Share on Social Media


சட்டமன்ற தேர்தல் தொடங்குவதற்கு முன்பாக பிசியாக திரைப்படங்களில் நடித்து கொண்டிருந்த உதயநிதி ஸ்டாலின், சேப்பாக்கம் தொகுதியில் போட்டியிட்டு, எம்எல்ஏவாக பொறுப்பேற்ற பின்னர் தொகுதி பணிகளில் பிசியானார். இதனால் அவர் கமிட் ஆன படங்களின் படப்பிடிப்புகள் நிறுத்தி வைக்கப்பட்டது. இந்நிலையில் மீண்டும் படப்பிடிப்பில் பிசியாகியுள்ளார் உதயநிதி ஸ்டாலின்.

அருண்ராஜா காமராஜ் நடிகர், பாடலாசிரியர் மற்றும் பாடகர் என பன்முகம் கொண்டவர். இவர் கனா படத்தின் மூலம் இயக்குனராக அறிமுகமானார். அவரின் நண்பரான நடிகர் சிவகார்த்திகேயன் இந்தப்படத்தை தயாரித்திருந்தார். ஐஸ்வர்யா ராஜேஷ், சத்யராஜ் நடிப்பில் வெளியான இந்த படம் பெண்கள் கிரிக்கெட் விளையாட்டை மையமாக வைத்து உருவாகி இருந்தது.

வசூல் மற்றும் விமர்சனரீதியாக நல்ல வரவேற்பை பெற இந்தப்படத்தை தொடர்ந்து அருண்ராஜா காமராஜின் இரண்டாவது படம் குறித்த எதிர்பார்ப்பில் இருந்தனர் ரசிகர்கள். அதன்படி, ஹிந்தியில் ஹிட்டடித்த ‘ஆர்டிகள் 15’ படத்தை தமிழில் ரீமேக் செய்து வருகிறார். உதயநிதி ஸ்டாலின் நடிக்கும் இந்த படத்தை ஜீ5 ஸ்டுடியோஸ் சார்பில் போனி கபூர் தயாரிக்கிறார்.

தோனியிடமிருந்து நிறைய அன்பு கிடைத்திருக்கிறது: நடிகர் சூர்யா நெகிழ்ச்சி!
இந்நிலையில் இந்தப்படத்தின் மோஷன் போஸ்டர் மற்றும் படத்தின் டைட்டில் வெளியாகியுள்ளது. கலைஞர் கருணாநிதி எழுதிய பிரபலமான நூலான நெஞ்சுக்கு நீதியை உதயநிதி ஸ்டாலினின் பட தலைப்பாக்கியுள்ளனர். இந்த மோஷன் போஸ்டர் தற்போது இணையத்தில் வைரலாகி வருகிறது.

மேலும் மு.மாறன் இயக்கத்தில் கண்ணை நம்பாதே என்ற த்ரில்லர் படத்திலும் நடித்து வருகிறார் உதயநிதி. இதில் அவர் ஜோடியாக ஆத்மிகா நடிக்கிறார். இதுதவிர கே.எஸ்.அதியமான் இயக்கத்தில் ஹாரர் படமான ஏஞ்சல் படத்திலும் நடிக்கவுள்ளார். உதயநிதியின் ரெட் ஜெயண்ட் மூவிஸ் தயாரிக்கும் இந்தப்படத்திற்கு, அரோல் கரோலி இசையமைக்கிறார்.

ஒரு கண்ணுல பீஸ்ட்; இன்னொரு கண்ணுல வலிமை; அபிராமி



Source link

Share on Social Media

Leave a Reply

Your email address will not be published. Required fields are marked *