஏற்படும்போது பெரும்பாலும் அது சிறுநீர்ப்பை செயல்பாடுகளை ஒழுங்குபடுத்தும் நரம்புகளைச் சேதப்படுத்துகிறது. இதனால் இந்த நரம்புகளால் சிறுநீர்ப்பைக்கு சரியான சமிக்ஞைகளை அனுப்ப முடிவதில்லை என்பதால் நீங்கள் அடிக்கடி சிறுநீர் கழிக்க இது காரணமாக இருக்கும். இதனால் சிறுநீர் கழிப்பதில் சிரமம் அல்லது சிறுநீரை அடக்குவதில் பிரச்சனை போன்ற அறிகுறிகளும் ஏற்படுகின்றன.

​சிறுநீர்ப்பை கற்கள்

samayam tamil Tamil News Spot

சிறுநீர்ப் பையில் உருவாகும் திடமான கனிம கட்டிகளை நாம் சிறுநீர்ப்பை கற்கள் எனக் கூறுகிறோம். இது பெரிதாக வளர வளர சிறுநீர்ப்பையை எரிச்சலூட்டும், மேலும் இது கடுமையான வலியையும் ஏற்படுத்தும். ஆனால் சிறுநீர்ப்பை கற்கள் சிறுநீரக கற்களிலிருந்து வேறுபடுகின்றன. அவை வித்தியாசமாக உருவாகின்றன. இவை சிறுநீரகத்திற்கு மேற்புறம் உருவாகின்றன. ஆனால் இந்த பிரச்சனைக்கு சிகிச்சையாக்கப்படாவிட்டால் அவை சிறுநீரகத்திற்கும் செல்லலாம் இதனால் அவை சிறுநீர் கற்களாக வளர வாய்ப்புள்ளது.

அடிக்கடி சிறுநீர் கழித்தல் மற்றும் வயிற்று வலி போன்றவை இதனால் ஏற்படும் அறிகுறிகளாக உள்ளன.

அதிகமா பனீர் சாப்பிட்டா இந்த பிரச்சினைலாம் வருமாம்… பார்த்து அளவா சாப்பிடுங்க…

​கவலை

samayam tamil Tamil News Spot

ஒரு நபர் பதற்றம், பயம் மற்றும் கவலையுடன் இருக்கும்போது அதனால் அவரது உடலில் பல்வேறு பிரச்சனைகள் ஏற்படுகின்றன. ஆராய்ச்சியாளர்களின் கருத்துப்படி இதனால் சில நேரங்களில் அதிகமாகச் சிறுநீர் கழிக்க வாய்ப்புள்ளது எனக் கூறுகின்றனர். நாம் கவலைப்படும்போது அது தசைகளில் பதற்றத்தை ஏற்படுத்துகிறது. இது சிறுநீர்ப் பையில் உள்ள தசைகளையும் பாதிக்கிறது. எனவே இது சிறுநீர் கழிக்கத் தூண்டுகிறது.

எனவே மேற்கூறிய பிரச்சனைகள் யாவும் சிறுநீர் அதிகமாகக் கழிப்பதற்கான வாய்ப்புகளை ஏற்படுத்தும் உடல் பிரச்சனைகளாக உள்ளன. எனவே அடிக்கடி சிறுநீர் கழித்தல் மற்றும் சிறுநீர் கழிக்கும்போது வலி, எரிச்சல் ஏற்படுதல் போன்ற பிரச்சனைகளை கண்டுகொள்ளாமல் விட்டுவிட வேண்டாம். தொடர்ந்து இந்த பிரச்சனைகள் இருக்கும்பட்சத்தில் மருத்துவரை அணுகுவது நல்லது.



Source link

Share on Social Media

Leave a Reply

Your email address will not be published. Required fields are marked *