Share on Social Media


ஹைலைட்ஸ்:

  • ஆப்கனில் பெண்களுக்கு கல்வி மறுக்கப்படுவது அடிப்படை உரிமையை மீறும் செயல்
  • தலிபான்களுக்கு யுனெஸ்கோ, யுனிசெப் எச்சரிக்கை!

ஆப்கானிஸ்தான் பெண்களுக்கு கல்வி மறுக்கப்படுவது, அடிப்படை உரிமையை மீறும் செயல் என, யுனெஸ்கோ, யுனிசெப் அமைப்புகள் எச்சரிக்கை விடுத்துள்ளன.

தெற்கு ஆசிய நாடான ஆப்கானிஸ்தானில், சுமார் 20 ஆண்டுகளுக்கு பிறகு, அமெரிக்கப் படைகள் வெளியேறியதை அடுத்து, தலிபான் அமைப்பினர் ஆட்சி அதிகாரத்தை கைப்பற்றி உள்ளனர். மேலும் அங்கு தற்காலிக அரசையும் அமைத்துள்ளனர். இன்னும் தலிபான் அரசு பதவி ஏற்கவில்லை.

இதற்கிடையே, பெண்கள் வேலைக்கு வரக் கூடாது, படிக்கக் கூடாது, பள்ளிகளுக்கு வரக் கூடாது போன்ற பல்வேறு கட்டுப்பாடுகளை ஆப்கானிஸ்தான் பெண்களுக்கு தலிபான்கள் விதித்துள்ளனர். பெண்களுக்கான உரிமைகள் மறுக்கப்பட்டு வருவதால், ஆப்கன் பெண்கள் அதிர்ச்சி அடைந்துள்ளனர். இந்நிலையில், யுனிசெப், யுனெஸ்கோ அமைப்புகள், பெண் குழந்தைகள் படிக்க தடை விதித்த தலிபான்களின் உத்தரவுக்குக் கண்டனம் தெரிவித்துள்ளன. இது குறித்து வெளியிடப்பட்டுள்ள அறிக்கையில் தெரிவிக்கப்பட்டு உள்ளதாவது:
இட்ஸ் மெடிக்கல் மிராக்கிள்..! – இறந்து 45 நிமிடங்களுக்கு பிறகு பெண் உயிர்த்தெழுந்த அதிசயம்!
ஆப்கானிஸ்தானில், பெண்கள் பள்ளிகளை மூடுவது என்பது அவர்களின் அடிப்படை உரிமையை மீறும் செயலாகும். இதை ஒருபோதும் ஏற்றுக் கொள்ள முடியாது. அனைத்து நிலைகளிலும் பெண் குழந்தைகளுக்குக் கல்வி மறுக்கப்பட்டால், அவர்களைப் பள்ளிகளுக்கு அனுமதிக்காவிட்டால் மீள முடியாத பின்விளைவுகளைச் சந்திக்க வேண்டி இருக்கும்.

குறிப்பாக, உயர்நிலைப் பள்ளி அளவில் மாணவிகளுக்குத் தாமதமாக அனுமதி அளிப்பது அவர்களின் கல்வியிலும், வாழ்க்கையிலும் பாதிப்பை ஏற்படுத்தும். மேலும், கல்வி இடைநிற்றல் விகிதத்தை அதிகப்படுத்தி, எதிர்விளைவாக குழந்தைத் திருமணத்துக்கு இட்டுச் செல்லும். மேலும், மாணவர்கள், மாணவிகளுக்கு இடையிலான கல்வி கற்கும் இடைவெளியே அதிகப்படுத்தி, பெண் குழந்தைகள் உயர் கல்வி பெறுவதையும், வாய்ப்புகளையும் பறிக்கும்.

கிளாமர் அப்படின்னா என்ன? நடிகை சாய் பல்லவி பேட்டி

ஆப்கனில் கல்வி வாய்ப்புகளைப் பெண்களுக்கு வழங்கியதன் மூலம் குறிப்பிடத்தகுந்த முன்னேற்றத்தை அடைந்துள்ளார்கள். அதைப் பாதுகாக்க வேண்டும். படித்த மாணவர்கள், மாணவிகள் எதிர்காலத்தில் ஆப்கனை செம்மைப்படுத்தக் கூடியவர்கள். கல்வி உரிமை மூலம் இரு பாலின மாணவர்களும் பலன் அடைய வேண்டும்.
இவ்வாறு தெரிவிக்கப்பட்டு உள்ளது.

‘ஆப்கனின் எதிர்காலம் நன்கு படித்த மாணவர்கள், மாணவிகளைச் சார்ந்திருக்க வேண்டும். ஆதலால் ஆப்கனை நிர்வாகம் செய்யும் ஆட்சியாளர்கள், அனைத்துக் குழந்தைகளும் கல்வி உரிமையைப் பெற சமமான அளவில் வாய்ப்பை வழங்க வேண்டும்’ என, யுனிசெப் வலியுறுத்தி உள்ளது.



Source link

Share on Social Media

Leave a Reply

Your email address will not be published. Required fields are marked *