1604285728 pic Tamil News Spot
Share on Social Media

கொரோனால் உலகளவில் மிக மோசமாக பாதிக்கப்பட்டுள்ள நாடு அமெரிக்கா. இதுவரை அமெரிக்காவில் கொரோனா பாதிப்பு 90 லட்சத்தை தாண்டியுள்ளது. இதில் 2.29 லட்சத்துக்கும் மேற்பட்டோர் உயிரிழந்துள்ளனர். கொரோனா பாதிப்பு எண்ணிக்கையில் மட்டுமல்லாமல் உயிர்பலிகளிலும் அமெரிக்கா உலகளவில் முதலிடத்தில் இருக்கிறது.

கொரோனாவை அமெரிக்க அதிபர் ட்ரம்ப் சரியாக கையாளாமல் விட்டதால் லட்சக்கணக்கானோர் பலியாகியுள்ளதாக விமர்சனங்கள் வைக்கப்படுகின்றன. இந்நிலையில், பணத்துக்காக கொரோனா உயிர்பலிகள் குறித்து அமெரிக்க மருத்துவர்கள் பொய் சொல்வதாக டொனால்ட் ட்ரம்ப் குற்றம்சாட்டியுள்ளார்.

கொரோனா போன்று 8 லட்சத்துக்கும் அதிகமான வைரஸ்கள்: எச்சரிக்கும் ஐ.நா.சபை!

இதுகுறித்து டொனால்ட் ட்ரம்ப் பேசியபோது, “இருதய நோய் இருந்தாலும், புற்றுநோய் இருந்தாலும் விரைவில் உயிரிழக்கத்தான் போகிறார்கள். கொரோனா பாதிப்பு ஏற்பட்டாலும் இதுதான் நிலைமை. கொரோனாவால் யாரேனும் உயிரிழந்தால் நமது மருத்துவர்களுக்கு நிறைய பணம் கிடைக்கிறது. உங்களுக்கே இது தெரியும்.

நமது மருத்துவர்கள் சாமர்த்தியமானவர்கள். எனவே, எல்லோரும் கொரோனாவால் பலியாகி வருவதாக மருத்துவர்கள் கூறி வருகின்றனர். ஜெர்மனியில் யாரேனும் இறந்துவிட்டால் மாரடைப்பு அல்லது புற்றுநோய் என கூறிவிடுவார்கள். நம் நாட்டிலோ, சந்தேகம் வந்த உடனே கொரோனா என சொல்லிவிடுகின்றனர்” என்று குற்றம்சாட்டியுள்ளார்.

அமெரிக்காவில் நவம்பர் 3ஆம் தேதி அதிபர் தேர்தல் நடைபெறவிருக்கிறது. இதில் ரிபப்ளிகன் கட்சி சார்பில் டொனால்ட் ட்ரம்ப் மீண்டும் போட்டியிடுகிறார். அவரை எதிர்த்து டெமாக்ரடிக் கட்சி சார்பில் ஜோ பைடன் போட்டியிடுகிறார். தேர்தல் நெருங்கி வரும் வேளையில் ட்ரம்ப் தெரிவித்துள்ள சர்ச்சை கருத்து பரபரப்பை ஏற்படுத்தியுள்ளது.

Thanks for the Source

Share on Social Media

Leave a Reply

Your email address will not be published. Required fields are marked *