Share on Social Media


பா.ரஞ்சித் இயக்கத்தில் ஆர்யா நடிப்பில் உருவாகியுள்ள திரைப்படம் சார்பட்டா பரம்பரை கடந்த சில தினங்களுக்கு முன்பாக அமேசான் ப்ரைம் தளத்தில் வெளியானது. ரஞ்சித்தின் நீலம் புரொடக்ஷன்ஸுடன் இணைந்து கே9 ஸ்டுடியோஸ் தயாரித்துள்ள இந்த படம் பாக்சிங்கை மையமாக வைத்து உருவாகியுள்ளது. . இந்நிலையில் இந்தப்படம் குறித்து நடிகரும் சேப்பாக்கம் தொகுதி எம்எல்ஏவுமான உதயநிதி ஸ்டாலின் ட்விட்டியுள்ளார் .

அட்ட்கத்தி, மெட்ராஸ், கபாலி, காலா திரைப்படங்களை தொடர்ந்து தற்போது சார்பட்டா பரம்பரை திரைப்படத்தை இயக்கி உள்ளார் பா.ரஞ்சித். சார்பட்டாவில் பாக்ஸிங் வீரராக ஆர்யா, பசுபதி, அனுபாமா குமார், சஞ்சனா நடராஜன், சந்தோஷ் பிரதீப் ஆகியோரும் முக்கிய கதாபாத்திரத்தில் நடித்துள்ளனர். கடந்த இரு தினங்களுக்கு முன்பாக அமேசான் ப்ரைம் தளத்தில் வெளியான இந்தப்படம் அனைவரிடமும் நேர்மறையான விமர்சனங்களையே பெற்று வருகிறது.

வடசென்னையில் எண்பதுகளில் பிரபலமாக இருந்த குத்துச் சண்டை அணிகளைப் பற்றி அடிப்படையாக கொண்டு இந்தப்படம் உருவாகியுள்ளது. சார்பட்டா பரம்பரை, இடியப்ப பரம்பரை என இரண்டு அணிகள் குத்துச் சண்டையில் மோதுவதை அடிப்படையாக கொண்டு உருவாகியுள்ள இந்தப்படத்திற்கு பலரும் வாழ்த்துக்கள் தெரிவித்து வருகின்றன. திரைத்துறையை சேர்ந்த பிரபலங்களும் சார்பட்டா பரம்பரை படக்குழுவினருக்கு வாழ்த்து கூறி வருகின்றனர்.

இயக்குநர் அவதாரமெடுக்கும் விஜய் ஆண்டனி: பிறந்தநாளில் வெளியான அதிகாரப்பூர்வ அறிவிப்பு!
இந்நிலையில், சார்பட்டா படத்துக்கு சேப்பாக்கம் தொகுதி எம்.எல்.ஏ.வும் நடிகருமான உதயநிதி ஸ்டாலின் பாராட்டு தெரிவித்துள்ளார். இது தொடர்பாக அவர் தனது ட்விட்டர் பக்கத்தில், ‘ 70-களின் பின்னணியில் குத்துச்சண்டை விளையாட்டை மையப்படுத்தி வெளிவந்துள்ள ’சார்பட்டா பரம்பரை’ முக்கியமான திரைப்படம். அந்த காலத்தில் இருந்த அரசியல் நெருக்கடி நிலையையும், அதை கழகம் – கலைஞர் – கழக தலைவர் எதிர்கொண்ட விதத்தையும் கதையோடு காட்சிப்படுத்தியிருப்பது சிறப்புக்குரியது.

மேலும், கபிலனாக அசத்தியுள்ள நண்பர் ஆர்யா, கழகத்துக்கார் ரங்கன் வாத்தியாராக பசுபதி சார், டான்ஸிங் ரோஸ், வேம்புலி, ஜான் விஜய் என ஒவ்வொரு கதாபாத்திரங்களையும் கதையில் வாழ செய்துள்ள நண்பர் இயக்குனர் ரஞ்சித்துக்கும், ஒட்டுமொத்த படக்குழுவுக்கும் வாழ்த்துகள் என குறிப்பிட்டுள்ளார் உதயநிதி ஸ்டாலின்.



Source link

Share on Social Media

Leave a Reply

Your email address will not be published. Required fields are marked *