1602777084 pic Tamil News Spot
Share on Social Media

அம்மா மக்கள் முன்னேற்றக் கழகத்தின் முன்னாள் சட்ட மன்ற உறுப்பினரும், பொருளாளருமான வெற்றிவேலுக்கு சில தினங்களுக்கு முன் கொரோனா தொற்று உறுதிசெய்யப்பட்டது. முதலில் அவருக்கு வீட்டிலேயே வைத்து சிகிச்சை அளிக்கப்பட்டு வந்தது.

இந்த சூழலில் திடீரென வெற்றிவேலுக்கு மூச்சுத் திணறல் ஏற்பட்டது. இதைத்தொடர்ந்து அக்டோபர் 6ஆம் தேதியன்று அவர் போரூர் ராமச்சந்திரா மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்த நிலையில் இன்று 6.40 மணி உயிரிழந்தார். அவரது இறப்பிற்கு அமமுக கட்சியின் பொது செயலாளர் டிடிவி தினகரன் இரங்கல் தெரிவித்துள்ளார்.

டிடிவி தினகரன் அறிக்கை, ” அம்மா மக்கள் முன்னேற்றக் கழகத்தின் பொருளாளரும் எனது இனிய நண்பருமான முன்னாள் எம்எல்ஏ வெற்றிவேல் மறைந்தார் என்ற செய்தியை நம்ப முடியாமல் தவிக்கிறேன். மிகுந்த வேதனையும் சொல்ல முடியாத துயரமும் என் தொண்டையை அடைக்கிறது.

samayam tamil Tamil News Spot

அமமுக பொருளாளர் வெற்றிவேல் காலமானார்

”முன்னாள் முதல்வர் ஜெயலலிதா மற்றும் சசிகலாவின் பேரன்பை பெற்றவர் என் மீது அளவிட முடியாத பாசம் கொண்டவர். எதையும் உரிமையோடு பளிச்சென பேசுபவர். என்ன நடந்தாலும் நான் தியாகத்தின் பக்கம் உண்மையின் பக்கம் நிற்பேன் என்று உறுதிபட சொல்லி இறுதி வரை தமிழகத்தின் மீது அளப்பரிய அன்பு கொண்டிருந்தார்.

”துரோகத்திற்கு எதிராக நாம் நடத்தி வருகிற புனிதப் போரில் ஒரு தளபதியாக நம்மோடு களத்தில் நின்றவர். வெற்றி வெற்றி என வாய் நிறைய அழைத்து இனி யாரிடம் பேச போகிறோம் என்கிற போது எதற்கும் கலங்காத என் உள்ளம் கலங்கி தவிக்கிறது.

அமமுக பொருளாளர் வெற்றிவேல் காலமானார்!

”வெற்றிவேலின் மறைவு கழகத்தினருக்கும் தனிப்பட்ட முறையில் எனக்கும் ஈடு செய்ய முடியாத பேரிழப்பு. அவரது மறைவால் வாடும் குடும்பத்தினருக்கும், கழகத்தினருக்கும் ஆறுதல் சொல்ல வார்த்தையின்றி தவிக்கிறேன்.

நம்முடைய லட்சியப் பயணத்தில் வெற்றிவேல் என்கிற பெயர் எப்போதும் நிலைத்திருக்கும். அவரது ஆன்மா இறைவன் திருவடி நிழலில் இளைப்பாற வேண்டுகிறேன்” என இவ்வாறு கூறியுள்ளார்.

samayam tamil Tamil News Spot

கொரோனா வைரஸ் பற்றி வெற்றிவேல் சொன்னது என்ன

மேலும், வெற்றிவேலின் இறப்பையொட்டி கழக கொடிகள் அனைத்தும் ஒரு வாரத்திற்கு அரை கம்பத்தில் பறக்கவிடப்பட்டு துக்கம் அனுசரிக்கவும், கட்சி நிகழ்ச்சிகளை ஒரு வாரத்திற்கு ரத்து செய்தும் கட்சியின் தலைமை உத்தரவிட்டுள்ளது.

Thanks for the Source

Share on Social Media

Leave a Reply

Your email address will not be published. Required fields are marked *