Share on Social Media



காலை எழுந்ததும் பல் தேய்த்து, ஒரு டம்ளர் வெதுவெதுப்பான நீர் குடித்த கையோடு இயற்கை உபாதை வெளியேற்றும் வழக்கம் எல்லா வயதினருக்கும் இருக்க வேண்டும். மாறாக ஒரு சிகரெட் போட்டால் தான் மலம் வெளியேறும் என்றோ, காஃபி குடித்தால் தான் மலம் வெளியேற்றவோ முடியும் என்றோ, வயிற்றை பிசைந்து வயிறு தசைகளுடன் சண்டைபோட்டோ மலத்தை வெளியேற்றுவது ஆரோக்கியமான அறிகுறி அல்ல. இந்த மலம் கழிக்கும் பழக்கத்தை முறையாக பழகிக்கொள்ள என்ன செய்ய வேண்டும் என்பதை இங்கு பார்க்கலாம்.

​மலச்சிக்கல்

தினசரி மலம் கழிக்கும் வழக்கத்தை சீராக கடைப்பிடித்தன் அவசியம் என்ன, மலச்சிக்கல் வராமல் எப்படி பார்த்துகொள்வது என்பதை சித்தமருத்துவர் வி.விக்ரம்குமார் MD(S) வாயிலாக கேட்போம்.

தினசரி வழக்கமாக மலம் கழிக்கும் வரை உடல் ஆரோக்கியம் எந்த பிரச்சனையையும் கொண்டிருக்காது. ஆனால் மலம் முழுமையாக வெளியேறாமல் கடினமாக வெளியேறுவது, மலம் கழிக்கும் போது துன்பப்படுவது வயிற்று வலி, வயிற்று உப்புசம், வாயு பிரிதல் என மலச்சிக்கல் உண்டாகும் அறிகுறிகள் கடுமையான உணர்வை கொடுப்பவை.

Athimathura Legiyam : கோழையுடன் வறட்டு இருமலையும் போக்கும் அதிமதுர இலேகியம்! எப்படி தயாரிப்பது ?

அதனால் மலம் கழிக்க கடும் பிரயத்தனம் எதுவும் செய்யாமல் வழக்கமாக மலம் கழிக்கும் உணர்வை வளர்த்துகொள்வது நல்லது. எந்த பழக்கமும் இல்லாமல் மலத்தை இளக்கி வெளியேற்ற பழகுவது தான் நல்லது. சில நாள்கள் மலம் வராது என்று அலட்சியப்படுத்தாமல் தினசரி மலம் கழிப்பது அவசியம்.

​மலம் கழிப்பதில் ஏன் சிரமம்

samayam tamil Tamil News Spot

தினசரி மலம் வெளியேற்ற விரும்பினால் உங்கள் உணவுப்பழக்கம் எப்படி இருக்கிறது என்பதை கவனியுங்கள். துரித உணவுகளைத் தொடர்ந்து சாப்பிடும்போது மலச்சிக்கல் உண்டாவது உறுதி.

நாவிற்கு சுவை அளிக்கிறதே என்று துரித உணவுகளை எடுக்கும் போது அதில் இருக்கும் ரசாயனங்கள் குடல் இயக்கங்களைத் தடுத்து அதன் பணியை கடினமாக்குகிறது. இது மலச்சிக்கலை ஏற்படுத்தும்.

குறிப்பாக மைதா சேர்த்த உணவுகள் மலச்சிக்கலை உண்டாக்கும். பாரம்பரிய மசாலாக்கள் இல்லாமல் சுவையூட்டும் இன்னும் பல மசாலாக்களை சேர்ப்பது, உண்ணும் உணவின் தரத்தை மாற்றிவிடும். அதிலும் அசைவ உணவுகளின் சமைக்கும் முறை, சுவையூட்டும் மசாலா எல்லாமே மோசமான குடல் அசைவை உண்டாக்கலாம்.

உணவிலும் அளவுக்கு அதிகமாக உணவுகளை உண்பது, செரிப்பதற்குக் கடினமான உணவுகளைச் சாப்பிடுவது, தேவையான அளவு தண்ணீர் பருகாதது போன்றவை மலச்சிக்கலை உண்டாக்கும் மிக முக்கியக் காரணிகள் ஆகும்.

​மலச்சிக்கல் தவிர்க்க திரவ ஆகாரம்

samayam tamil Tamil News Spot

வயதான காலத்தில் மலச்சிக்கல் உண்டாகலாம். சில வகை மருந்துகள், மனஅழுத்தத்தமாக இருப்பதும் கூட மலச்சிக்கலை உண்டாக்கலாம்.

உடல் உழைப்பு இல்லாதவர்கள், அதிகமாக டீ, காபி அருந்துபவர்கள், தூக்கமின்மையால் அவதிப்படுபவர்கள், மலத்தை அடக்குபவர்கள் போன்றவர்களுக்கும் மலம் இயல்பாக கழிப்பதில் சிரமம் உண்டாகும்.

மலத்தை அடக்கும்போது, மலத்தில் இருக்கும் நீர்த்துவம் மீண்டும் மீண்டும் உறிஞ்சப்பட்டு, வறண்ட மலமாக வெளியேறும். மலம் வறட்சியாக கடினமாக்கி வெளியேறும் போது மலப்பாதையில் சிக்கல்களை உண்டாக்கி நாளடைவில் பௌத்திரம் வரை கொண்டு செல்லும்.

​மலம் கழிக்கும் முறையிலும் முக்கியம்

samayam tamil Tamil News Spot

கழிப்பறை செல்லும் முறையிலும் மலம் வெளியேறுவதில் சிக்கல் உண்டு. மேலை நாட்டு பாணியில் நீண்ட நேரம் உட்கார்ந்து இருந்தாலும் மலம் வெளியேறாமல் தவிப்பவர்கள் உண்டு.

மூட்டுகளில் எந்த பிரச்னையும் இல்லையெனில், நமது பாரம்பரியமான கழிப்பறையில், குத்தவைத்து மலம் கழிக்கும் முறையைப் பின்பற்றினாலே மலம் இயல்பாக வெளியேறும்.

Irumalukku Patti Vaithiyam : சளி, இருமலுக்கு மாத்திரை எதற்கு? டாக்டர் சொல்லும் பாட்டி கால வைத்தியம், எல்லா வயதினருக்கும்!

குத்தவைத்து மலம் கழிக்கச் சிரமப்பட்டு, மேலைநாட்டு பாணியில் அமர்ந்துகொண்டு மலம் கழிக்கும்போது, முழுமையாக கழிவுகளை வெளியேற்ற முடியாது. மேலைநாட்டுக் கழிப்பறையைப் பயன்படுத்துபவர்களுக்கு மலச்சிக்கல் தொந்தரவு அதிகளவில் இருக்கும்.

மேலும், மலப்பை தசைகளுக்கும் அழுத்தம் ஏற்பட்டு, மலம் வெளியாவதில் சிரமத்தை உண்டாக்கும். அதே வேளையில் தொடைப் பகுதிகள் வயிற்றுத் தசைகளை அழுத்தும் அளவுக்கு குத்தவைத்து மலம் கழிக்க முயலும் முறை, மலத்தை முழுமையாக வெளியேற்றும்; இடுப்புப் பகுதிகளுக்கு சிறந்த பயிற்சியாகவும் அமையும்.

​மலமிளக்கி மருந்துகள் எப்போது தேவை?

samayam tamil Tamil News Spot

மலச்சிக்கல் ஏற்பட்டவுடன், மலமிளக்கி மருந்துகளின் ஆதரவைத் தேடக் கூடாது. மலச்சிக்கல் ஏற்படுவதற்கான காரணத்தை ஆராய்ந்து பார்த்து, உணவு மற்றும் வாழ்வியல் முறை மாற்றங்களின் மூலமே சரிசெய்ய முயற்சிக்க வேண்டும்.

மலம் கழிப்பதில் திடீரென சிரமம் ஏற்பட்டால், முந்தைய நாள் சாப்பிட்ட உணவின் தன்மையை ஆராய்ந்தால் போதும். பெரும்பாலும் காரணம் கிடைத்துவிடும். அதே நேரம் வயதானவர்களுக்கு குடலின் செயல்பாடுகள் பெருமளவில் குறைந்திருக்கும். அப்போது தொடர்ந்து மலச்சிக்கல் பிரச்சன இருந்தால் மருத்துவரின் அறிவுரையோடு மலமிளக்கி மருந்துகளை தேவைக்கேற்ப பயன்படுத்தலாம்.

ஆனால், இளவயதில் மலத்தை வெளியேற்ற, மருந்துகளை நாடுவது மிகப் பெரிய தவறு. இயற்கையாக வரும் மலத்தை செயற்கையாக வெளியேற்ற முயல்வது தவறு.

​மலச்சிக்கல் இருந்தால் நார்ச்சத்து நலம் தரும்!

samayam tamil Tamil News Spot

மலம் கழிப்பதில் சிரமம் இருந்தால் உணவில் நார்ச்சத்து சேர்க்க வேண்டும். இது குடலின் அசைவுகளை துரிதப்படுத்தி, மலத்தை இளக்கி வெளியேற்ற உதவும். கரையக்கூடிய நார்ச்சத்து (Soluble fibre) மற்றும் கரையாத நார்ச்சத்துள்ள (Insoluble fibre) உணவுகளை சேர்த்து எடுக்க வேண்டும்.

பசலை, சிறுகீரை, மணத்தக்காளி போன்ற கீரைகள், நார்த்தன்மை நிறைந்த காய்கள், வாழை, பப்பாளி, திராட்சை போன்ற பழங்கள், பயறு வகைகள், முழுதானியங்கள், கொட்டை வகைகள் திட்டமிட்டு எடுக்கவும்.

மலச்சிக்கல் இருந்தால் வெந்தயம் சிறந்தபலனை அளிக்கும். வெந்தயம் சிறிதளவு எடுத்து நீரில் ஊறவைத்து, கொழகொழப்புத் தன்மையை அடையும் போது நீரோடு ஒரு ஸ்பூன் எடுத்து மென்று சாப்பிட வேண்டும். மலச்சிக்கலை நிவர்த்தி செய்ய இவை உதவும். 100 கிராம் வெந்தயத்தில் 65% நார்ச்சத்து இருப்பது குறிப்பிடத்தக்கது.

​மலச்சிக்கலுக்கு சித்த மருத்துவம்

samayam tamil Tamil News Spot

மலம் கழிப்பதில் சிரமம், மலச்சிக்கல் இருந்தால் குடலின் ஆரோக்கியம் காக்க தினசரி ஒரு டம்ளர் மோர் குடிக்கலாம்.

licorice : அதிமதுரத்தை எப்படி எடுப்பது? பக்கவிளைவுகள் என்ன? அளவாக எடுத்தால் என்ன நன்மை கிடைக்கும்?

குடலுக்கு நன்மை செய்யக்கூடிய ’புரோபையாடிக்’ கூறுகள் நிறைந்த மோர் மலச்சிக்கலை குணமாகும்.

வெதுவெதுப்பான நீர் வெந்நீர் குடலின் அசைவுகளை அதிகரிக்க செய்யும். தினசரி நிறைய தண்ணீர் குடிப்பது மலச்சிக்கலுக்கான முதல் மருந்து. தண்ணீருக்கு மாற்றாக செயற்கை பானங்கள் எப்போதும் அருந்தக் கூடாது.

மலம் கடினமாக இருக்கும் போது நீங்கள் விளக்கெண்ணெய் பயன்படுத்தலாம். குழந்தைகள் முதல் முதியோர்கள் வரை அனைவரும் விளக்கெண்ணெயை மலமிளக்கியாக பயன்படுத்தலாம். வெதுவெதுப்பான நீரில் விளக்கெண்ணெய் கால் அல்லது அரை டீஸ்பூன் அளவு கலந்து குடிக்கலாம்.

​மலச்சிக்கல் இல்லாமல் தவிர்க்கும் உணவுகள்

samayam tamil Tamil News Spot

செரிமானம் சீராக இருந்தால் மலம் கழிப்பது இயல்பாக இருக்கும். செரிமானத்தை சிறப்பாக்கக்கூடிய சீரகம், சுக்கு, மிளகு, ஏலம் போன்றவற்றை உணவு வகைகளில் அதிகமாக சேர்த்துக்கொள்ளலாம்.

குறிப்பிட்ட கால இடைவெளியில், மருத்துவரின் ஆலோசனைப்படி பேதி மருந்துகளை எடுத்துக்கொண்டு, செரிமானப் பகுதிகளை புத்துணர்வுடன் வைத்துக்கொள்வது அவசியம். பேதி மருந்துகள் மலச்சிக்கலை நீக்கும்; உடலில் தேங்கிய நச்சுப் பொருள்களை வெளியேற்றவும் உதவும். நீண்டகால மலக்கட்டினை சரிசெய்ய, ’பீச்சு’ (Enema) எனப்படும் புற மருத்துவ முறையும் அற்புதமான பலனை அளிக்கக்கூடியது.

​மலச்சிக்கலுக்கு சித்த வைத்தியம்

samayam tamil Tamil News Spot

சித்தமருத்துவத்தில் மலச்சிக்கலுக்கு மருந்துகள் உண்டு. எளிய மருந்துகளான நிலவாகைச் சூரணம் சிறந்த மலமிளக்கியாக செயல்படும். இதிலுள்ள கிளைக்கோசைடுகள் (Glycosides), செரிமானப் பகுதியில் உள்ள நரம்புகளைத் தூண்டி, மலத்தை வெளியேற்றுவதாக ஆராய்ச்சி முடிவுகள் தெரிவிக்கின்றன.

திரிபலா சூரணம், பொன்னாவரை சூரணம், கடுக்காய் லேகியம், கடுக்காய் சூரணம், மூலக்குடோரி எண்ணெய்… என உடல் அமைப்புக்குத் தகுந்த நிறைய சித்த மருந்துகள் இருக்கின்றன.

மலச்சிக்கல் தொடர்ந்து இருந்தால், மருத்துவரின் ஆலோசனையுடன் மருந்துகளை எடுத்துகொள்ளலாம். ஆரம்ப கட்டத்திலேயே உணவு முறை, வாழ்க்கை முறை மூலம் மலச்சிக்கலை சரி செய்ய வேண்டும். இயலாத நிலையில் அவை மீண்டும் தொடரும் போது மருத்துவரின் உதவியை நாட வேண்டும்.

Diabetes Tests : சர்க்கரை நோயாளிகள் வருஷத்துக்கு ஒரு முறை கண்டிப்பா செய்ய வேண்டிய பரிசோதனைகள் என்னென்ன?

அப்போதும் உணவு முறையிலும் வாழ்க்கை முறையிலும் சரியான மாற்றங்களை கடைப்பிடித்து இயல்பான மலம் கழிக்கும் நிலை வந்ததும் மருந்துகளை நிறுத்தி இயற்கையோடு ஒன்றிவிடுவது நல்லது.



Source link

Share on Social Media

Leave a Reply

Your email address will not be published.