Share on Social Media


ஹைலைட்ஸ்:

  • 15,000 அடி உயரத்தில் பறந்து கொண்டிருந்த போது, விமானத்தின் ஒரு என்ஜினில் தீப்பிடித்தது
  • என்ஜினில் பற்றிய தீ வேகமாக பரவி அதனுடைய பாகங்கள் வரும் வழியிலேயே ஆகாயத்தில் இருந்து விழுந்தது
  • , சாமர்த்தியமாக செயல்பட்ட பைலட், விமானத்தை டென்வர் விமான நிலையத்தில் அவசரமாக தரையிறக்கினார்

அமெரிக்காவின் டென்வர் நகரில் இருந்து ஹொனலுலு நகருக்கு 231 பயணிகள், 10 விமான ஊழியர்களுடன் யுனைடெட் ஏர்லைன்ஸ் நிறுவனத்தின் போயிங் 777-200 ரக பயணிகள் விமானம் புறப்பட்டது. விமானம் சுமார் 15,000 அடி உயரத்தில் பறந்து கொண்டிருந்த போது, ஒரு என்ஜினில் தீப்பிடித்தது. இதனால் விமானம் உடனடியாக டென்வர் விமான நிலையத்திற்கு திருப்பப்பட்டது.

விமானத்தில் தீப்பிடித்த தகவல் விளக்கி சொல்லப்பட்டு டென்வர் விமான நிலையத்தில் உடனடியாக தரையிறக்க அனுமதி கோரப்பட்டது. தொடர்ந்து, மீட்புக் குழுவினருக்கு தகவல் தெரிவிக்கப்பட்டு அக்குழுவினரும் விமான நிலையத்தில் தயார் நிலையில் இருந்தனர்.

இதனிடையே, விமானத்தின் என்ஜினில் பற்றிய தீ வேகமாக பரவி அதனுடைய பாகங்கள் வரும் வழியிலேயே ஆகாயத்தில் இருந்து விழுந்தது. அந்த பாகங்கள் குடியிருப்பு பகுதிகளில் உள்ள சில வீடுகளின் கூரை மீதும், தரையிலும் விழுந்தது. இதனால், விமானத்தில் பயணித்த பயணிகளும், பொது மக்களும் பீதியடைந்தனர்.

இருப்பினும், சாமர்த்தியமாக செயல்பட்ட பைலட் பதற்றப்படாமல் செயல்பட்டு, விமானத்தை டென்வர் விமான நிலையத்தில் அவசரமாக தரையிறக்கினார். இதையடுத்து, என்ஜினில் பற்றிய தீ அணைக்கப்பட்டது. விமானத்தில் இருந்த பயணிகள் பத்திரமாக மீட்கப்பட்டனர்.

கீழே விழுந்த விமான பாகம்

இந்த விபத்தில் யாருக்கும் எந்த பாதிப்பும் ஏற்படவில்லை என்று தெரிவிக்கப்பட்டுள்ளது. விமானத்தை பாதுகாப்பாக தரையிறக்கி மிகப்பெரிய விபத்தை தவிர்த்த விமானிக்கு பல்வேறு தரப்பினரும் பாராட்டுகளை தெரிவித்து வருகின்றனர்.
tamil samayam Tamil News Spotஅபராதம் வேண்டாம்; லிப் கிஸ் கொடுங்க; அதிரவைத்த போலீஸ் அதிகாரி – வைரல் வீடியோ!

விமான என்ஜினில் தீப்பிடித்தபோது எடுக்கப்பட்ட வீடியோ, விமானத்தின் உடைந்த பாகங்கள் குடியிருப்பு பகுதியில் விழுந்து கிடக்கும் புகைப்படங்கள் வெளியாகி உள்ளன. அதேசமயம், நடுவானில் என்ஜினில் தீ பற்றியதற்கான காரணம் குறித்து அறிய விசாரணை முடுக்கி விடப்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *